支持及訂閱請按 Like

星期日, 6月 28, 2009

《福佳當奴勿當奴》預告片

《福佳當奴勿當奴》將一片分為三

第一套係正戲的短片,由五大演員真人上演,排名不分先後,有陳淑莊扮演「當奴待應」,袁彌明、陳巧文演「勿當奴員工」,賴恩慈與兩歲半小妹妹擔任顧客。

第二套係回歸《福佳》系列的傳統歌舞片,加入紀念 MJ Michael Jackson 的環節,一眾膠官將大演硬膠舞步,配合群星演唱的改歌面世

第三套就係呢套預告片,由於冇時間再剪,片段有少許重覆,多多包涵。

七一前正式上市

上星期四壹周刊報導:
上周末晚上,葵涌某所工廠大廈正進行「秘密倒曾」活動,「疑犯」包括公民黨立法會議員陳淑莊、爭取西藏宗教自由的港大女生陳巧文,及轉做才女的前落選港姐袁彌明,原來三人正拍攝號召七一遊行的短片。

反串扮曾蔭權特首的陳淑莊戴上微禿假髮,穿著大兩碼的男人西裝,再結上煲呔。劇情說她是快餐店「勿當奴」的老闆,以「普選樂園餐」做幌子呃飯食,她邊化妝,邊學煲呔表情:「最緊要上唇向上蹺,有少少似徐小鳳,但郁動冇咁多;個頭微微向上抬,語氣要輕佻,好似睇唔起人咁就最似。」她在Youtube翻看完煲呔的「六四論」,即對著鏡頭學他語無倫次:「我既意見代表全香港『勿當奴』意見、全世界、全宇宙……我要做好呢份工、呢份工……唔會同你狗噏辯論……」

袁彌明飾演「勿當奴」侍應,專送贈品,包括代表政制事務局林瑞麟肖像的「人肉錄音機」、政務司司長唐英年的「糖果」。去年在立法會選舉廣告片中自稱「Reginababy」的葉劉淑儀,也被製成吹氣公仔,她更想出「食夠廿三條薯條有得送」的對白,諷刺葉劉曾推銷廿三條惡法。

袁彌明身上的「勿當奴」戲服由陳巧文製作,陳憶述:「我兩星期前知道要拍呢段片,去咗麥當奴兩次,記低佢哋套制服的顏色同袖位,然後去旺角二手舖買材料,做咗兩日。」她買了紅白雙間的短袖衫,將中間的布剪成兩個手袖;又將鮮黃色的連身裙剪成外套,再於袋口縫上家中找到的紅布,她說:「我手工唔好,有些係自己縫,但好多係用雙面膠紙、扣針連埋一齊。」

這晚她也要飾演侍應,她拿起道具晃來晃去說:「試吓呢部人肉錄音機,阿爺講乜佢講乜。」又將嘴角靠近「林瑞麟」臉龐,佯裝傾慕叫道:「好神奇架!」接著又大讚「唐英年糖果」會「吊吊fing」,表情豐富,連攝影師都大讚她經驗雖少,但表演出色。原來陳巧文在英國中學有修讀戲劇,會考成績取B:「當時上堂會比二十分鐘準備,幾個同學即時諗個短故事,用最少的道具,仲要演出。我亦做過學校舞台劇,不過番來香港冇再做過。」

自零三年起年年參加七一遊行的陳巧文,今次粉墨登場號召上街,但她講明自己不是倒曾:「曾蔭權同董建華只係阿爺的吹氣公仔,即使下台,第二個都會一樣,所以我係要爭取普選。我哋冇雙普選時,雙腳就係改變政局的唯一方法。」

這段《福佳當奴勿當奴》短片由網民林忌和Freeman製作,○七年兩人將回歸十周年主題曲《始終有你》改編成《福佳始終有你》,嘲弄煲呔曾及前民建聯主席馬力,在Youtube半年內有過百萬點擊率。今次林忌找來三位美女登場,他說:「希望視覺效果完美,正如拍戲都一定會搵上得鏡的演員,佢地三個(四個)都係靚女,而且又會去遊行(當然希望可以加分。)」

Charles Mok 的現場拍攝相片

人為何而活?

(星島日報報道)援交歪風持續,網上討論區有少女公然臚列「賣身」收費詳情,更有少女因援交而沉淪毒海。有機構上月以問卷形式訪問近三千名中學生,了解他們對援交看法。調查發現,有近百分之五的受訪學生表示自己有可能參與援交活動,當中有近半為來自名校的第一組別(Band 1)學生,半數受訪學生亦更認為援交很平常,是一種「互相利用、各取所需的社交生活」。負責調查的機構指結果反映年輕人的價值觀出現扭曲,名校生成績佳不等於道德水平高。

 香港性教育、研究及治療專業協會為了解中學生對援交的看法,於今年五月,以問卷形式訪問二千九百多名中一至中六的學生,當中五成三屬女學生。調查發現百分之四點六受訪中學生認為「自己有可能參加援交」,當中以Band 1名校生佔最多,達百分之二、Band2學生佔零點九個百分點,其餘百分之一點九為成績較差的Band 3學生。

  調查亦問及受訪中學生有意參加援交的原因,有八成七受訪中學生表示,參加援交的目的是為了賺錢消費,如購買名牌手袋,亦有近半數人表示喜歡收受對方送贈的名貴禮物,四成多認為援交可以讓他們尋回被寵愛的感覺。

前篇:

經過中共、土共長年累月不停造假之後,首先對呢 d 調查一定抱有最大的疑心,第一,呢個會係乜水?睇佢網頁乜都冇講,我地亦唔知,亦唔方便做評論;第二,就算個調查係真,個方法有冇出錯?定係 Band 1 學生覺得你個問卷好膠,於是就亂填?四點六的中學生認為「有可能參加援交」--係男仔可能,定係女仔可能?有冇性別的數據?可能的意思係有男同學認為「有女學生肯同你援交我就上」,定係有女同學認為:「咦?我的外表都有人想同我援交?好呀,貼錢我都願呀」。

質疑完,然後就要指出援交一點都唔出奇;點解?問下人為乜而活?問下曾蔭權,佢答你國家的經濟發展好繁榮,所以佢代表香港人,所以大家應該忘記六四;問下由上而下的一眾官員、自稱「愛國」的議員,佢地為左名利、權位、經濟利益,可以出賣良心良知(如果仲有的話),所以問人為乜而活,仲有一個跟進的問題,就係出賣靈魂可恥點,定係出賣肉體可恥點?定係兩者都出賣可恥一點?

相比起呢班土共出賣良知,出賣香港人,援交的錯誰者為重,誰者為輕?係囉,問下點解全香港九成九的傳媒呀、中立人士呀,一講到援交呢類問題,就立即大聲責難,但對果班高堂之上呃神騙鬼,更加埋沒良知、良心,更加「反人類」的一眾人渣,卻都輕輕放過呢?

如果為左錢去出賣良心良知加肉體冇問題,咁點解只係出賣肉體就有問題?

如果一個人真心覺得出賣肉體冇所謂,點解大家要質疑佢覺得有所謂?
因為嫁個有錢人,呃自己良心話自己鍾意佢,就高尚些?一個人為左錢而「愛上一個人」,行為就值得全港傳媒報導?

後篇:

人究竟為何而活?當呢 d 傳媒大大聲質問援交人士的時候,有冇問問自己呢?你地又為左乜而活?記者你為左份人工,為左你自己的生活,寫埋哂 d 違背良心的報導,自己又會唔會慚愧?

如果你唔會慚愧,點解又要援交的人覺得慚愧?

最過癮的,有班「反對自由市場」的人士,把「為乜而活」的問題,大大聲挑出來質問黎智英、楊懷康、施永青以及獅子山學會!最奇怪的,就係兩大老闆黎智英、施永青,永別係蘋果同 AM 730 的老闆,兩人都偏偏大茶飯唔食,卻走去被喻為累人「傾家蕩產」的辦報,而佢地的報紙仲肯撐下言論自由,為乜而活,你唔係去問土共,卻走去問佢地?

如果話包容援交、包括市場主導係可恥,咁包容慌言,包容出賣良心良知靈魂的,係乜?
兩者最唔同的,就係前者赤裸裸承認人性的「市場主導自由」,而後者就係中國人最愛講一套、做一套的偽君子。

人究竟為何而活?好偉大呀--只要付出的不是你,就最好了!

人之所以係人,就係首先把自己視為「高人一等」,或者「高禽獸一等」,用一大堆大話,去包裝自己與眾不同。

科學證明,孟子所講的「人禽之辨」,由頭到尾都係發開口夢;人就係動物,咩人有惻隱之心,動物都有,兩者本質絕無不同,只係智力上的分別。中國的聖人就係科學盲,於是走上了歪路,以為人係與眾不同的,以為人性係善良,可以戰勝邪惡,以為靠人為干預人性,可以做得比起大自然的市場力量好。

最大的邪惡就係人的本身;大自然遠比起人類善良,靠會腐化的人性去更正大自然,結果只會係更腐化、更邪惡。只有承認人性本惡,只有承認人係自私的,只有善用市場自私自利的法則,制度才可能長治久安;凡違反呢個定律的,絕不能持久。

靠聖人?靠明君?靠一片好心?靠得住咩?只有靠市場的力量!唔相信自由市場,又點解相信民主?民主制度就係最大的自由市場,亦係行之最有效的自由市場!

大家講慣左「民主、自由」,經常當係兩件事--係,在形容「民主制度」與「言論自由」的時候,的確係兩件事,但民主制度的本質,就係用自由市場的法則,去讓人民、讓群眾自行選擇。

當然市場有時會癡 Q 線,正如民主制度下一樣有時會癡 Q 線一樣,因為人本身就係癡 Q 線的動物,把人視為「超人」,視為永遠理性,當然係最癡 Q 線的假設。當人有病,當然要食藥,食藥就係人為干預;但當人冇事的時候,下下干預似乜?食咁多維他命,吸收到呀?日日食藥,有冇病呀?冇病都當有病咁食?呢d 就真係癡 Q 線啦。

民主制度最可貴,又或者自由市場最可貴的係乜?就係透過可行的制度,去自行調節。下下干預,搞軍事政變?搞革命?冇病呀?

有,就係有人有病,所以佢地選擇用革命去推翻「暴政」,結果得出來的結果,係十倍、百倍、千倍的暴政,上世紀全世界有一半就係癡 Q 左,走去相信理想,走去迷戀人為干預的共產社會主義、希特拉的國家社會主義,結果....
.......................

當大家提到西歐、北歐的例子之前,又問下自己,佢地歷史係點樣發展的?係先有自由民主,再有社會主義,定係先有社會主義,再有自由民主?

在未有自由民主之前,想搞社會主義?又或者認為社會主義,比起自由民主更加重要?這種倒轉先後因果的做法,就好似大陸想唔改政制,只改經濟一樣,只能一時,絕不能長久。

沒有民主,就沒有民生,明冇?陳方安生呢一句說話,就係智慧的代表作。
可惜,知音人實在太少,包括泛民中人......

當政制扭曲至此,一個不健全的假民主制度,就係滋生民粹的制度;點樣先可以和平理性?相信自由市場,相信人民的選擇,當一切先決條件如常,民主就係最好的制度--因為只有選票,才可以制衡大財團,同樣亦可以制衡過度的福利主義--因此,要搞社會主義,要學北歐、法蘭西,先決條件就係把香港建設成為民主的社會。

土共最愛問:「港英時代點解冇民主卻有民生?」--因為英國政府有民主,而中共卻沒有民主,香港又唔係國家,乜土共支持港獨咩?

人為乜而生存?追求真善美?對,大家都同意「應該」係追求真善美。

問題係,當人性醜陋到極無謂、極無聊的時候,當有 99% 的人都係無聊人的時候,我地應該點?強制佢地追求真善美?送哂唔合資格的人去集中營?

「把人還畀人」?就係把人性的醜陋還畀人--市場係死物,人性才是真理,市場就是人性的真理,順人性而為之,先可以順勢而行;視市場為死敵,抽離人性逆天行事,就必然失敗告終。

星期六, 6月 27, 2009

原來黎智英統治香港!

Facebook 有個膠都廢時畀的 group,上面寫住:「諸如黎智英、楊懷康、施永青及獅子山學會諸君,這些自由市場的信徒,對這些事實一定不同意。但在你們砌詞反駁前,請先回答以下問題:人,究竟為何而活?人,只是一部盡力掙錢的機器和一隻只要有錢花便滿足的消費動物嗎?經濟發展究竟又為了甚麼?一種只有讓少數人得享好處的經濟發展,我們要來做甚麼?」

睇到呢段文字,林忌好想笑--究竟統治香港的係左派的共產黨,係勾結共產黨等的有錢佬如李氏集團,定係黎智英呢?

係囉,點解香港而家咁不公,呢班友仔唔係把矛頭指向政府,唔係把矛頭指向共產黨,卻把矛頭指向在傳媒界人工高、待遇好的壹集團?

乜原來香港今日的問題係「自由市場」?癡左線呀?係有人又有人收左錢,要全力抹黑黎智英呀、獅子山學會呀?反對自由市場?我地要在香港推行一國一制--共產主義嗎?

最過癮係,歷史已經解答左呢班膠人的問題--共產主義證明由始至終都係失敗中的失敗,今日的民主、自由、法治的體制,絕對唔係因為「理想」而「計劃」出來,而係自由市場下的力量,才「自我誕生」出來;英國的民主議會,係歷史「自由市場」的意外,而唔係有一個偉人,去「設計誕生」--由護國公克倫威爾,到英國國會同英皇之間的權鬥,由頭落尾都係權力鬥爭,而唔係佢地自我幻想的「哲學」。

英國的法治制度--普通法的誕生,就係十二世紀英國國王亨利二世為左稅收--錢,臭到無可再臭的錢,為左增加自己的收入,而可以有錢去收買地方的封建勢力,於是提供「法治服務」-- writ ,成立國王的法庭,去為人民仲裁--仲裁的代價,就係要交稅!為左錢,因此英國國王願意成立法庭;由於只有可靠些、公正些的「自由市場制度」下,人民才肯接受法庭的仲裁,因此法庭、法律透過歷史的自由市場而完善,因此才有普通法的誕生!普通法,係因為「理想」而誕生的嗎?呢班膠人有冇讀過歷史?

歷史再證明,滿口仁義道德的「救世主」,出埋的只有毛澤東、史大林之流的人渣;再唔係,就係孔子、孟子只識得「之乎者也」的膠人,除左留下一大堆偉論之外,只係人生的失敗者!在香港,肯堅持言論自由又能夠自我生存的報紙,只得一份,就係黎智英的蘋果日報;肯堅持言論自由又能夠生存的主流雜誌,亦只得一份,果份就叫壹周刊。因此,佢地呢班人就好不滿黎智英、楊懷康等的做法,因此好想佢地收檔,因此要搞個 group 來反對佢地?

