支持及訂閱請按 Like

星期六, 2月 26, 2011

希特拉都頂唔順強積金

今次真係連希特拉都頂唔順強迫金啦...
...
將軍:元首我地有壞消息通知你
你已經被一條叫曾俊華的七頭挑戰
成為德國以外全地球鬧爆的目標
由小李爸爸到小佢媽媽都唔得閒

希特拉:民望如浮雲,被佢超越唔係問題
佢在我強迫金戶口入左六千蚊

將軍:我的元首,唔係咁簡單
積金局班友話,打算提高供款上限
你每個月要供多一千蚊


希特拉:冇份供強迫金的,另外有公積金的,長俸的,離開呢間房
跳那媽個星,供乜鬼強迫金呀
存六千蚊入去有 X 用呀?
睇住班仆街亂咁代我賭錢
唔係跑輸大市,就係蝕到見紅
我辛苦搵錢番來,憑乜同我蝕哂佢?

將軍:元首大人,佢畀多六千蚊你用啦
希特拉:呢頭畀六千蚊,果頭每月供多一千蚊
將軍:元首你六十五歲就用得筆錢啦
希特拉:表現仲差過我存錢入銀行做定期
存外幣定期仲賺多幾倍呀
蝕錢憑乜野每個月收我管理費呀?
諗出呢條橋的人根本係人渣
六千蚊有排都唔用得
班基金佬就日日硬收我管理費
我個個月供款供呢班大帝
每個月總共要供三千蚊呀
呢班友仲衰過共產黨呀

投資涉及風險,點解要強迫我地投資?
何況係強迫我地蝕錢?
日日只係識得官商勾結
只係為左大陸班蝗蟲做野
有冇理過水深火熱的市民呀?
講道僱主幫你供 5%
實際上未又係你人工度扣番!
支持強迫金班友個腦係唔係用屎做o架?

女秘書:放心啦,我地有澳門身份證
派的錢夠買奶粉畀個仔啦

希特拉:冇啦,我對呢個特區政府已經徹底失望
把自己香港人,當係二等公民
話飲香港水流香港血,卻只顧全大陸
準備移民啦…

星期四, 2月 24, 2011

深圳做得到香港做不到

刊於 2011 年 2 月 24 日蘋果日報論壇版

香港公佈財政預算案的同日,深圳市政府亦作了一重大宣佈,就是由代表深圳市政府的鹽田港集團有限公司,宣佈回購收費高昂的梧桐山隧道。

香港的隧道加價潮,始於○五年東隧加價,最近東隧更申請大幅加價四成,特區政府表示對此完全束手無策。

深圳市政府卻顯示了完全不同的作風,○六年深圳市政府宣佈回購的梧桐山隧道,在回購談判失敗之後,立即宣佈興建「梧桐山二隧」。○八年七月新隧道落成,更免費提供市民使用,舊隧道使用者立即大跌,拖延兩年半至今,結果以原開價的四分一價錢,以二億五千萬人民幣回購隧道。

當深圳市政府以建梧二隧逼梧舊隧賣盤時,我們的香港特區政府卻甚麼都沒有做,反而坐視問題惡化,○八年十一月二十九日西隧大股東港通控股,以五億五千萬元購入百分之三十九點五大老山隧道的股權,此後大老山隧道即連綿加價。政府做的就是花多幾百萬請研究公司,「建議」政府擁有的舊隧加價。建議面世不到一個月,東隧立即搶先宣佈再加價四成,難道政府要把舊隧加價五倍去挑戰東隧嗎?為何政府寧可花五百億去搞面子工程申亞,花六百六十九億元去建天價高鐵,都不願花十分一的價錢去解決香港的隧道塞車?深圳市政府做得到的,香港政府卻做不到。

星期日, 2月 20, 2011

特區又想加稅--垃圾費?

