支持及訂閱請按 Like

星期六, 11月 02, 2013

假民主真保皇的工黨

嘩!原來「港人優先」四隻字都冇定義,所以好危險!所以唔可以同意,必須爭議廿萬光年的定義,先可以同意!這就是工黨梁君的意見!真係發人深省!

唔怪得中國共產黨拖了三十年都唔畀香港人普選啦,也難怪工黨諸君代香港爭民主爭了咁多年都失敗啦,因為「民主普選」四字,就同「港人優先」四字一樣,係冇定義的?你講呀?但最起碼香港法律有定義過咩叫香港人!優先的定義比起「民主」或「普選」又有咩含糊之處?

全地球的民主政府對「民主普選」有哂所有例子,而全地球的民主政府亦對「公民優先」有哂例子,一條冇約束力的議案會講係危險?你靠嚇呀?你工黨葉劉上身呀?你地在野的面目都醜陋到好似共產黨班官一樣,靠你地爭取民主?唔怪得面目比起保皇黨更保皇啦!

星期五, 11月 01, 2013

露薇令人憤慨

又係中共來香港的「閭丘露薇」,佢文章內容同香港某些人已「冇乜分別」,你可以話佢「進步左」,而事實上只係「退步左」,因為香港果班中國膠寫文,由字眼到內容同閭丘露薇極相似,一樣狂鬧香港人「歧視」、「排外」,大鬧「限奶令」...

「資源有限,政府處理不及時,造成矛盾,其實即便沒有內地人來香港,同樣會造成矛盾。」閭丘小姐最少比起香港一些左膠「進步」,起碼知道資源係有限的,大家係唔係應該畀少少掌聲畀佢?但冇大陸人就冇矛盾,這是荒謬的,因為大陸人同大陸政府係一齊來香港的;點解愈來愈多人舉香港旗?因為你個「強國」--中國管香港十七年都管到衰哂,由你地中國政府選的垃圾代表亂管香港,然後在冇民意授權的情況下,不斷開綠燈引進你班大陸人在香港的身份,就係殖民者,香港就係巴勒斯坦,就係中共的「中國殖民區」!好多人以為巴勒斯坦人同猶太人係「不同種族」,遺傳學一早揭露這絕非事實,用中國的標準,根本就係「同祖同宗」,長年住於同一塊土地的「血濃於水」,分別只係宗教!正如香港人同大陸人,只係不信共產黨信仰共產黨(最少表面認同)的分別。

「治標不治本,換得民眾短期的掌聲,但並沒有徹底解決問題,甚至放棄了機會。其實“奶粉令”(禁止攜帶兩罐以上奶粉出境)就是一個典型的例子。 」治標唔治本?治本應該搵邊個?搵你地中國政府,搵你地中國共產黨,你中國生產唔到安全奶粉,居然賴香港?你幾時改嫁了個姓賴的?香港點樣幫你中國奶粉「治本」?連叫「強國人」都係「歧視」,中國人果然有特權,叫「鬼佬」、「蘿蔔頭」、「泡菜」就唔係「歧視」?花名都可以當係「歧視」,香港係有言論自由的地方,你唔包容人地的笑話,返大陸啦!

不過返到中國大陸,你地由上至下日日都叫「小日本」;你露薇自己寫 911 講大陸人拍手慶祝 911,我真係想問一個好簡單的問題:香港直受中國殖民的同時,只係一堆高登仔在網上鬧抵死,比起從來冇受美國欺負的中國人在鬧美國人抵死,究竟係香港出問題多些,定係中國出問題多些?點解香港一堆自命為中國人的,一味就鬧香港問題,則凡小事必化大;但講起中國問題,就凡大事必化小呢?原因是甚麼?就是你自命係香港人,定係中國人?

你露薇這些擺明係中國殖民的講少兩句,一定減少好多香港人的仇視;擺明唔可以鬧大陸,然後香港有乜就嘈,冇奶粉仲鬧香港人錯,這說明了這些中國人根本不關心香港人的權益,只係一堆為自己而不斷賴香港的人。

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