「人,究竟為何而活?人,只是一部盡力掙錢的機器和一隻只要有錢花便滿足的消費動物嗎?經濟發展究竟又為了甚麼?一種只有讓少數人得享好處的經濟發展,我們要來做甚麼?」

--係囉,因此黎智英應該去賺更多的錢,第一件事就係投靠中共,換來入大陸的機遇;又或者學下其他滿口仁義道德的傳媒,一齊口是心非,口口聲聲反對自由市場,實際上就擁抱大陸--這些滿口不在乎的錢的人,只有兩種,第一種就係假貨,其實佢地就係最愛錢,第一個投降的人;而第二種,就係弱智,因為用佢地的方法,只會永永遠遠,被佢地最憎的人踩在地底一世,而佢地又死不認錯,堅持太陽應該由西邊升起才對--唔好要錢,廢除人性的自私,好理想,好夢幻,但係智商只得三歲。

冇民主、冇自由,搞社會主義結果係乜?

1. 共產黨有中國特色的社會主義
2. 納粹德國的國家社會主義。

為左社會主義,佢地係唔係應該爭左民主先來講呢?
定係佢地眼中,即使走共產黨極權主義的路都唔緊要,因此要打倒自由派先?

定係有人收左錢,要用經濟理由,去抹黑目前僅存而有戰鬥力的民主右派呢?劉 x 強呢頭搞聯署,呢邊又立即有人出來聯署針對壹集團?望下長毛被屈非禮果段片,大家應有體會。

星期四, 6月 25, 2009

最低工資的雙重標準

張建宗就《最低工資條例草案》與傳媒的談話內容(中文部分):

「第二點我們要考慮到,這亦是一個很重要的考慮,留宿家庭傭工享有所謂的非現金權益。這些非現金權益是甚麼?由於他們住在僱主家中,一般來說,他們享有免費住宿,水、電、煤全部都不用支付;由於他們住在僱主家中,亦是上班的地方,可以省卻交通開支,這是他們獨特的地方。香港目前有二十五萬多的外傭,他們的情況大家都很清楚。他們有免費膳食,僱主提供膳食或膳食津貼,標準僱傭合約規定要提供膳食或膳食津貼,同時免費醫療,正是僱主要負擔的,及往返原居地的雜費等。在七零年代開始,為加強外傭的保障,我們已有「規定最低工資」,目前的水平為三千五百八十元。基於這些理據,我們覺得需要豁免留宿家庭傭工,因為在操作上很難計算工時,以及他們有所謂的非現金權益,這其實是工資,只是不以錢去表達,但有非現金的表達。我們徵詢了法律意見,這個做法完全有法律理據支持。」

睇到呢度,林忌真係好想笑;每一個賊犯法,都有一大堆理由,每一個人渣殺人放火,都有一大堆理由,而我睇到呢度,就真係好想講:「嘩!希特拉殺猶太人,都好有理由--因為猶太人比較低劣呀!」

我地就係呢篇文聞到呢陣味--講咁多廢話,完全係因為一旦最低工資實行,政府無法避免一個好核突的問題--賓妹係唔係人?泰妹係唔係人?如果香港人有最低工資,點解佢地冇?但如果佢地有,佢地的人工係唔係要定得低過中國人?如果係的話,我地會唔會被人踢爆係歧視?如果被人踢爆係歧視,會唔會被人告上法庭?

因此為左冇咁明顯歧視,於是除了「外籍留宿家庭傭工」之外,勉強再加入「本地留宿家庭傭工」(好偉大呀呢個政府!連「留宿」呢點都諗埋,有幾多個「本地」的「家庭傭工」會「留宿」呢?)

「留宿家庭傭工享有所謂的非現金權益。這些非現金權益是甚麼?」--例如廿四小時都要隨時候命,好似唔少醫生呀,消防員呀,佢地都要隨時 standby 的,不如以後取消果 d 咩候命津貼啦,原來政府認為係「非現金權益」來的呀!!

「由於他們住在僱主家中,一般來說,他們享有免費住宿,水、電、煤全部都不用支付;由於他們住在僱主家中,亦是上班的地方,可以省卻交通開支,這是他們獨特的地方。香港目前有二十五萬多的外傭,他們的情況大家都很清楚。他們有免費膳食,僱主提供膳食或膳食津貼,標準僱傭合約規定要提供膳食或膳食津貼,同時免費醫療,正是僱主要負擔的,及往返原居地的雜費等。
」--大陸的非人生活工廠,為左用盡每一分工人的時間(西方幾百年前都係咁),都會強迫員工留宿,住在細到不能再細的房仔之中,就同香港的外僱的「住宿」、「水、電、煤」接近!嘩,如果「包食宿」就可以係轄免理由,以後好多工種好似管理員呀,都可以「包食宿」o架,例如廿四小時都包哂,叫佢坐廿四小時在更亭囉,任佢瞓八個鐘都得,超偉大呀,政府係唔係同我地講,呢 d 都可以轄免呢?

定係講到尾,要「留宿家庭傭工」先可以轄免呢?人少少認左佢啦,其實都只係轄免外傭囉,明冇?因為外傭人工一高,市民實嘈,嘈就唔通過,因此,為左香港人自己的正義,我地就要把外傭定為「非人」,唔保障佢地啦,明冇?為左唔好咁明顯,所以就要搵一大堆昆三歲細路的藉口,明冇?

香港人的人格分裂真係好過癮;有好多議員大佬話要搞「最高工時」,望下自己議員辦事處,有幾多人實行緊「最高工時」先?香港人口口聲聲追求「最低工資」,今日外傭「更低的最低工資」推行了咁多年,例如印傭的收入,普遍都係遠低於最低工資的價錢,點解冇人執法?點解執法唔到?點解冇乜香港人會為佢地出頭?中國人口口聲聲「律己以嚴,待人以寬」,對唔住幾千年來我地永遠都係倒轉,永遠「律人以嚴,待己以寬」,永遠自己做乜,都可以創作一大堆理由同藉口,如果當對外傭的最低工資,都可以搞出無法執法,多數人實收少過法例的時候,政府憑乜野講佢地可以第時做得到?如果推行「最低工資」係為左「公義」的時候,我地憑乜野歧視外傭,強分工種而唔包括佢地的工作?這是公義嗎?

「基於這些理據,我們覺得需要豁免留宿家庭傭工,因為在操作上很難計算工時,以及他們有所謂的非現金權益,這其實是工資,只是不以錢去表達,但有非現金的表達。」--再一次,張建宗局長為左講大話而講大話,為左自欺欺人而呃神騙鬼,明明外傭「留宿」係負擔,係工作的一部份,佢可以講到係「非現金的權益」;明明外傭要廿四小時候命,係一種「超高工時」,佢地可以講到係對外傭的「愛戴」,強把歧視說為福利,強把「剝削」說為「著數」,幾時我地學埋納粹黨政府的所作所為,把「集中營」說為「幸福營」?把「毒氣房」說為「衛生消毒洗澡」呢又?

星期三, 6月 24, 2009

政府「向納粹出發」!

「三三四推行 議員促檢討智障生18歲離校是否違法
2009-06-22HKT13:57
新高中學制將於今年9月正式推行,教育局計劃在新學年開始,規定智障學童年滿18歲便要離校。
立法會通過動議,要求政府立即取消規限18歲或以上學童,須通過審查才獲得資助的限制,讓有學習需要的智障學童可以繼續學業,又要求給予一年時間進行諮詢,以及檢討有關的年齡限制,是否有違反法例之嫌。」

特膠政府經常帶頭犯法,今次又一例證;香港法例 487 章《殘疾歧視條例》24 條有關教育的條文,已經規定了「任何教育機構如在以下方面或藉以下做法歧視殘疾人士,即屬違法─(1)(a) 拒絕或沒有接受該人的入學申請;或(1)(b) 在準備讓該人入學的條款或條件上。(2)(a)不讓或限制該學生接觸該教育機構提供的利益、服務或設施;(2)(b)開除該學生的學籍;或 (2)(c)使該學生遭受任何其他不利。

1. 20 歲上限的歧視
在進行《三三四改革》前的制度,特膠政府已經長期歧視呢班智障學生--特膠政府對普通學生沒有年齡限制,即使留班、遲入學等原因,政府可以任由學生讀中學,即使廿幾三十歲,都可以完成學業為止;但凡係「智障學生」,政府一到廿歲就一定踢走佢地,你話呢個咩世界呢?

歧視性的則例--香港的資助學校資助則例

主流學校的中學生--沒有年齡限制
特殊學校的中學生--上限 20 歲 (2007 年版 15.2 (III)

2. 18 歲以上的程序歧視
根據 02-03 年起教育局的「特殊教育需要--智障兒童學校延伸教育計劃」,名為延伸實為縮短,以往 18 歲的智障學生讀書唔需要申請,經過「延伸」之後,就需要向教署申請審批,才可以「留校」。

當然,「主流學生」係唔需要申請,就可以無限期讀落去的--我地見到,愈有「生理需要」留班的學生,政府就趕走佢;反而「非生理需要」的留班學生,政府就被佢地無限期讀落去!嘩!消滅弱等人種呀!我地的特區政府變左納粹呀?

更絕的係,最初政府搞「伸延」的時候,有九成 18 歲以上的智障學生都得到批准留校,去到今年就大部份申請都不准留校,果然特區政府正向「納粹再出發」。

3. 18 歲的分班歧視
在特殊學校內,政府撥款資助以十個學生為一班,但政府卻當 18 歲以上的學生唔係人,因此佢地係唔會得到「分班」的資則;簡單而言,就係一班 10 個人,但 18 歲以上的唔計數,於是零頭多出的 18 歲學生,係唔會得到任何資源去分班--例如 18 歲以下的學生有 99 個,就最多可以分 10 班, 18 歲的學生於是只可以收一個,因為其他的零頭係唔會得到政府撥款的。

政府搞新高中學制,再一次遺忘左呢班智障學生,政府仲成日扮乜野叫企業請智障人士?

《殘疾歧視條例》36 條 寫到明,條例適用於政府--政府如在執行其職能或行使其權力時歧視殘疾人士,即屬違法。

大家明白點解近年立法,政府乜都要「轄免權」啦?因為呢個政府機關係無恥到不得了,就和那些香港納粹黨一樣,係專門欺負弱者的法西斯!

星期日, 6月 21, 2009

周街都可以屈人非禮呀!


社民連長毛幫季詩傑助選,被屈非禮 (一)

全程有 camera 影住,都可以有個女人走來主動狂搞長毛,然後再見到差佬時大叫畀人非禮,呢個係世界呢?咁樣男人未好危險?

警方睇完呢套片,會唔會控告呢位女性「浪費警力罪」、「阻差辦公」呢?

終於明白點解日本的男性要求設立「男性車廂」了,因為對住呢班衝上來搞你再然後大叫非禮的仆街,次次選舉都可以有一大堆,佢地收左幾多安家費呢?我地香港警方對呢班人坐視不理,係唔係變相鼓勵某些垃圾政黨出動呢 d 卑鄙的手法呢?

再一次,遇到民建聯,又有阿嬸衝出來搞泛民的人,然後大叫非禮!

好危險呀!香港周街都有人「主動非禮」呀!

星期六, 6月 20, 2009

支持最低工資的極左膠文

反最低工資的極右劣文
週五, 2009-06-19 14:07 — paulymh

反最低工資的極右劣文

市場原教旨總有一大堆反對幫助基層的籍口,這次也不例外,他們這次又再把自己高舉私有化做成的惡果推到最低工資頭上了。不過這次這篇東西邏輯謬誤和毫無理據可言的口號太多了,連正常的人看了這種文宣也不會信,所以這是劣文,不是範文。還有,這作者和黃世澤一樣,一向喜歡把自己不喜歡的東西和民建聯混在一起來夾帶論點:讓人有錯覺,民建聯壞,所以被作者和民建聯放在一起的也是壞的。

還有,這作者和黃世澤一樣,一向喜歡把自己不喜歡的東西和民建聯混在一起來夾帶論點:讓人有錯覺,民建聯壞,所以被作者和民建聯放在一起的也是壞的。」

超有娛樂性!口口聲聲說人地「劣」,因為拉埋民建聯來講;佢自己呢?我地攻擊民建聯呢個組織,係為左公義?佢就人身攻擊,一開波就拉埋「黃世澤」來講;佢好唔順我拉埋民建聯來講,咁用番佢果招,拉一個「相同派系」的人來講囉,睇來我應該將呢位 paulymh 拉埋同曾鈺成來講先符合佢心水了,因為用佢的邏輯,大家都係極左派嘛。

對,有睇過陶君行講左派右派的朋友,都應該知道咩係經濟左派,咩係經濟右派;林忌再右,都有排未到「極右」;但係 paulymh 為左抹黑我呢,就無視我 blog 上九百幾篇文章中,有幾多篇關心基層的文章,全香港得我一個死追爛追六十五歲以上保安員問題的我,在佢呢位「極左」眼中,都仲要係「極右」--原來凡反對最低工資,就係「極右」!獨立媒體登出這種水平的文章,真係令人聯想起梁安琪小姐,應該介紹佢睇睇。

在 Paulymh 大發偉論話領匯裁員同最低工資無關之前,唔知佢有冇搵領匯求證過呢?最起碼林忌有朋友在該機構任職,知道兩者的關係,偏偏呢位 paulymh 呢位「極左派」,為左符合佢心目中的幻想,就要漠視現實,把圓的說成是方的!

「從明報的新聞,我們可以看出,領匯推行自動化、由三更制改至兩更制的原因,不是最低工資,而是為了增加領匯的利潤,而領匯為甚麼要增加利潤?還不是政府為了私有化而私有化,賤賣資產,把公屋商戶賤價賣給領匯,迷信"私有化會比在政府手上好"?」

好神奇呀!原來在 Paulymh 的眼中,原來領匯做乜,都只係為左一個目的「為了增加領匯的利潤」,果然係偉大的「阿媽係女人」理論;Paulymh 下次見到有女士話覺得 bb 好可愛,想生仔的時候,佢應該第一時間衝過去大鬧:「車!你講大話,你生仔只係為左傳宗接代之嘛!」

呢位膠人膠到就係,呀,你明知下午要運動,所以你早餐食多左野,佢就大大聲出來鬧你:「咩呀,食野係為左填充人體所需養份之嘛!同運動有咩關呀?」你邏輯謬誤!你毫無理據!

癡 Q 線,鬼唔知呢個終極目的呀?鬼唔知你食飯係為左填肚呀?鬼唔知渴望性行為都係為左生仔呀?乜原來每一件事只可以擁有一個目的咋?

在呢堆極左派眼中,原來領匯裁員就「只係為左增加利潤」--原來最低工資唔會令企業成本上升,企業成本上升左,佢地的利潤就唔會減少呀?原來間間企業咁有「遠見」去「增加利潤」,就弱智到唔知最低工資會增加佢地成本,咁佢地反乜呢?係囉,點解又要講到佢地邪惡欺負打工仔,但佢地又弱智到唔識為左規避最低工資的成本,而走去裁員呢?Paulymh,你除左識得人身攻擊之外,你答到 d 乜呢?

你估投資機械唔使錢?管理維修機器唔使錢?點解全歐洲搞自動化?點解日本連拉麵店收銀都自動化?點解美國華盛頓的超市收銀都自動化?原因就係最低工資--人工高就用機械,人工低就請人,呢個最基本、最簡單的 demand supply 理論,可能在呢位「極左派」眼中,可能係唔存在的。

係囉,呢 d 所謂「極左派」,就真係同民建聯一樣,係一些假幫助基層的左派;對於民建聯出賣打工仔,佢地唔會追究o架!當我地窮追民建聯當年支持領匯私有化的責任之時,佢地唔單止唔會支持,仲會反過來標籤我地係「極右派」--點解呢?乜 Paulymh 對民建聯當年搞私有化的行動,一點感覺都沒有嗎?乜我地追殺民建聯令佢感到好不快嗎?Paulymh,乜你入左民建聯咩?

原來在佢眼中,幫助基層的唯一武器就係「最低工資」,原來唔支持呢項弱智政策,就一定係「極右派」,哦,咁政府呀,一些大老闆話支持的就一定唔係右派啦!勁呀!原來反對最低工資就會變成「極右派」!

「不過這次這篇東西邏輯謬誤和毫無理據可言的口號太多了,連正常的人看了這種文宣也不會信,所以這是劣文,不是範文。」--看來,大部份人在你的眼中都不大正常了,去睇醫生吧!

星期三, 6月 17, 2009

民建聯成功爭取領匯上市大裁員!

熱烈慶賀!民建聯成功爭取領匯上市大裁員!! 停車場自動化大減人手,最低工資一立法,裁得更多!恭喜!!立法殺人放火式係唔需要負責的!!

有野睇!有野睇,大家一齊來睇下呢班土共幾咁無恥?嘩!佢地敢出來抗議領匯大裁員呀!睇下報導的傳媒,同佢地幾年前大力提倡領匯上市的口吻,可以一百八十度轉變呀!乜香港變左無恥之港咩?

立法規管保安員的歲數,六十五歲以上的保安只餘下最殘最舊的單幢式唐樓,可供佢地付出勞力腳骨力!在未搞清楚成件事之前,胡亂通過領匯私有化,結果上市後就立即大幅加租!好啦,成班膠人搞衰哂,仲唔夠衰,要強制立法最低工資!型呀!停車場立即搞自動化,大幅裁員!

我地呢班明明智商不足,卻無知到以為自己好得的膠人,你地膠夠未?中國膠果種無知到極點的規管天性,乜都要管,但就冇料去管;自以為自己用哂所有心機,結果一樣被無情打敗!

由王安石變法至今,無數的膠人被身邊的人吹捧兩句,就當左自己係神,以為靠一兩條膠 law 去無限量糾正社會的問題-- Sorry,糾正問題一向係最難做的事情,冇料的人以為可以粗粗疏疏,以為可以好似 1+1=2 咁就去改革,人工咁易賺呀?唔需要用腦,坐係度時間夠長,就可以解決到問題嗎?你估炒股票呀?

係囉,好少數之嘛,停車場的看更咁少,自動化炒囉!香港就係有班膠人活在石器年代,唔記得科技係日新月異;廿年前冇八達通咩?廿年前有咁多自動機器咩?咩話,你班友去旅行都只係去亞洲?唔怪得啦,有冇見過歐洲的自動餐廳?由派食物到買野都係自動化o架!有冇見過歐洲的油站?一個員工都可以冇o架!有冇見過人地的停車場?係唔需要人o架!有冇去過日本的八景島?鐵路站都可以全自動化,冇司機,亦冇站長o架!最低工資?好呀,機器平過人,點解唔用機器?你估管理層的商人,會長期好似香港呢班原始人一樣咁原始,到今日都仲用紙用筆?到今日都覺得用電腦好麻煩?

政府都開始出 d 賤人,好似邱騰華之流,扮哂親泛民,同你班友扼扼手,拉拉關係,落兩句嘴頭,成班政治白癡就信到十足十,以為佢真係搞環保--佢搞的只係 A 貨環保,既減唔到排,但求有 d 野搞下,勞民傷財之餘,衰起上來搞臭環保的名,佢拍拍屁股就高升其他政策局,有雞碎咁多的功勞,就可以吹到一百分!橫掂出事都係幾年後的事!失敗就係賴議員弱智咋!

恭喜,恭喜,事實擺在眼前--領匯大炒保安員,大裁停車場管理員,就係最好的例證,證明議員的硬膠想法幾咁弱智;而無知人士之外,仲有一班福佳--佢地就係民建聯的福佳啦,打著為基層的旗號,轉個頭就走打著保衛弱智炒機家的旗號,嘩!鬥臭鄭經翰呀,鄭大奸禁止領匯上市呀!呢班福佳去左邊?一個一個捉去分屍啦!工聯會王國興之流,你同民建聯果班幫領匯上市的福佳坐埋一齊,咦?乜你有半分良知o架咩仲?你同工人去示威果時,你有冇 0.000001 分的羞恥之心?

香港地就係一個咁反智的社會,2004 年鄭經翰為領匯食死貓,到今日都冇幾多人敢同佢公開平反; 2005 年鄭經翰的政治顧問黃世澤,在搞網台事件又係被王 x 然、x 政廿一等人迫食死貓,今日果班友唔係潛左水就自己反哂檯啦,又係冇人會為佢出來平反。

到小弟啦,2007 年我為反對勞永樂參加泛民補選,又被人狂鬧;兩個月唔到,勞永樂退埋出泛民的政黨啦,事後亦沒有半條友向我道歉。早兩日陳偉業就四川撥款講的說話,咦?乜同林忌一年前講的說話咁似?

殺人放火金腰帶呀!修橋搭路無屍骸呀!是旦啦,香港人就係呢種質素;你堅持原則,你堅守真理,就預左橫屍街頭啦!

在橫屍街頭之前,無論如何林忌仍要作出呼籲,泛民在灣仔鵝頸區的選民,支持季斯傑打敗民建聯!民主唔係選賢任能,因此季斯傑好唔好唔關我地事,最緊要佢唔係代表緊最無恥的政黨民建聯!今個星期日,作為泛民的支持者,就應該出來投佢票!

漢奸再出發宣言 hkrestart.com

收到高登讀者報料,有位不知名的網友在見完劉廼強的《香港再出發》宣言之後,感到熱血沸騰,就好似食左洪教主的仙丹,又或者好似近日班o靚仔索左 K 咁,感到唔做 d 野唔得,因此佢忍唔住,立即打開個網站註冊,參考《香港再出發》的 hkrestart.net,立即註冊左個 hkrestart.com,取其諧音 漢 (hon) 奸 (kan) 再出發也!

計牌面,漢奸輸哂!你話啦,漢奸邊有錢去賣九份報紙的全版廣告先?除非高登網友公開籌旗,在蘋果日報賣全版廣告串爆劉廼強之外,又邊有可能同果班真漢奸鬥?要知道真假漢奸難辨, 《漢奸再出發》宣言名為漢奸,卻為愛港者;果 d 《香港再出發》宣言,名為愛港,實為漢奸--注意第 4.1 條「愛國就是愛實質上代表中國的中華人民共和國」--呢條原則就好似當年納粹德國,要向希特拉元首效忠的元首原則一樣--因為德國元首係希特拉,所以愛德國,就要愛德國元首的希特拉一模一樣,分別只係中國共產黨有更多領導人而已!數典忘宗的漢人,走去死抱著前蘇聯共產主義大腿的外族殖民統治,你話劉廼強之流唔係漢奸,唔係港奸,係乜?

最過癮係《漢奸再出發》宣言連捐款戶口都改埋,細心一查發現,原來《漢奸再出發》的發起人,呼籲把錢捐畀支聯會!就同代訂大紀元一樣,擁有異曲同工之妙!你諗下,萬一有 d 漢奸真係真心膠,走去捐畀支聯會,咁就真係好笑啦!

開始個垃圾網站去支持梁振英選特首?連最基本的管理、資訊科技知識都冇的土共,立即遇到認真討論的漢奸;結果被玩到瞓係度--土共未好鍾意偷人 domain,抄人橋嘛?記得當年我地搞《福佳始終有你》,有人就玩眼高手低《整死香港有你》,今次上得山多終遇虎,變成有熱血網友倒轉佢成個宣言,由頭漢奸到底,真係應真失禮死人啦--咁的料子都想做特首?收皮啦!

最過癮係《香港》原版而家唔畀人簽名,但《漢奸》版卻任簽唔嬲,相信好快《漢奸》版的累積簽名人數,一定超過劉廼強果個!

偽君子報又登了一篇《張志剛﹕解決中共政權是否港台的責任?》--張志剛原來又係漢奸,在 1989 年的時候,居然做左蘇聯同華沙公約國家的間諜!要記得之從 1979 年鄧小平訪美之後,中國緊抱美國的大腿,聯合去對抗蘇聯呢個邪惡帝國,包括在 1980 年一齊聯手杯葛莫斯科奧運,成為一時佳話;蘇聯呢個「蘇修主義者」,以及佢傀儡的《華沙公約國》,一齊於進入 90 年代之際咸包散!嘩!中共的外交大勝利呀!呢班契弟華沙公約共產主義國家,唔投靠北京,走去做蘇聯的走狗,於是一鋪香哂!仲唔係中國的勝利?中國同美國聯手打敗蘇修主義者,有咩唔好?點解張志剛之流,對國家的敵人念念不忘?對國家的敵人被打敗咁睇唔過眼?乜張志剛好憎恨中共政權咩?點解中共的敵人被打敗,佢居然唔係慶祝,卻走去寫文上偽君子報鬧我地跟隨黨路線的香港電台?

事實證明,張志剛、劉廼強呢班人才是真正的漢奸--有漢人唔做,走去死守蘇聯殖民主義者留下的共產主義,明目張膽要香港人賣國,一齊數典忘宗去做賣國賊!於是有熱血網友改寫 hkrestart,幫呢班加埋幾百歲、幾千歲的阿伯一齊「阿伯再出發」,真係大快人心!

劉廼強,馬力約你落去飲茶呀!

星期二, 6月 16, 2009

香港再出發之納粹黨宣言

基本法委員會委員劉迺強、中央政策組前成員王卓琪昨日宣佈,會在今日於九份報章刊登「香港再出發宣言」,內容包括「認識祖國」、「愛國愛港」、「社會和諧」等。

據了解,有關行動獲中聯辦支持,目的是在政改諮詢報告年底推出前半年,盡力向外「洗腦」,藉組織種種活動與平台,製造和諧、團結氣氛,使市民和泛民在壓力下,接受年底出爐的假普選方案。劉迺強昨日被問到有沒有中方人士事先了解今次行動時,拒作正面回應。
王卓琪昨日講述宣言「愛國愛港」內容,認為港人「要多啲講和諧」,批評港人近年「只識鬧政府」、「不斷內耗」,指「政府做得唔好,市民其實有責任」,認為港人應該積極支持政府施政。

睇完呢篇《香港再出發》宣言,第一個感覺就係成篇文又長又累贅,充滿大量廢話;在遣詞用字方面,極度大陸官方口吻,再一次證明寫呢篇文的人,個腦由頭落尾都係充滿中共黨的思維,特別係果班死唔去的阿伯級別--中共極左派的思想,再一次原型畢露。

呢篇極瘋狂的宣言中,最令人髮指的,係一段有如納粹黨宣言的段落:「但是中國是一個實實在在的實體政權;中華人民共和國是我們的祖國。香港與中國整體在文化、歷史、地理、經濟都榮辱與共,不可分割;香港和整個中國的利益長遠而言,完全一致。愛香港,不可能不愛中國;愛國就是愛實質上代表中國的中華人民共和國。

呢段文字的邏輯,就好似生在伊拉克,就要愛侯賽因的伊拉克;生在阿富汗,就要愛塔利班的阿富汗;生在德國,就要愛納粹黨希特拉的德國;生在蘇聯,即使生在蘇聯的加盟共和國,都要和蘇聯「不可分割」、「完全一致」,而要熱愛一個所謂代表國家的政權--即使呢個政權係幾邪惡、幾不代表民意、幾殘暴,都要愛。

再一次證明劉迺強、王卓琪唔係地球人--佢地生在地球,卻唔愛地球;不斷要把中國從地球中分裂出去,而不把中國當係地球不可分割的一部份,行遠 D ,返去冥王星啦!明明全地球的共識係民主、自由、人權、法治,而呢班人渣的共識卻係要搞獨裁、專制、反個人權利的納粹式政權;而在接受納粹的現實仲唔夠,仲要你愛納粹!要把個人腦部的思想自由都毀滅!呢班人由始至終都係中共的「四人幫」餘孽,同江青之流毫無分別,送番去大陸都嫌荒謬,卻在香港大大聲對港人指指點點。

六十年代土共暴動,七十年代香港都冇共識,有親共,有親台,亦有親英,偏偏香港的經濟一直起飛;可是今日土共卻把所有管治十二年似垃圾的所作所為,歸咎於市民唔夠愛國,簡單而言就係衰左仲要姓賴。

「香港深受移民社會的過客心態、西方自由思想及個人主義的影響,對社會整體利益,尤其是長期利益不夠重視。這種取向優點在於發揮競爭力,靈活善變;但是過份重視個人利益的最大化,個人或個體利益凌架社會利益,不願意為社會付出代價,是香港社會及環境劣質化的根由。在個人和集體利益之間,我們需要另一個平衡點。」

不知所謂之至的如上文的垃圾廢話,我地新一代的香港人,絕大部份都係土生土長,在這至「阿伯再出發」的廢話宣言當中,有冇當過我地年輕一代係人?定係在佢地眼中,佢地就係香港人,而我地呢班在香港土生土長的後生仔,就唔係香港人?

深受移民社會過客心態影響的,就係呢班人渣;佢地賺香港人的錢,吸香港人的血,廿幾年間卻只係走去抱中共的大腿,把香港賣給中共獨裁者仲唔夠,仲要把香港人的思想、靈魂、西方留下來的自由與法治消滅。

「對社會整體利益,尤其是長期利益不夠重視。」--社會長期的利益,就係今日發達國家的普世價值--民主、自由、人權、法治,偏偏事實擺在眼前,呢班人渣可以黑說成白,白說成黑,乜「家長國家」係全世界的潮流咩?乜發達的係北韓、古巴等共產國家咩?視個人利益的最大化--就係香港呢班奸商,不願意付出代價,就係唔願意接受民主的洗禮,繼續要搞官商勾結的集團,繼續要把香港人踩在地下,去擁抱大陸的太子黨。

劉迺強出招,就係為左梁振英選 2012 特首鋪路;最近林忌收到鄭重警告,話土共有幾個集團要選特首,為左選到而將會不擇手段,再卑鄙、再無恥、再黑暗的手段都會使出,就好似澳門,又或者第三世界的軍政權一樣。

如果事情真係咁樣發生,你願意去阻止他們嗎?
香港人,你願意去用盡你一切的努力,去拯救香港嗎?

定係我地畀劉迺強呢班仆街睇死,我地香港人只係地底泥,佢地可以為所欲為?

如果有一天,每日一膠消失了,只有一個可能性--就是版主遇害了;大家應該知道做些甚麼嗎?

劉迺強,你係唔係暗示我地香港人要流血?係唔係要血洗中環,去強迫香港人投共?

星期一, 6月 15, 2009

叫企鵝張國鈞考常識

隔牆有耳:曾鈺成盲撐企鵝男
2009年06月15日

做立法會主席後被迫「封口」,甚少機會表演辯才嘅民記曾鈺成,噚日難得被問到佢點睇早排民記新副主席張國鈞,早前喺電台電視節目一舉成名,發表「北極企鵝多」偉論,即時表演辯才反插傳媒,話「記者都會寫錯字」,咁係唔係唔應該做記者,仲叫大家唔應該對呢位張副主席「過份苛責」,認為唔少人都講錯嘢,又話唔少立法會議員同讀者都唔知北極係咪真係「人少企鵝多」,包括埋佢自己。

「我哋成日都講錯嘢」

曾鈺成又話,唔少人掛住笑呢位民記新副主席嘅「企鵝論」,「忘記佢說話嘅道理」,認為咁樣真係好唔值得,呼籲傳媒唔應該擴大呢種文化。曾主席又話,其實早前已經同班新人開班,講到教佢哋發言前要多做研究,就算政黨研究部準備好發言稿,發言前每一字每一句,都應該自己搵番原文睇睇,詞語睇唔明就要查到明先好用,認為民記日後培訓要加強,但就話明唔排除日後會繼續有人講錯嘢,「我哋成日都講錯嘢啦」。

垃圾會人少弱智多
曾鈺成作為垃圾會主席,呃完香港人一次又一次,明明張國鈞連北極有冇企鵝都搞唔清楚,佢可以說成係佢「講錯」--識就話講錯,唔識講咩錯?講北極主權爭議,拉去講企鵝做乜?搞 GAG?冇料到走去搞 GAG?這樣的常識走去上港台做政治評論?我地憤怒都唔畀?

作為前校長,曾鈺成居然話「唔少立法會議員同讀者都唔知北極係咪真係人少企鵝多,包括埋佢自己。」--有見及此,再一次證明我地香港的制度好反智,反智到連最基本的地球常識,都有前校長、垃圾會主席可以大大聲顛倒黑白是非,恬不知恥地話自己唔識!如果香港的立法會議員,代表香港人的代表都可以弱智到呢個地步,佢地根本冇資格代表香港人!

拿拿拿,我地立法會乜鬼都好鍾意立法強制人地,因此林忌在此要求,我地的立法會議員要主動報考常識基準試!如果常識唔合格,就自動禁制自己,唔准去開會!如果連呢 D 咁普通小學生的知識都唔識,唔怪得專立埋 D 膠法啦!

成班土共成日話要加開功能組別,不如下次開「弱能界」、「無恥界」、「企鵝界」代表啦,正如曾鈺成所講,我相信立法會議員都冇乜人知呢幾個組別的意思O架啦!一隻企鵝張國鈞唔識,你走去老屈全部立法會議員唔識?曾鈺成有冇權代表立法會議員?

我地作為選民,我地有權知道代表緊我地的立法會議員,究竟有冇常識!曾鈺成的講法唔代表我,我相信更佢講法唔代表多數的立法會議員!因此,林忌希望大家搞一個 FACEBOOK GROUP,向全體立法會議員發出嚴正聲明及問卷,質問佢地知唔知北極人少企鵝多,以證實曾鈺成的講法!結果將會在網上以及有意的傳媒公佈!

請大家踴躍支持!

Facebook Group: 要求全體立法會議員公開交待,識唔識北極人多定係企鵝多?

我想問曾鈺成: 不如你問全香港7百萬人,有幾多個人唔知企鵝住喺邊

星期日, 6月 14, 2009

旺角道唔出事先奇

旺角兩死車禍 苦主控訴司機謀殺
車死人仲咁囂張 2009年06月14日

【本報訊】「成架小巴鏟上行人路,簡直係謀殺!」一輛綠色專線小巴前晚在旺角鏟上行人路造成十名女途人兩死八傷慘劇,死傷者家人昨指摘肇事司機罔顧人命,行為不負責任。可是,冷血司機被警員帶上警車問話時,竟無視自己的惡行,對着記者豎起大拇指,態度囂張。他事後被警方以「危險駕駛導致他人死亡」罪名拘捕,後准以一萬元保釋。可憐死者家人含淚哭訴:「你畀唔畀得番個女我呀!」 

據稱,這名綽號「矮腳虎」的小巴司機,平日「開車好狼」,駕駛今次行走旺角至落馬洲通宵線的小巴已有四年。香港公共小巴車主司機協進會秘書長黎銘洪則指他一向駕駛紀錄良好。現場有傳肇事司機日間駕駛另一線小巴,令人懷疑他「日做夜做」以致精神欠佳而肇禍。

睇完呢單新聞,林忌好不安;不安唔係因為有人死得好慘,亦唔係因為有人好囂張,而係擔心我地有冇屈錯好人,擔心我地的社會係唔係感性大哂。

睇下上址張地圖,一架小巴由小路轉出大路,被巴士撞完之後衝上行人路撞死人;有目擊者話見到架小巴好高速,加上小路出大路,應該係小路讓車,所以警方拉左個小巴司機,係合理的安排;但問題係,係唔係因為警方的「合理安排」,責任就只在於小巴司機呢?案情就係咁簡單,一點疑點都沒有嗎?

在開過車的朋友都知道,香港呢 d 轉九十度的小路出大路,係冇可能超速過彎的;就算用飛仔車,要咁樣掟九十度由小路轉出大路,最多都係做 50km 左右的速度--亦即合法時速;無論架車再快,無論個司機點狼,由小路出大路幾乎無法超速,否則就應該唔係被架巴士撞上行人路,而係佢自己失控成架翻轉左,呢個係一個最基本的科學問題。

換轉係小巴,一架小巴高速掟彎再狼,你又試下跟下 d 專線小巴望下佢轉彎時會有幾快?對唔住,你坐在入面會感覺掟得好急,但係望下時速顯示,其實通常最多都係 30km 左右,因為講句難聽些,這些小巴的避震好差,根本唔容許司機可以掟得好快。

咁點解會發生意外呢?相信係小巴望唔到巴士,巴士亦望唔到小巴;小路轉出大路,往往係盲點式的死位,小巴司機個頭轉向右邊望路,再轉番去前面,如果再果一秒咁不幸有大車飛入來切線,係真係可以睇唔到的。

掉番轉頭,架巴士掟入慢線又有冇睇清楚呢?經常在路面開車的朋友應該好清楚,香港好多巴士司機,恃住自己架車大,係唔會望鏡就咁 cut 線的;更常見的係,呢類小路出大路,明明畫左黃格,亦即唔准停車等待,可是好多巴士司機一於少理法律,成架大車停在黃格前,於是小路內的司機就長期被封,塞到阿媽都唔認得,但係再一次,警方對呢類黃格停車的執法--特別係對職業司機的執法,一於少理以至網開一面,於是潛規則就變成,大家鬥快搶位,好似賽車手咁先搶個位塞住,否則手車慢到唔使開,老闆唔炒你就奇。

因此,小巴之所以飛上行人路,最大可能性係被巴士撞完之後完全失控,有學過物理 Momentum 的就知道,一架大車撞落一架細車,架細車接受左大車的撞擊力之後,會加速撞飛;再撞車之後發生巨響,未立即引來途人目擊;目擊的結果,未係架小巴高速撞上行人路囉,咁你話架小巴高速,係因為被巴士撞,定係因為佢自己可以似車神咁高速掟彎先?就算你話佢轉得太快,但要佢「超速」--超過法定的每小時 50 公里,現實根本冇乜可能!唔信,不妨搵泛民的車神--鄭家富議員去飛下,睇下佢掟彎果時掟唔掟到時速 50km 而唔炒?

再假設小巴真係好高速,咁反而冇乜可能會撞上行人路,因為小巴的速度高的話,有兩個可能性
1. 架小巴未轉夠 45 度 2. 架小巴轉過 45 度。

可能性 1 的結果: 撞擊後打橫撞向馬路中心,而唔係衝上行人路--因為小巴向前的衝力唔會完全消失。 (有學過 Vector 的朋友應該明白)
可能性 2a 的結果:如果小巴速度高,巴士必定要速度比小巴更高,才可以撞到小巴--如果小巴超速 50km 以上,咁巴士就要更超速先可以撞到佢。
可能性 2b 的結果:小巴同巴士同時以接近 50km 行駛,而巴士切線撞向小巴,才造成小巴撞向行人路。

當然最大可能性係架小巴司機冇睇清楚唔讓路,但客觀上仲有一個可能性,就係架大巴突然急速切線--由於路面好多條行車線,唔能夠排除係架小巴司機進入左視線死角睇唔到的可能性。

因此,如果以小巴平日高速,就屈佢轉彎都係高速;以平時小巴司機狼死,就去屈呢個小巴司機同樣狼死,就係好不負責任的「未審先判」假設啦!何況仲有司機協進會的秘書長作證,話呢個司機的駕駛紀錄一向都良好,咁點解大家係唔係都覺得呢個小巴司機係殺人兇手先?『據稱,這名綽號「矮腳虎」的小巴司機,平日開車好狼』--邊個據稱可以唔開名咁唔負責任呢?佢叫「矮腳虎」就狼 D?如果佢外號叫「慢烏龜」,就唔會係兇手?

眾所周知,中國人改花名係鍾意誇張;有一分都講成十分,叫「旺角劉華」可能只係佢鍾意劉華,而唔係佢有任何一忽似劉華;反之冇人會叫自己做「慢烏龜」!唔通由今日起,為左保障自己起見,人人都要改個膠花名,萬一有事就同傳媒報料:「記者大人,其實我叫慢烏龜,其實我叫大笨牛,所以我唔可能飛車o架!」

不妨問問林忌的朋友,咁多年以來,當大家問到林忌全香港最危險的道路係邊度,林忌都只得一個答案--就係今次發生意外的旺角道!車從四方八面來,全部車都超狼,小巴唔望衝出來、巴士唔望切來切去,一切就切三四條線,後面的飛仔車係咁追住你尾,全部人都唔會讓,再加上燈位設計有問題,成日狂塞亂塞。

發生咁大件事,主流意見冇人去檢討路面設計,仲要有專家聲稱路面設計冇問題!「業界指讓線路面設計有問題 專家不同意」--運輸署發言人表示,一直有改善旺角區的交通,其中由西洋菜南街往旺角道方向,由兩線行車改由單線行車,目的是控制汽車流量、迫使司機慢駛及讓路等,以確保行人安全。

鬼唔知阿媽係女人?鬼唔知你地的「目的」係乜?但係 work 唔 work 先得o架?而家事實證明唔 work,你地仲乜表示都冇?係囉,都係有人衰囉,你地完全唔需要檢討!亦唔需要負責任!業界的一定全部都係衰人啦!

呢 d 專家的腦部,梗係唔明白點解要有兩線--因為巴士經常停在黃格,而佢地就以為有黃格巴士就唔會停;如果有兩線,小巴仲可以在殘餘的黃格位走出去,但只得一線,警方又唔執法,結果就係一塞塞十世。

我地偉大城市的硬道理就係,停黃格犯法冇人理,但係一講到「速度」,就成班硬膠就唔理現實大叫:「好危險!一定係超速!」--就好似百幾年前開始發明鐵路,大堆膠人話速度會殺人一樣,反科學到癡線!

冇錯,這裏就是膠港--唔講邏輯、唔講道理、唔講理智的城市。

星期六, 6月 13, 2009

明光社與黃賭毒

明光社常常迴避其政治取向,一直以來明光社採取親共立場,打著基督徒的旗幟,卻和獨裁政權勾結,看看佢地今個星期的「一週新聞精選」,大家又會有開心大發現!

在明光社的一週新聞精選,很奇怪原來明光社基督徒關心的,原來只有這四種類的事 1. 傳媒 2. 性 3.博彩 4. 生命與倫理;乜原來基督徒唔係最關心上帝的嗎?點解唔係關心神學,唔係關心全世界基督徒的新聞,卻去關心「傳媒、性、博彩」?

咩叫「生命與倫理」呢?看看明光社精選的三則新聞就可一清二楚,就係狂徒掟鏹水彈,就係索 K 吸毒!以上精選的十二則新聞,沒有一則和宗教有關!乜佢地唔係提倡政治同宗教分開咩?一日到黑關心的原來都係時事?點解同民建聯呀、呂志偉果 d 青年乜乜網絡關心的題目咁相似?乜明光社做左政黨咩?

仲有,十二篇報導都幾乎全部係黃、賭、毒,乜明光社做左黃、賭、毒新聞的收集者? d 露骨案情報導畀基督徒睇完,會特別興奮嗎?唔係話新聞太多呢 d 鹽花式的報導咩?乜唔係話睇完色情會更咸濕?作為基督徒,日日睇精選新聞就係強姦、非禮、叫雞、吸毒與色情短片的新聞,有病呀?正常人睇新聞會專睇呢 d 嗎?明光社的讀者專睇呢 d 新聞o架?

乜唔係話香港傳媒太多呢 d 報導唔健康咩?乜唔係話呢 d 色情資訊睇多得會心理唔平衡,不能自控咩?咁點解明光社專門「精選」呢 d 新聞呢?蔡生佢地睇完會興奮?唔好再叫咩「一週精選新聞」啦,改名做「明光社一週淫賤新聞精選」啦!

六四新聞唔睇,家國大事唔留意,世界大事都唔理,原來一星期內全世界的基督徒都冇新聞,只得香港的咸濕、淫賤、吸毒的新聞?明光社信奉的係上帝定係撒旦?

再看看明光社選擇的報社,有大公、有東方、太陽、成報,唔使講的就係明報同星島;我到今日都好記得,幾年前有篇太陽報的頭條係「咬乳頭乜乜物物」!當然尊重自由主義的我地,都一向好欣賞太陽報敢作敢為的作風,但係明光社都推介太陽報?明光社都推介東方?乜明光社唔係對呢幾份銷量最高,卻內容最露骨自由的報紙睇唔過眼的嗎?乜原來明光社選擇性失明,最憎就係蘋果,東方太陽就冇問題?點解呢?你信唔信同政治立場無關?明光社,唔知你地會唔會推介學校訂閱東方太陽呢?

好啦,再欣賞下明光社推介新聞第一則,有關傳媒的星島日報《過濾色情資訊惹網民疑慮》!呢篇文章的親共程度就來去到最高級別,當全中國網民鬧爆「綠壩—花季護航」呢套政治審查軟件,唔單止政治審查,仲有木馬、有保安漏洞,連 BBC 都報埋出來,話「綠壩」都導致黑客入侵的危險的時候,明光社卻選擇相信星島,選擇最親共的報導--『政府今次花四千多萬元向軟件開發商購得一年使用權,讓家長免費享用,「德政」卻遭受到多方質疑,難免不服氣。』、「關注私隱保障中外皆然」、『中國政府鼓勵「綠色上網」,要求全國學校等機構要安裝這套過濾軟件,當有關命令去到私人上網的小天地,就算是一片好心,也容易引起敏感反應。消費者購得電腦後,其實可以卸除這個軟件,但網民仍然擔心會否留下「木馬」程式,由此可見如何建立互信,才是推行政策的關鍵。』

就是嘛,明光社引述的「精選新聞」真的非常「精選」,當全世界討論《綠壩》時都提到政治審查、言論審查的時候,明光社可以當睇唔到,可以當唔存在!唔怪得,佢地從來都唔擔心色情過濾會變政治過濾、言論自由過濾,因為佢地根本當後兩者的問題不存在!

當中共政府用色情過濾之名,來做言論審查、政治審查的時候,明光社對此沒有一句批判,連新聞精選都搵黨的喉舌,因此要我地網民相信明光社的動機和中共不同,你信嗎?

明光社和中共做一樣的事--就係以「反色情」為名,去「過濾」網絡,明光社和中共一樣,對政治審查問題隻字不提,明光社的新聞精選,會選大公東方太陽,卻不會選蘋果;以上的事實證明,網民說「色情過濾」係「網絡廿三條」,絕對係有理據的擔心!

搞過濾軟件,就係扼殺香港人言論自由的網絡廿三條!

星期五, 6月 12, 2009

傑出窮人系列?

香港電台搞緊個新節目,叫做「傑出窮人系列」;其最令人諗到個頭爆的,就係一個叫做《窮富翁大作戰》的招募計劃,目的係「你將以指定嘅基層身份生活一星期,有機會去茶餐廳打工,仲可能要去地盤擔擔抬抬。養尊處優嘅你,有冇信心可以打好呢份工呢?」

其實呢個節目為左乜?賣弄窮人生活可憐的一面呢?還是為作官方台為政府的「最低工資」計劃造勢?拿拿拿,如果港台搵到政府高官來做呢個節目,例如曾特首呀、唐膠年呀、John Tsang 去試下做呢個節目,我就舉腳支持;但搵中產市民去過赤貧的生活,其實港台想 sell 乜? Sell 「我要發達!」、「搵錢大哂」、定係「有錢大過天」?

港台的 facebook 寫:「貧賤家庭係咪一定百事哀?喺呢一個星期入面,單憑500蚊生活費,你可唔可以運用你嘅智慧同創意,將舊錢變大?點樣改善家人生活質素,齊齊活得有尊嚴?」好似好有意思喎,運用「智慧」同「創意」,將舊錢變大?但講來講去,一個最政治敏感的問題,就係知識就係金錢;唔單止知識用在搵工,用在收入方面,事實就係知識都一樣可以用在慳錢;舉例說,一個識自己砌機,自己維修電腦,自己燒焊駁電線,自己維修家電的家人,比起連換個燈都唔識的可憐人,係唔係會慳多好多錢呢?一個自己識得搵快樂,例如去行山,去運動,對比起屈在家中日日睇電視的可憐人,又係唔係健康得多,最終在醫療費用大大減少呢?

如果用一些強制人士的邏輯,點解我地唔去強制 d 窮人學到識為止?點解我地唔強制禁止佢地接受垃圾娛樂,而要一齊佢地去參加「修身、齊家、治國、平天下」的偉大理想?強制鬧交刑事化,強制打交處死,強制賭錢坐十年監囉!當代社會的現實死結就係,一方面我地要同情弱者,但另一方面我地又縱容弱者,這就是左派和右派永永遠遠不會停止的爭論,而事實就係,兩邊都有道理,因為的確有些人係好慘,而另外有些人係實在唔抵幫。

就好似有人提出話幫低收入家庭畀上網費,幫低收入家庭買電腦等,一望落去就知道提出意見的人士,係自己唔識電腦的朋友--錢,可以買到知識咩?得,隨時用十倍囉;你畀五千銀畀我地去買電腦,仲耐用過你畀五萬銀畀電腦無知的人去買電腦,問題係用者唔識,亦永遠學唔識果時,我地係唔係花十倍的錢,在唔識的人身上?對果 d 識的人,又公唔公道?如果唔識就係硬道理,政府就會出手幫,咁我點解要咁辛苦去學?不如我又一齊坐係度,等政府救啦好唔好?

但反之,冇知識與冇錢一樣,都係低下階層悲哀而無法走出的死局;當一個家庭的父母是專業人士,佢地唔使請外傭,佢地教仔唔使補習,佢地有哂關係網絡,鋪定所有最好的路畀仔女,但反之當一個家庭係草根,小朋友不但百無,仲隨時面對永無寧日的家庭糾紛!生而不公,係人世間最悲哀的一回事,但問題係,我地可唔可以把問題簡化到用錢就能夠解決?係唔係畀左錢,成件事就完呢?畀左錢之後的連鎖反應,佢地有冇諗過?

幫助人有好多種方式,可是我們的社會到今日都只係單純地感性--做義工,好偉大呀!你落手落腳去幫老人家,當然係好事;但反之,你能夠改革個制度,令社會更公平公正,幫得到的人會唔會更多呢?舉例說,當今日《保安員條例》仍然禁止 65 歲以上的老人家從事「非唐樓」、「非單幢式樓宇」的看更的時候,你點解唔去解決?你點解唔去改革?RTHK,你點解唔去做專輯探討呢個問題?卻走去做窮人的猴子戲呢?

老人家無所事事,屈悶在家中,佢地都仲想為社會盡力,簡單而言在一流保安設備的樓宇做下看更睇頭睇尾,點解要用法律禁止佢?點解要迫佢地去申領綜援冇野做,唔識打發時間的時候,衰點講句係等死?

對,人類就是感情的動物,為何「殺人放火金腰帶,修橋搭路無屍骸」呢?因為殺完人,放完火,只要捐佢身家的一億分之一出來,就會被封為「善長仁翁」;反之勞心勞力,爭取真理,真真正正做實事的,我地就覺得呢 d 叫「搞搞震」、「搏出位」、「好大政治野心」、「冷血」、「把救災拉上自己的政治企圖」。

結果係點,正如五千年的中國社會,永遠都有無數的義工,永遠都有無數的大善人,但卻出不了幾個改變社會的哲學家、法學家、政治家、歷史學家、經濟學家。我地的硬膠社會,就係重腳輕頭,以為按按腳,就可以醫 cancer,救一兩個窮人,就可以改變社會的不公,以為靠加加減減,例如立一條硬膠最低工資法律,就可以救萬民於水深火熱!反對的,簡直就係「社會的敗類」呀!

好浪漫,但係好唔真實;朋友,你今年幾歲?

星期四, 6月 11, 2009

土共致力消滅廣東話

文匯報:廣東話教學不可取 [2009-06-09] 曾淵滄博士

教育局終於決定讓全港中學自行決定以什麼語言來教學,相信,今後多數的中學會努力嘗試以英文英語教學,因為多數家長會認為學好英語是重要的。

林忌曰:冇人話反對英文教學喎,以往又英又中一樣學得好好,係全靠你文匯大公支持的董建華所支持搞的母語教學搞到衰哂之嘛,邊個愈改愈衰愈改愈錯?冇香港良心陳方安生,連一百間英中都不保啦今日,你班契弟當時又唔出聲?

學好英語的確是重要,因為至今為止,全港大學的主要教學語言是英語,學不好英語進不了大學,讓子女進大學是每一個家長的願望。

林忌曰:一早都咁講啦,咁點解要搞語言分班?

反對的人仍然有,反對者依然以「母語是學習知識的最佳語文」為理由,並說這是世界公認的道理。

林忌曰:用咩語言教學,係老師、學生、家長三方自行決定的事,係共產遺毒制度下乜都要規管,先搞到今日咁反智。

冇人反對英文教學喎,係有人要硬性規定咩人用咩教;因材施教唔係老師的權利與責任嗎?點解要由中央去指指點點?用英文教學,以及廣東話學中文,係兩件事,班契弟就講到係一件事咁!


方言教學效果未必最佳

我的母語是閩南語,我在新加坡長大、受教育,打從我進入幼稚園開始,就沒有以母語學習,從幼稚園開始,新加坡的學校只以華語(即普通話)及英語教學,而學習的結果是成功的。今日,我與新加坡的兄弟姐妹談話時仍然用閩南語,但是,我沒有能力以閩南語讀一篇中文的文章,但無所謂,也沒有必要,只要我有能力以華語讀一篇中文的文章就夠了。我來香港22年,廣東語也算流利,當然發音不準,同樣的,因為從來沒有用廣東話學中文,也無法用廣東話讀一篇中文文章,甚至無法以廣東話唱歌,但也無所謂,也不重要,生活所需的只是一般的口語,一般的交談語言。

林忌曰:曾淵滄博士,你博士係咩學科呢?係唔係語言學呢?你發音之前有冇問過語言學的專家呢?你用博士之名來發音,有冇考慮過你的發音反唔反映到你的學歷呢?

廣東話係方言,係中國共產黨為打壓地方文化的一種政治行為;廣東話有八千萬至上億的使用者,比起歐洲大部份語言的用者都更多;咩叫方言?咩叫語言?方言同語言最的大分別係乜野?科學上兩者有冇咩大分別?除了政治決定之外,強把廣東話叫為方語,強把普通話說為語言,係一種弱智的行為,唔識語言學就來亂發音,曾淵滄博士你以為自己做左博士,就係萬能專家?


今日,全世界可能只有香港還在用方言,即廣東話來教學,特別是小學階段,這是不可取的,這是香港人自大的表現,這是限制香港人向內地發展、與內地來的旅客交流、做生意的機會,語言的學習越早越好。

林忌曰:對呀,因為全世界可能只有廣東話呢種成億人講的語言,才會被迫降格成為方言;在被迫降格之後,仲要被曾博士呢類「專家」二次傷害,因為降格左成為方言,就「冇資格」成為教學語言。

簡單而言,用佢的邏輯就係咁,先宣佈曾博士係「次人類」,因此「次人類」發音就真係世界「首創」啦!因為世界上只得佢一個「次人類」咁大把,所以發音就係「大新聞」啦!嘩!

好一個「全世界可能只有香港還在用方言,即廣東話來教學」--我地不如又來一個「全世界可能只有香港還在使用地方貨幣--即港幣來交易--這是香港人自大的表現,這是限制香港人向內地發展、與內地來的旅客交流、做生意的機會,因此廢左港幣呀笨。

係囉,廢左港幣行美金,我支持!廢左中文用英文,我都支持,用曾淵滄博士的語言偉論,點解要用中文?這是限制香港人向全世界發展、與全世界旅客交流、做生意的機會,因此我建議廢除中文,全面採用英文。


今日,許多香港人也知道學習普通話的重要,但是,年紀大了的人學習語言的能力差了,香港回歸近12年,特區政府一直不願意正視全民學普通話的課題,一直誤以為以母語,即廣東話來學習是最佳的學習知識方法,這對香港長遠的發展來說是絕對不利的。

林忌曰:年紀大了的人學習語言的能力差了--咁未學歐洲,細細個就幾種語言教學囉,唔止教英文,仲應該教埋法文、拉丁文、德文,語言專家講三歲前學係最好的,既然全世界的大學,全世界的學術文獻都係用英文為主,點解我地要用普通話?曾淵滄博士你可唔可以用一個學術上的理由回答一下呢?

現在,海峽兩岸和解,我們可以預見將來兩岸的關係會比內地與香港的關係更密切,道理就是語言,兩岸人民都講普通話,溝通容易,香港人與內地的溝通就有問題。

香港太小了,香港人一定要走出香港、走向世界要學英語、走向內地要學普通話,這是刻不容緩的時候了。

林忌曰:香港人口比起很多歐洲國家都要多;講廣東話接近一億的人口,比起歐洲十幾個小國加埋都仲要多,就係呢 d 唔識廣東話,唔尊重廣東話,唔尊重香港文化的偽香港人,就好似之前果個曹景行,才會要致力消滅香港文化的廣東話為目標。

就是嘛,如果要和世界接軌,點解唔全面廢除中文呢?學新加玻全面英文教學囉,搞咩普通話教學?你有冇病呀曾淵滄博士?


當然,我也明白,多年來香港語文教育問題一直無法解決的一個相當關鍵是教師,大量教師沒有能力以流利的英語教學,大量教師也不懂普通話,這些人肯定會反對一切改變,因為會影響他們的飯碗。

但是,變還是應該變,只要不影響現有教師的飯碗,一步一步慢慢的變,是可能的。

林忌曰:不知所謂的推論,我建議廢除所有香港的金融制度,全面引進美國制度!把曾淵滄博士呢類阻力太大,幾種語言都唔準音的飯碗打爛吧!香港金融制度的死結,就係太多不知所謂的財經敗類!呢一點絕對比起把責任推畀教師正確,你話係唔係?

伸延閱讀:曹景行還是不行
欣賞曾淵滄博士硬撐葉劉的宣傳片

星期三, 6月 10, 2009

邱騰華的「環保建港聯盟」

有很多熱愛環保,也熱愛民主的朋友不明白,為何林忌對邱騰華局長有如此之大的反感;其實由始至終,林忌仍然堅持對事而不對人,問題係邱騰華的態度就好似廿三條中的葉劉一樣,因此我才要企硬反對到底。

用一個比喻去說明,就係乜「民主建港聯盟」(今日叫做民主建港協進聯盟)冇話自己爭取民主咩?民建聯一樣口口聲聲說自己係爭取民主,一樣提出一些「政改方案」,去「追求民主」;例如 2005 年泛民投反對票的「政退方案」,一樣增加了民主的代表性,一樣有廢除委任區議員,咁點解泛民要反對到底呢?點解泛民寧可要冇「政改」,都要投反對票呢?原因就係呢個所謂「政改」,其實係「政退」,表面上進步的方案,只係在一些無關痛癢,甚至係包括糖衣毒藥的方案(如增加立法會議員的數目,卻不改變直選與功能組別的比例),因此有不如無!

相同的問題出現在環保,我地見到邱騰華的所作所為,就好似民建聯在民主問題上的所作所為一樣;真真正正需要佢做的,佢就好似民建聯一樣唔做;假環保的假議題,佢就樣樣都全力做,仲偏要做過龍;舉例說,真正要減廢氣,係唔係應該由珠三角的工廠開始?係唔係應該由兩電的排放開始?如果講路邊廢氣,係唔係應該由最多廢氣排放的柴油車開始?偏偏由始至終,上述所有最重要的事項,邱騰華避得就避,正如民建聯在普選的問題上面一樣,當聽唔到當睇唔見,反之,專就一些冇用的事項來「大搞特搞」--立法強制停車熄匙呢個議題,就正正係一個假環保的議題,搞得到都減唔到 1% 廢氣,更過半數機會製造更多廢氣,偏偏佢就要向虎山行,就同民建聯同你講,要增加「立法會議席」去「增加民主代表性」一樣,信佢一成,雙目失明!

一次、兩次、有 Guts 的環保團體都企出來大大聲鬧爆邱騰華--「環境局長邱騰華日前接受《明報》記者查詢時拒絕環保團體的要求,理由是二氧化碳並非污染物,只是一種會造成溫室效應的氣體。邱騰華對環境問題的無知,令人感到訝異!」、「綠色和平4名成員,向出席立法會空氣質素指標議案辯論的環境局局長邱騰華表達不滿,指責他在修訂空氣質素指標時,漠視公眾健康。綠色和平即場送上防毒面罩予邱局長,並當面要求他公開回應政府為何罔顧市民性命安全,拒絕以世界衛生組織終極標準量度香港空氣污染。」--你話減廢氣,係唔係應該用科學的標準去監察呢?你話一個連世衛組標準都唔用的邱騰華係愛環保,所以去企硬推行「強制立法停車熄匙」?你信佢?你信佢一成,就真係同信 X 建聯一樣,雙目失明啦。

東方:港府推出《產品環保責任條例》,繼膠袋後,電視機、雪櫃、冷氣機、洗衣機及電腦五類電器將成下個受規管的產品,年底將諮詢公眾。據悉,港府上周向環諮會簡介有關計劃,初步構思向該五類的電器入口商或代理商,徵收約每件電器成本的百分之一至五。回收模式包括「以舊換新」,即零售商送貨時須回收一件舊電器,或在各區設回收點收集有標誌的舊電器,而入口商每回收及處理一件舊電器,可向港府索取處理費。現時全港約三百至四百個電器代理及入口商。」

睇下呢個新法例又有邊一忽環保?乜環保唔係減輕排放咩?舊電器高能源消耗--例如雪櫃、冷氣機,而家政府唔係鼓勵減少能源消耗,卻反其道而行,去罰那些舊換新的消費者?癡線o架?不如罰埋埋換新車呀笨?換新車都要回收呀笨?人人用舊科技,排放多些廢氣,燒多些能源,呢個就係邱騰華局長的目的啦!

再一次證明,邱騰華係一件完全冇科學頭腦的中式規管膠;你勉強可以話年輕人成日換手機浪費,我唔討論呢樣野係唔係浪費先,但你有冇見過香港人以「換雪櫃」、「換冷氣」為樂?有幾多香港人以冷氣機、雪櫃作為潮野係咁換先?如果冷氣機、雪櫃老化,第一個問題係乜?就係唔凍;唔凍的結果會做乜?係唔係「停櫃熄機」呀?係唔係唔凍果時就「停冷氣熄機」呀?定係開大些,用多些能源?從一個咁簡單的問題已經可以看得出邱騰華的智商,規管市民換冷氣、換雪櫃的結果,就係用冇雪種又開大些,唔夠力就買大匹數的系統,邱騰華係為環保,定係為左電力公司而出力呢你話?負責任的環保組織,你地有冇諗過邱騰華係倒緊你地米?

講到電子產品如電腦、手機等等,玩得呢 d 野的年輕人都知道,二手有好高的回收價;連街邊的陀地都走去做回收手機,電腦二手零件的交易更係多如牛毛,有需求,有二手轉讓再用,邱騰華要規管 d 乜?唔好話香港人用完,仲有第 N 手轉口返大陸等未發達的地方去作最後的轉售,關邱騰華乜事?有囉,佢呢類唔知米貴,唔識科技,自己開政府 3000cc 的燒油車的契弟,佢就或者唔會走去放去二手網站囉,真正的玩家--那些成日換的,個個發左達呀?有人回收都唔賣要掟去堆填呀?

香港真正要做回收的,就係膠樽,就係垃圾分類,呢 d 最重要的事佢唔做,走去做不知所謂的回收電器?佢有冇病呀?你如果相信佢,你又有冇病呀?民主普選唔做,走去話增加立法會議席,畀你增加到一萬個又點?唔改功能組別比例,會民主左咩?今日香港的環保問題的關鍵--由堆填、分類、去到減排,呢 d 最重要的事情邱騰華都唔做,專做冇腦的垃圾工程,而又有一班冇腦思考的香港人黑白是非都唔分,把假環保就等同假民主一樣,當係真的,咁你話會唔會衰到貼地?

支持邱騰華的「環保建港聯盟」,就等如支持「民主建港聯盟」一樣,不但名不符實,仲係完全相反;問題就係,作為泛民有腦支持者的你,會唔會用大腦去思考?

星期二, 6月 09, 2009

民建聯成功爭取北極企鵝多

咩話?民建聯副主席、青年民建聯主席張國鈞上港台節目《左右紅藍綠》,大談北極企鵝多的心得:「一直以來,北極都係一個非常寧靜的地方,人少企鵝多」唔係嘛?我只係知道,一直以來,民建聯都係一個非常之硬膠,「人」少弱智多的地方--點解?你睇下佢地千挑萬選的年輕才俊,唔係 Try my breast,就係真心膠到以為北極有企鵝的天才!張國鈞律師,你唔係連北極冇企鵝都唔知嘛?

拿拿拿,你話北極「有企鵝」,我都勉強姑且聽住先,因為有一隻,都可以叫做有;雖然野生冇,但你點知神通廣大,擁有無窮大勢力的民建聯會唔會派「神棍八號」由南極運企鵝去登陸北極先?之不過問題就係,你話北極人少企鵝多呢,咁你就死梗啦;張國鈞律師首先要先證明,北極的企鵝多過人,之後佢更要證明,比起人口來說,企鵝在數量上佔多數!張國鈞律師你話點證明呢呵?我真係才疏學淺學極都唔識;不過,由於土共陣營一向死都可以講番生,例如六四死左咁多人,都可以減到得番廿三人,以佢地的創作能力,你話南北極倒轉又有幾難呢呵?

節目真係講緊北極,偏偏有人冇料又要東拉西扯,無神神爆隻企鵝出來獻世笑大人個口;更過癮係,一眾土共連英文都唔識睇,用英文維基講北半球勉強都有少量 Galápagos Penguin 的資料,把北半球當係北極,把「有企鵝」當係「企鵝多」,威盡全香港。

唔怪得知成班友話年輕人唔掂--梗唔掂啦,選才俊都係得呢種質素,唯一解釋就係物以類聚,以往「時勢造英雄」,狗屎垃圾都可以出來猴子稱大王,今時今日千挑萬選的「青年民建聯主席」,原來連基本科學常識都冇,可以錯到連南極都當係北極,然後就 9up 一大堆垃圾去做政治評論--乜香港電台咁冇料,錯到咁都冇人發現可以出街呀?乜民建聯上上下下都咁冇料,要出面畀人笑到面黃先知自己膠左呀?

開心大發現:馬力為師 信心十足
張國鈞自告奮勇,當然不會「無備而戰」,原來他早從畢業開始,已參與母校校友會運作,對校政早已了如指掌。近日更銳意在教育界廣交朋友,恭聽學界訴求,務求「炮製」民建聯教育大計。加上在「師徒制」下,得到馬力主席作為他的「指路明燈」,難怪他對未來工作信心「爆棚」,「依家差不多馬生去匯教育場合我都跟住去。佢早前仲約o既港島區校長做地區諮詢,我都會去學野。」

早於選舉時已有幸與馬力攜手合作,張國鈞高興自己又獲「偷師」良機。「馬生有一種學術書生匯感覺,諗野方面好細密,佢真係好有心搞好教育政策,我相信我可以學到好多野。」不過師傅大病初癒,「徒弟」當然義不容辭,主動「招架」傳媒的「追魂call」。「馬生都叫我把握機會,仲話我會多 D 機會曝光!」


唔怪得知啦,原來張國鈞係有「材子」之稱的馬力的偉大徒弟,果然係兩師徒都一表人才!師傅就話要搵隻豬去畀坦克碌下,徒弟就認為「六四是一宗悲劇,但認為現時不是適當時候總結事件,相信歷史會作出評價。」而家仲大大聲話「北極人少企鵝多」添,真係信佢一成,雙眼失明,同佢個黨一樣咁「堅定」,不如搵隻北極企鵝去碌下呀?北極人少企鵝多?張國鈞你見鬼呀!你師傅話佢o係阿鼻地獄好慘,叫緊你落去陪佢呀! 你係唔係最近發夢成日見到馬力呀張國鈞?

路遙知馬力,企鵝張國鈞--政壇傳聞馬力如果在生,今日民建聯的局長助理就唔係徐英偉,而係張國鈞;事實證明,如果連張國鈞都係這樣的水平,咁「次選」的徐英偉係咩貨色?唔怪得佢會同另一位民建聯的前副主席一樣的政治智慧,手持加拿大護照去加入政府啦!


伸延閱讀:
維園見!(張國鈞偉論重溫)
Try our breast 陳克勤再早抖篇
克勤 Try our breast X Reginababy, she bangs!
「福佳始終有你」 影像版

Facebook Group:
青年民建聯主席張國鈞話北極有好多企鵝 ! 促請民建聯舉辦「北極企鵝觀賞團」由佢擔任團長 陳克勤帶領搓企鵝胸!

星期一, 6月 08, 2009

共產沙皇邱騰華

膠袋稅下月實施八成商店就緒 強制回收電器將諮詢

【明報專訊】下月7 日起,市民在受規管商店購物每取一個膠袋都要付上5毫。環境局長邱騰華表示,八成店舖已完成登記和註冊程序,並劃分好商舖區內哪些地方可豁免收費。有團體擔心,膠袋稅徵費會導致貨品在出廠時,已附帶膠袋包裝,反而更不環保。此外,邱表示,政府下一步會研究立法強制回收電器,將在下個立法年度諮詢公眾。

邱騰華昨在電台節目上表示,在實施膠袋徵費的店舖門外,將會貼上綠色標籤,讓市民知道要付錢買膠袋,改變濫用膠袋的行為模式。

環團憂貨品附帶膠袋包裝
「107 動力」發言人何民傑表示,近日曾派人到本港6間大型超市,包括百佳、惠康等,發現近半年出現逾百款貨品加上膠袋包裝,例如清潔劑連膠袋、餅乾連膠袋等。

在新例下,只要商號有5 間或以上店舖,或面積逾200平方米,又同時出售食品、藥物及衛生或美容用品的商店,便須徵收膠袋稅。

另外,繼膠袋徵費後,邱透露正研究以立法方式規管回收舊電器,下個立法年度諮詢公眾。邱表示,日後市民購買新電器時,或要把舊電器送到回收場,但有關的成本和責任待定。

市民購新電器舊電器要交回收場本港電器商會稱,現時市民把舊電器棄往垃圾站,或送往私人回收商,立法後,就要將舊電器交到回收場,程序將很複雜,牽涉進口商、電器商、運輸公司、回收場等,費用應由消費者承擔。

立法會前日通過51 億元撥款,在屯門曾嘴興建焚化爐,邱騰華表示明白屯門居民的憂慮。他指出,焚化爐使用了最高科技,產生的臭氣會減到最低,符合歐盟最高標準,並非厭惡設施,焚化過程亦可「轉廢為能」,用以興建社區設施, 「因為當地近海,有條件設計得更美觀,譬如以焚化爐產生的能源,設置暖水池等」。

你冇睇錯,邱騰華簡直就係環保走火入魔到過共產黨;由「膠袋稅」、「強制停車熄匙」去到而家「強迫電器回收」,邱騰華骨子裏就係一位共產黨員--在佢眼中,所有野唔係用自由經濟的誘因去引人做,而係用立法靠嚇打壓禁制去強迫人地做!乜都行配額制,以後出去用餐,使唔使買埋糧票配給?

由減稅、特惠金等方式佢諗都唔諗,只係永遠做一件事,就係立法禁止--如果立法後不進返退,就好似107 動力指出的問題--而家貨品附有膠袋咁,佢就當睇唔到,見唔到就當唔存在!

由強制膠袋稅、強制立法停車熄匙,到強制電器回收,講到最尾就係邱騰華係一個比中國共產黨更共產黨的黨員,有後台、有權、有勢、有錢就可以畀錢了事,冇後台、冇官位、冇權、冇錢就乜都禁止!以後電腦、電視、一切電子產品因為「回收」而價格上升,一眾議員就大大聲叫政府去補貼「低收入住戶」電腦呀、電視呀、電子遊戲機了!嘩!邱騰華就正正係一個敵視中產,要消滅中產的共產黨員,於是第日的香港就只餘下兩種人,第一種就係「官商勾結」的富商同高官,第二種就係活在赤貧線,全民萬稅靠政府「養」的無產階級--因為電視又買唔起,新電器都買唔起,連膠袋都買唔起的小市民!

恭喜,其實曹二寶要搵第二接管團隊,唔使去遠的,望下邱騰華先生啦;又或者,佢早就係計劃中的一部份?

星期六, 6月 06, 2009

六四集會與一國一制

刊登於 2009 年 6 月 6 日蘋果日報論壇版

六四二十周年,支聯會估計人數達十五萬,但觀乎當晚維園外的嚴重擠塞,說在維園附近聚集了二十萬市民也不為過;雖然事前各方已經高估當晚人數,但結果仍出乎意料之外,創民運之後的新高,為甚麼?

除了最近兩個月一眾親共人士屢屢以歪理強辯六四,激發民情嚴重反彈以外,最主要的原因就是中聯辦研究部長曹二寶,有關在香港設置第二管治力量文章。在此之前,雖然內地多次干預香港的事務,由言論、集會以至出入境自由都屢屢干預打壓,可是對於很多不願相信的人來說,他們勉強仍可以自欺欺人,拒絕相信這幾年來所發生的事情;可是當曹二寶赤裸裸地揭破一國兩制的最後一塊遮羞布之後,「一國一制」醜陋真面目終暴曬於眾人面前,令很多保守派終於意識到,他們這些年來迷信經濟發展的成就可以改變中國共產黨,是多麼愚蠢的錯誤!

以質變造成量變
如果連做「五十年不變」的順民,如果連最卑微的「河水不犯井水」要求都變得不可能;如果連港人治港,高度自治,民主普選還政於民的要求都不能實現;如果一國只餘下一制的話,那麼香港人除了坐以待斃,還可以做些甚麼呢?只餘下一個選擇,就是把這一制變成民主的一制,把一國變為民主的中國!港獨──百多年來都不是香港人的心聲,而香港人的心聲就是 ──我們要中國富強,我們要中國民主!如果連自治都做不到的話,如果河水偏要犯井水的話,那麼就只有把井水滙入河水之中,以質變造成量變。

在中國歷史上,廣東人的勇敢事迹多次揚威全國;由北伐到抗日,兩廣軍隊以不怕死而聞名,更有外國記者對廣東軍隊衝鋒必大喊的句子不明所以,以為是甚麼宗教咒語令廣東人勇不怕死──其實在廣東東莞石碣,明末名將袁崇煥故居的雕塑,早已記載着幾百年前廣東人衝鋒吶喊的名言──「丟那媽!頂硬上!」這句令廣東人勇氣百倍的粗口,原來就是粵語文化的根源。也難怪有人不斷提倡普通話教學,其實就是要消滅香港的語言,消滅香港的文化,如此而已。

絕境下浴火重生
這就是為甚麼一眾親共媒體如此忌憚粗口的原因,這亦是香港傳媒每遇粗口就必成為熱話的原因,粵語文化流着和北方不一樣的熱血,而這股不屈不撓的神秘力量,就是香港人每逢絕境,都會破而後立浴火重生的原因。天下本無事,庸人自擾之,對中港關係來說,一國兩制其實本是互利互惠的制度,偏偏有內地官員沒有如鄧小平早年創立共和國的經歷,遺忘了粵語文化力量的歷史,這不但對香港百害而無一利,立意破壞一國兩制者,最終只會引火自焚。

星期五, 6月 05, 2009

明報報導:支聯會指高志活一直支持藏獨

高志活被拒入境 涉挺藏獨評:挺藏獨?唔需要證據就可以話係o架?咩國家的法律精神呀?利益歸於明報呀?
(明報)2009年6月5日 星期五 05:05

【明報專訊】六四 20 周年前夕,多名敏感人士來港闖關,有人成功,有人失敗。據了解,《國殤之柱》創作人、丹麥雕塑家高志活最終失敗與他支持藏獨有關;另一流亡海外學運領袖代表項小吉被拒,則因為他在六四「5•31」大遊行後來港,政府擔心他與已成功入境的熊焱「唱雙簧」,令燭光晚會人數與遊行一樣創新高。

政府憂項小吉熊焱「雙人效應」(評:嘩!雙人花式跳水呀?乜政治學上有一樣野叫「雙人效應」o架咩?乜原來多左個人,效果會有幾何級數的增長o架咩?乜原來「雙人」,有特別的神秘力量,可以令效應有特別強大的力量咩?政府邊個反智反到咁呀?邊個政府人士咁弱智呀?熊焱就熊焱,項小吉就項小吉,多一個人可以有在兩人以外,再額外有「雙人」的 bonus 效果?你講呀?)

據支聯會理解,高志活入境被拒是因為他是「橙色運動」發起人,一直表明支持藏獨(評:燒左你地 2008 年 4 月 28 號的明報佢啦),這事在中央政府眼中,比民運人士更糟。(評:據支聯會理解?請華叔徹查一下,有邊一位支聯會成員曾經接受明報訪問講高志活一直表明支持藏獨?支聯會有講過高志活支持藏獨咩?唔係嘛?咁嚴重的指控,支聯會絕對有需要發聲明澄清一下喎,如果支聯會從來冇講過,使唔使告明報誹謗支聯會的聲譽呢?)

其實,高志活去年來港時被拒,為免再次白行一趟,他曾透過支聯會打聽,政府最初消息指出,若高氏來港只是搞藝術,應該問題不大,但最終還是擔心藏獨問題,所以寧願保守一點。(評:嘩!保守一點咋!淡化政府無恥行為的明報記者,都只係保守一點咋!)

消息又指出,熊焱能入境是政府刻意安排,以減低高志活不能入境的殺傷力;另一名前北京 高校對話團成員童屹能入境,是因為她知名度不高。(評:作得就作呀?好偉大呀政府,原來香港所謂一國兩制的出入境政策係因人而異呀?原來明報反對法治,支持人治呀?明報呢份報紙原來連對法治的最基本態度都冇呀?明報呢份報紙原來求其有咩小道消息就報呀?老作得啦不如)

至於不在通緝名單上的學生代表項小吉不能入境,原來是因為他來港日子是在5月31日大遊行後,支聯會當日聲稱有8000人參加遊行,創16年新高,令政府大為緊張。為免項小吉與熊焱「唱雙簧」,令昨晚舉行的燭光晚會參加人數破紀錄,便即時收緊入境。

明報記者(評:邊一位無恥的明報記者無恥到名都唔敢寫出來呀?)


對比 2008 年 4 月 28 號大紀元轉載明報的消息
「但是明報的報導說,高志活在機場一再解釋,來港是希望和平地關注中國人權狀況,他不支持藏獨,也不反對北京舉辦奧運。」

由於本港明報的昔日新聞要收錢,同日明報海外版登出的消息:

『高志活亦不獲准跟何俊仁見面。他說自己多次向職員解釋來港是希望「和平地」關注中國人權狀,無意在火炬傳遞時搞事,他不支持藏獨、也不反對北京舉辦奧運

六月三號明報論壇版登一篇無恥之極的浸大教授文章;六月五日,明報屈支聯會指高志活一直支持藏獨!嘩!咁樣屈支聯會都得?「橙色運動」就等如藏獨?邊忽藏獨呀?明報求證咩資料證明「橙色運動」等如藏獨呀?2008 年 4 月 28 日的報導,明報記者盧曼思、覃純健、周展鴻親口訪問高志活,高志活親口對明報記者說話佢不支持藏獨,一年幾後的今日,明報可以報「支聯會」話高志活「一直支持藏獨」?有咁多六四的新聞唔報,去到 2009 年 6 月 5 號來報一段咁的消息?

明報記者係唔係唔識英文呢?一年前明報記者自己登出來的「橙色運動」網址寫明:
「What is the purpose of the campaign?
 To use the Olympics in Beijing 2008 to visually put focus on China's violations of human rights, and to create a visual symbol, using the colour orange, to remind people that "we do know there is something wrong with the respect for human rights in China. "We will use the colour orange and make it a symbol of the protest against the human rights violations in China. Due to the strict censorship it will be practically impossible for sportspeople and spectators to get into the stadium with obvious symbols in form of text or pictures. But no authority will be able to ban the colour orange, although it is obvious for everybody that it expresses a conspicuous accusation against the human rights violations in China.」

維基中文都寫明:「橙色運動,是一個以藝術創作為包裝的政治運動潮流。發起人之一是丹麥藝術及政治家高志活,他解就橙色的選擇,可以是美國在古巴關塔那摩灣拘留營囚犯制服的顏色,也是西藏僧尼的外衣服的橙色。高志活推動橙色運動,當然是向後者致敬,比美歷史上的各場顏色革命,祝願民主、自由開花結果。

橙色運動意念起源自丹麥,高志活打算引入香港,以國殤之柱改漆上橙色為Icon標記,及聲援由支聯會發起,在2008年夏季奧林匹克運動會香港區火炬接力當日橙衣迎京奧的大型示威。在香港官方主張紅衣日當天,穿帶橙色,以示另類政治取向。橙色運動是向權威說不的一種反叛態度。」

爭取中國的人權就等如支持藏獨?咁支聯會係唔係支持北京獨立,支持唔知邊度獨立呀明報記者?橙色運動冇一忽支持藏獨,高志活親口話佢唔支持藏獨,咁支聯會有講過咩?明報你的報導點來的?作假新聞呀?公信第一?公信倒數第一就有你份啦!

伸延閱讀:
廿萬人迫爆維園
維園見!
請從另一個角度去看「七六」

星期四, 6月 04, 2009

廿萬人迫爆維園

支聯會:15萬人出席六四燭光晚會創新高
2009-06-04HKT22:00
支聯會稱15萬人出席六四燭光晚會創新高(路透社)
今日是「六四」20周年,支聯會在維園舉行燭光晚會,主席司徒華宣布,出席人數創新高,達到15萬人,6個足球場及草地全部坐滿人,點點燭光佈滿整個維園。

由於出席人數眾多,港鐵天后站一度要實施人潮管制措施,晚會亦因此延遲半小時至晚上8時半才開始。

警方:62800人出席燭光晚會
2009-06-04HKT22:09
警方稱6萬餘人出席晚會(路透社)
警方公布,共有62800人出席維園的燭光晚會

其實支聯會的數字實在太保守;以林忌歷年遊行的觀察,今晚維園的人流甚至比起零四年七一更擠迫,例如在晚上七時左右,銅鑼灣皇室堡附近已經爆滿,同時天后站亦已告爆滿,不少人留在外圍而無法進入維園,有人先去吃飯,有些團體更沒有進入維園(如好戲量及長毛領導下的四五行動),全程留在記利佐治街表達他們對六四的看法,於是亦有不少人留在外圍,而維園塞到幾乎完全沒有空間進出,支聯會主席台附近根本無法掌握外圍的真實情況,人數絕對被低估。

至於警方的公佈,就絕對得啖笑;記唔記得 2003 年 7 月 1 號果日,警方對土共的「六萬人足球賽」粒聲都唔出呢?點解土共只係六個足球場全空,公佈六萬人而警方唔出聲呢?而今晚維園塞到連警察自己都無法出入,不斷叫公眾讓路畀佢地行,居然公佈只得六萬二千人?唔好講笑啦警察。

人潮迫到係有三成入場市民係全程罰企,而唔係只係普通的坐滿;如果用「坐滿」的推算方法計,完全不能反映「企滿」的數字。此外,由於塞滿左,不少市民即使進入維園,亦只留了一會表達了心意就離開;因此維園不停有市民進進出出,去到接近晚上十時,人流多到銅鑼灣都完全封路,天后又係幾乎封哂,塞車塞到去北角,天后區、銅鑼灣區人人唔係黑衫就係白衫,便利店、食肆全部爆滿!以人次計廿萬,絕對只係保守估計!

經過今晚之後,唔知曾蔭權會有咩睇法呢?今晚林忌亦撞到一位為政府提供政治意見的評論員前輩,大家打了個招呼之後,佢低調進場,相信佢一定會把今晚的真實情況反映畀特首知道;事實再一次證明,咩六四前派糖,又或者七一前派糖,特膠政府一味搞膠都係於事無補--以今晚塞爆維園的數字,只要能夠延續到七一,中聯辦你地仲想點呀?

(補充,好戲量今晚為人民發聲,值得一讚!)




「無線新聞,事事旦旦」的抗議



特首,人民的力量,自發叫你仆街!


很高興支聯會與蘋果的最後數字,修正為廿萬!(每日一膠於昨晚十時半提出這個數)


蘋果圖片,7 時 30 分的記利佐治街

維園見!

2009-06-04 HKT 08:16
人民大學國際關係學院教授時殷弘認為,不應再談論六四事件中政府的對錯,中國今日的經濟成就,證明20年來國家前進道路正確。

回應:狗娘養的大學國際關係學院教授陰暈認為,不應再討論南京事件中日本的對錯,日本今日的經濟成就,證明 72 年來國家前進道路正確。

民建聯稱現在不是適當時候總結六四
2009-06-04HKT07:30

民建聯副主席張國鈞認為,現時不是適當時候為六四作總結
當選民建聯副主席的張國鈞接受本台訪問時表示,六四是一宗悲劇,但認為現時不是適當時候總結事件,相信歷史會作出評價。

回應:未係適當時候?對,當中國共產黨倒台,呢班契弟就會出來評價啦;正如當年呢班友出來扮愛國,由始至終,始終如一,就係呢班友係最無恥的。

被問到何時是適當時候作出總結,張國鈞希望將來盡快會有評價。

回應:盡快?一方面唔畀你討論,一方面唔畀你調查,一方面就話盡快,簡單而言,即係好似普選一樣,佢講哂;信你一成,雙目失明呀!


張國鈞又指,黨內並無限制年青一代黨員就事件發言,黨員不發言,是黨內的共識。
回應:加入民建聯的年青人會係咩人?有咩需要限制發言呢?如果記者發問,就係記者硬膠;如果係張國鈞自己講,就唔該收皮啦;點解唔問下希特拉青年團的年青人,有冇被希特拉的納粹黨限制發言?又點會需要呢?入得納粹黨的除了仆街之外,仲有乜?

他又提到,民建聯將來的發展,希望吸納更多年青新一代接棒,又說,如果民建聯覺得他是出戰區議會或立法會的適合人選,他樂意參選。

回應:嘩!人才輩出呀!張國鈞簡直係超級人才啦!呢個時候出來發呢 d 膠音,絕對係頂級人才呀!

睇下有普選之後,你條人粉到時咩下場?立此存照,張國鈞祝你好運!
對呢班人粉忍夠了,維園見!


秦剛:強烈不滿希拉莉六四言論 無端指責中國政府
2009-06-04HKT15:44
在北京,外交部發言人秦剛表示,強烈不滿及堅決反對美國國務卿希拉莉有關六四的言論。

希拉莉要求北京當局公布六四事件死者名單。秦剛表示,美方的言論是無視事實,無端指責中國政府,違反國際關係的準則,干涉中國內政。

秦剛強調,改革開放30年來,中國在經濟及社會發展取得重大成就,證明中國所走的道路符合國情,反映人民心聲,希望美國摒棄政治偏見,避免損害中美關係。

六四事件20周年,秦剛在外交部例行記者會,多次被問到中國政府對事件的立場,他重申,有關上世紀80年代末的這場政治風波,黨和政府已有明確結論,他亦不同意有外國記者以「殺害」來形容當年政府的行動。

回應:為何手持五星旗會被人歧視?為何在海外自稱中國人會被視為異類?為何中國「富強」了,卻去到西方仍為國際社會有所不容?原因就是這些中國人從來都不明白,自己所「愛國」的一個國家,是一個怎樣的國家;代表你的共產黨,是一個怎樣的黨。

人地抽你水,自己錯唔出來認,都唔該唔好仲出來發膠音;中國外交部就係呢 d 弱智級的質素,以希特拉那種自我欺騙的方式把謊話講一百次,就以為可以呃到人;為何中國政府的公信力極低?為何中國講野冇人信?為何中國政府講一千次一萬次咩「和平崛起」都冇人肯相信?原因就係堂堂一個外交部,對住幾十億人講大話從來都唔眨眼!

因為代表中國人的政府,就係一個如此令任何有良知的人都感到羞愧的政府;因為代表中國人的就是這樣的貨色,才會搞到台灣人不想做中國人,搞到西藏人不想做中國人,搞到千千萬萬的華僑,只要有良知,都唔想做中國人,搞到即使口口聲聲愛國,做真實的調查,都會有大多數的中國人話來生不做中國人。

「秦剛強調,改革開放30年來,中國在經濟及社會發展取得重大成就,證明中國所走的道路符合國情,反映人民心聲」--原來殺人就反映人民心聲,那麼當年日本政府殺佢地控制的地方的人民亦符合佢地人民的心聲,你嘈乜?你叫佢正視咩歷史?

原來在中國政府眼中,中國人殺中國人就天經地義,日本人殺中國人就罪大惡極;香港那些提倡呢 d 野的人,例如民賤聯的垃圾會議員,有種就修訂法律,把中國人互相殺人合法化!把中國人殺外國人合法化吧!

無恥之極!

星期三, 6月 03, 2009

請從另一個角度去看「七六」

周全浩﹕請從另一個角度去看「六四」
(明報)2009年6月3日 星期三 11:40

評:請從另一個角度去看「七六」--咩七六呢?正如呢位膠人,用咩角度看六四呢?

用另一個角度看偽君子報,佢地最近唔興做偽君子--而係小人,用另一個角度看,原來係咁解,明白了!


【明報專訊】今年5月中,在「六四」20周年的前夕,各大報章頭版刊登了趙紫陽在軟禁期間秘密錄音的事宜,看來這是有人精心策劃,引起全世界的注意。

評:陰謀論?好呀,回應!【膠報專訊】自八九年以來二十年,在「六四」20周年的前夕,各大共狗報刊登了大量膠論評六四,看來這是有人精心策劃,引起全世界的注意。

尤其在香港,有些人表示現時中國歷史課程內,對「六四」只是輕輕帶過,言下之意就是希望中史課程內,應深入探討「六四」。固然,還「六四」一個歷史公道是有需要,但現時明顯地有些人認為其「六四」版本乃最完整,並試圖強加諸別人的知識層面上,在中史課程中以他們的觀點作為依據,看來「六四」的真相遲早應公之於世。

回應:尤其在中國,有些人表示現時日本的歷史課程內,對「南京」只是輕輕帶過,言下之意就是希望歷史課程內,應深入探討「南京」。固然,還「南京」一個歷史公道是有需要,但現時明顯地有些人認為其「南京」版本乃最完整,並試圖強加諸別人的知識層面上,在歷史課程中以他們的觀點作為依據,看來「南京」的真相遲早應公之於世!

對於「六四」事件的始末,中國政府多年來採取淡化政策,絕少回應及澄清有關「六四」的報道及演繹,這讓某些人壟斷了「六四」的「真相」。筆者認為將來應該還「六四」歷史的真面目,但這個真面目並非如某些港人所渲染的模樣。

回應:對於「南京事件」的始末,日本政府多年來採取淡化政策,絕少回應及澄清有關「南京」的報道及演繹,這讓某些人壟斷了「南京」的「真相」。筆者認為將來應該還「南京」歷史的真面目,但這個真面目並非如某些中國人所渲染的模樣!

看「六四」事件,應從客觀的歷史長河來看。顯而易見,有些事情要在發生過後若干年甚至一段長時間,如5至10年,甚至10至20年,才能看到其正式的影響,發生時根本不會察覺到。

回應:看「南京」事件,應從客觀的歷史長河來看。顯而易見,有些事情要在發生過後若干年甚至一段長時間,如5至10年,甚至100至200年,才能看到其正式的影響,發生時根本不會察覺到!


當年1989年,乃中國改革開放頭10年,當年四五月間,學生已經佔領天安門,至五六月,中央政府若再不處理,根本無法正常運作,形勢刻不容緩。

回應:當年 1937 年,乃日本政府明治維新頭 60 多年;自七七事變後,日軍雖然獲得勝利,但損失慘重,士兵非常疲勞,後勤也已達到極限。日本參謀本部原計劃讓上海日軍「凱旋歸國」,並沒有進攻南京的準備。然而日軍中下級軍官對於上層命令的反對,迫使參謀本部同意進攻南京。12月1日,日本參謀本部才正式下達佔領南京的命令。面對幾乎無後勤支持的問題,日軍再不處理,根本無法正常運作,形勢刻不容緩。

在處理事件上,應注意此點:假若當時能盡早處理,在未有這麼多學生聚集前清場,便不會引起相當傷亡事故,為何當初不處理,非要待到危急關頭才處理呢?

回應:中國在處理事件上,應注意此點:假若當時能盡早處理,在未有這麼多人民聚集前清場撤離南京,便不會引起相當傷亡事故,為何當初不處理,非要待到危急關頭才處理呢?非要待到危急關頭才撒離南京呢?

根據中共的說法,當時的黨總書記趙紫陽分裂了黨中央,趙紫陽不肯認真處理學潮問題。至5月,整個北京的氣氛愈加緊繃,學生完全佔領天安門廣場,最後才由鄧小平拍板簽發清場命令,引致震撼世界的「六四」事件。

回應:根據日本的說法,當時中國的領導人如蔣介石、毛澤東等分裂了中國人,不認真處理日軍的問題。至 12 月,整個南京的氣氛愈加緊繃,最後才由日軍大將松井石根拍板簽發清城命令,引致震撼世界的「南京」事件。

人民以大局為重 才是成熟民主社會

從歷史的長河看,中國「六四」事件實為「蘇東波」事件中一個重要環節。1989年鄧小平下令清場,引起世界很大迴響。當年聖誕節,柏林圍牆倒塌,戈爾巴喬夫不敢出動蘇聯紅兵到場鎮壓,引致東德倒台。1990年東西德復合,1991年蘇聯倒台。到1990年代中期,俄羅斯一片混亂,國內民不聊生,不少人意會到當年鄧小平在「六四」事件上果敢處理是有需要的。若中國未有及時處理,會像蘇聯般倒台嗎?若如是,後果可真不堪設想。「六四」過後,本港有過百萬人上街遊行,當時一些曾參與遊行的港人,幾年後才知道「六四」真正的影響時,對整件事的看法也有轉變。

回應:從歷史的長河看,日本的「南京」事件實為「反帝國主義」、「解放殖民地」事件中一個重要環節。1937-1945 日軍「進入」中國,引發世界很大迴響。 中共得以在 1949 年趕走國民黨,連毛澤東都說,全靠當年日本友人的幫忙,中國共產黨才得以從中得益,在國民黨抗日的同時,發展自己的勢力,連中共永遠的毛主席都意會到,日軍「進入」中國的果敢行為是有需要的。若日本未有「進入」中國,國民黨會倒台嗎?東南亞會解放嗎?帝國主義會主動放棄殖民地嗎?若果沒有日軍,後果可真不堪設想。「南京」過後,當時一些曾參加國民黨的人,幾年後才知道日軍「進入」中國的真正影響時,對整件事的看法也有轉變。

中國在30年改革開放中,正因中央能在1989年「六四」事件果敢處理,經濟在及後20年才得以迅速發展,若當時未能妥善處理「六四」,中國改革開放可能已經夭折,不會有過去30年的「小平中興」局面。

回應:戰後至今的幾十年和平,正因為日軍能在 1937-1945 年果敢處理中國人,經濟及後 64 年才得以迅速發展,若日本未有妥善理「進入」中國,反帝、反殖民地的事業可能已經夭節,不會有戰後幾十年的經濟發展以及「和平」的局面。


「蘇東波」事件令到整個蘇聯東歐集團解體,以美英為首的西方列強得以解除心腹大患。1990年代後期起,美國已有人開始轉移視線,將中國列為假想敵,某些西方勢力不想中國變得富強。於是不斷找些議題出來,拖中國後腿,「六四」事件成了上佳選擇。每年為「六四」舉辦的紀念活動,成了外國勢力用以掣肘中國的一個方法。

回應:不如問下二十年後的東歐各國人民,用歷史長河去看,有邊個國家的人民,希望回到二十年前的東歐集團國家呢?捷克人民過得幸福了嗎?波蘭人民過得幸福了嗎?匈牙利人民過得幸福了嗎?波羅的海三小國的立陶苑、愛沙尼亞、拉脫維亞等國家的人民,過得更幸福了嗎?某些中國人以美、英、甚至東歐各國的民主政府為假想敵,某些中國邪惡勢力不想東歐變得富強。於是不斷找些甚麼「蘇東波」的議題出來,拖民主後腿,到今天仍說甚麼蘇東波,卻不提沒有「蘇東波」,今日這些國家的人民,既沒有經濟發展,也沒有民主自由,更沒有今日加入歐盟的快樂生活。二十年過去了,如果「蘇東波」咁差,點解冇一個東歐集團國肯走回頭路呢?點解由烏克蘭到波蘭,甚至要禁止同清算共產主義呢?


無可否認,「六四」是近代中國歷史的一個傷痛。一個社會的人民萬事以大局為重,會妥協,才是一個成熟的民主社會。

看看1963年行刺美國總統甘迺迪事件,華倫大法官成立了一個調查委員會專案徹查。而在美,傳言副總統參與其中亦甚囂塵上。查清後,華倫大法官卻宣布調查文件要封存50年,看來這牽涉到美國整體利益。當時美國民眾都未有表明要極力追究事情始末及責任,無非是顧全國家利益。

回應:無可否認,「南京」是近代世界歷史的一個傷痛。一個社會的人民萬事以大局為重,會妥協,才是一個成熟的民主社會。

因此,日本對「南京」的說法有隱瞞,也是為了中日人民之間的利益,也為了全世界人民和諧的整體利益嘛。


有些人受別人聳動,便年年走出來要平反「六四」。這個又怎會是一個成熟的民主社會呢?難道他們未曾想過,某些外國勢力十分喜歡削弱,甚至顛覆其他政權嗎?

回應:為何「削弱」了東歐國家,人民過得幸福得多?難道這些垃圾狗人未曾想過,他們很喜歡東歐人民過得很悲慘嗎?

各位可有想過,考慮到香港的特殊政治文化背景,若然紀念「六四」不符合西方國家的利益,那些港人會否如此熱中此項活動?

作者是香港浸會大學 地理系教授 周全浩

明白了,原來「中共」的利益,高於全人類文明的利益;所以當東歐絕大多數國家的人民生活改善了,因為不符合「共產主義」的利益,因此這些垃圾教授就置人類基本價值原則而不顧,置他國人民的選擇而不顧,置他國人民的幸福而不顧,而要到今日都說「蘇東波」是錯的,推翻共產黨是錯的。

如果呢條仆街寫文冇利益,如果呢條仆街擦中共鞋冇利益,呢條仆街會否如此熱中寫文上偽君子報的活動?

作者是香港食屎大學 垃圾系教授 x周全爛

掟鞋無罪造反有理

向溫家寶擲鞋劍橋學生判無罪
2009-06-03HKT02:25
總理溫家寶年初在英國劍橋大學演講時,向他擲鞋的27歲德國學生楊克,獲判無罪。

案件在劍橋地方法院經過兩天後審結。法官說,無足夠證據顯示,楊克的行為擾亂公共秩序,但告誡楊克日後必須注意自己的行為。

楊克透過代表律師在庭外宣讀聲明,對法庭的裁決表示高興,又呼籲公眾關注中國的人權狀況。

溫家寶2月2日在訪問英國時到劍橋大學演講。楊克吹哨子打斷演講後,向溫家寶擲鞋抗議。

楊克說,他這樣做只是表達抗議,無意傷害任何人。

事實再一次證明,英國的法律制度本身擁有足夠的彈性,去保障人民的基本人權、表達權利,而非單純作打壓市民的工具;為甚麼相同的法律制度,落在香港特區之手的時候,會變得利我們對法律制度產生如此多的質疑和不信任?為甚麼年輕一代的網民,經常口中談到的一句,就是「法律面前,窮人含 X」?

這就是因為即使法律是一樣或相近,但我們的執法機關卻不一樣;我們的律政司不一樣,我們的法援署不一樣;近年無數令網民質疑不公的案件,首先就面臨警方以及律政司的「選擇性執法」,就和政治上的無數特區政府「選擇性做野」一樣,應告的就唔告,唔應告的就告;好啦,進入司法程序的時候,好多小市民就唔識法律,亦冇錢去請律師,又因為害怕不認罪、輸官司的結果,而明明有得打的 case,都變成冇得打自己認罪--例如迪迪尼案等的「浪費警力罪」,不但重創市民對司法制度的信心,還令社會的統治基礎嚴重動搖--既然有權、有名、有利就大哂,我地以後點解仲要守法?不如人人都向錢看,向權看得啦?冇權、冇錢?一係就死死氣低頭,一係就「爛命一條,同你死過」囉。

特膠政府當權中人,就以為年輕一代同昔日的中國人係一樣,以為今日的香港人就好似歷史上中國被奴役的順民,以為可以用權謀,用一切走精面的呃呃騙騙,去控制、玩弄民意,對唔住,歷史將會證明,呢班當權派有幾錯--今日年輕一代,成長在唔怕死的社會環境,又或者掉轉頭,從來冇野得到過,只有苦悶與爆炸性的憤怒,所以唔怕一失,又點解要好似中年以上果班成年人咁,前怕虎後怕狼呢?當冇野可以失去的時候,又何懼失去呢?當年輕一代唔係再受傳統硬膠中國邏輯思維教大,而係睇日本漫畫、在外國文化的環境下長大時候,結果就係一個,就係呢班硬膠統治者的一切,到最終必定被推翻,被毀滅,被清洗,而今的問題,唔係會不會發生,而係幾時發生。

曹仁超說:「第一,我們冇樓的上一代;第二,我們這一代冇樓的;第三,下一代冇樓的;還有大陸出來冇樓的。所以有四代人做我們的奴隸嘛!我們一代人搵了你們四代人的錢嘛!」的結果...」

寧欺白頭翁,莫欺少年窮--所謂第二代香港人所控制的一切,最近已經出現最後的黃昏局面,看看全港各行各業,正如「與曹仁超對話」那種「第二代香港人」奴役四代人的講法,最終的如果不會帶來他們以為的結果,卻是帶來包括他們自己,他們自己家庭,他們的葬身之處的最終完全的毀滅。

曹仁超說:「這個世界一定會有上層與下層,你在上層便成為既得利益者,唔好運在下層的話,你便是被剝削那班。這世上無論什麼制度都有剝削者和被剝削者,我們這一代人是剝削者,而你們是被剝削者嘛!就算是我比你勤力工作,我的財富最多比你多一個開,何解現在我的身家比你多十個、一百個開呢?因為我在剝削你嘛!你不知道嗎?我八元買匯豐銀行股票然後一百六十元賣給了你嘛!我們這一代人的成就建基於你們身上嘛! 」

『年輕人不反叛就冇資格做年輕人,我主張年輕人反叛的,但要知道這世界不是你玩晒,所以要PLAY ACCORDING TO THE LAW,要在法律框框裡面造反,最多被人家話不道德,但要做法律容許之下的事,即是做一個「合法而不道德的人」!』

上面這一句就看出了二代香港人眼光的局限性--和他們所相信的不同,就是最終年輕人不會用他們自以為以往的方式--「合法而不道德的人」去推翻他們自己,而是採取另一條路,就是「道德而不合『法』」,不合乎他們眼中的「法」,不合乎他們眼中的法則界線,而是顛覆一切傳統,顛覆一切他們眼中的硬道理,顛覆一切他們所設下的界限,寧可集體毀滅,而不會好似他們自己眼中以為的「為錢大哂」,「為權大哂」的結果。

乜以為人生的意義一定要為錢咩?乜以為人生的意義一定要為左生存咩?人生的意義,不討論對與錯,有時更來自於另一種反面的力量--恨。

這就是傳統思維不容許的「毀滅美學」,是病態社會扭曲的產物,就正如二十世紀之初兩次大戰的情況,也正如歷史無數的例子證明,當出配如曹仁超口中所說出的社會情況之時,當出現這種沒有底線,沒有道德的社會之時,結果只有一個,就是年輕一代不在乎上一代所追求的,卻喜愛有如漫畫、卡通常見的情節,去到最後一集「咸家散」,在激烈的爆炸之中一齊毀滅,而在毀滅之前出現的,就是無數的復仇狂魔,摧毀這些自以為一世都很了不起的「成功人士」的一切。

各位當權者,Are you ready?最後一章已經開始,這一章叫做華格納歌劇、尼布龍家的指環最後一章「諸神之黃昏」--你想點死?睇住你子女死在你的面前,定係同佢一齊被殘殺分解?

網民創作--抗戰二十年 MV
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    7 個月前

最近文章

再次伸延閱讀