在香港特區,每日都有好多特別的膠事,多到永遠都寫唔完;今日要寫的,就係綠領行動個垃圾收費建議。

各大商家、銀行、地產每一日都寄 D 垃圾來我地屋企,可是我地偉大的環保組織,有無限多的時間都唔建議立法規管垃圾宣傳品,甚至佢地自己都仲在街派傳單,製造更多的垃圾,仲要把責任推到市民身上,要罰市民錢,去清理佢地製造的垃圾。

點解大商家、銀行同地產就有特權?點解佢地每日製造咁多冇用的垃圾,卻聽唔到環保團體出來大力批評?點解環保團體唔去呢 d 大集團示威,抗議佢地每日製造幾多幾多無聊、冇用、浪費地球資源的宣傳品?要減少浪費,唔係應該由「非必要品」開始嗎?宣傳品就係最非必要的東西,收者九成都唔想收,減垃圾唔係應該由源頭開始嗎?源頭唔減少,居然要向最終者--即係市民收錢?收左我地錢,銀行係唔係會減少寄野來?商鋪賣的貨品,係唔係會減少冇用的包裝呢?已經製造出來的垃圾,係唔係會自動消失?

真正搞環保,要透過立法規管減少垃圾,第一個針對目標一定係源頭--即係製造垃圾的大公司,冇佢地製造垃圾,市民又點會有呢?除了一日兩、三餐煮飯製造出來的垃圾之外,市民除左排泄物,又點會在空氣之中變出垃圾來呢?產品製作唔環保,去到用家手上就必然都係唔環保,環團係唔係提供田地畀我地自己種?我都唔想收垃圾,咁你強迫我收之餘仲要收我錢?冇病嘛?

第二個一定會做的問題,就係搞好垃圾分類,如果有全港的垃圾分類,真正做到循環回收再造,這種環保才是有效,而不是浪費;咁點解政府唔做野先?邱騰華上任幾年,對回收有咩貢獻?香港多左幾多 % 的回收?有幾多回收的渠道增加呢?點解我地完全感受唔到回收方面的改善?點解對好多市民來講,我地想回收都冇渠道去做?

綠領行動一定覺得市民好得閒,會從空氣無中生有,自動轉化出垃圾來嗎?製造垃圾的係商家,要負上垃圾費用的都應該係商家,但係我地偉大的綠領行動呢個環團,佢地唔係把責任歸回政府與商人,卻把責任推落消費者度,而更過份係,推落一些從來都唔願意收宣傳品以及包裝品的小市民身上。

銀行寄垃圾來,我地有冇權利拒收?係唔係要我地發起全港所有垃圾宣傳品轉寄去綠領行動的郵箱?係唔係搞到郵差日日同業主鬧交,過半郵件拒收,要佢地送番哂去郵局?係唔係嫌今日已經要搞舊樓維修的業主立案法團唔夠野做,要佢地日日派管理員追殺業主唔好偷偷亂掉垃圾在公眾地方?係唔係想全港路邊的垃圾筒全部日日爆滿,堆到成街都係垃圾?係唔係要特區政府請多十倍食環署人手,半夜在街上守夜,以防市民把一袋袋垃圾搬出街邊?

香港就係有咁多弱能、弱智、弱視,而且無恥、無腦、無品的垃圾組織,提出這種不知所謂的建議,去製造更多垃圾麻煩,和自身最唔環保,以環保為名搞收稅的邱騰華一樣,係賣港的一丘之駱!

垃圾收費?好呀,我地就把所有唔想要的宣傳品寄去綠領行動 Office 吧!

星期二, 2月 08, 2011

消滅港人重點行動計劃

2010 年 11 月,英國倫敦市長 Boris Johnson 炮轟其保守黨政府的房屋政策,指因削減房屋津貼形成的以財富分區是「科索沃式種族清洗」,有民主的政策就會有保障民生的政客,可是在香港呢?唐英年卻對此拍爛手掌,更是這種「大陸人換香港人」的政策的推動者。

自林忌於 2009 年 7 月 22 日寫出《唐英年一億人毀滅香港計劃》以來,一連串發生的事件不斷印證這個計劃的真實性,包括以港人的錢天價建築以大陸人使用為主的高鐵,通過八成強拍強搶民產,2014 放寬港島中半山的高度發展限制,加上未來幾年瘋狂高升的樓價與物價,賣港政府全面變次殖民地,以毀滅第四代香港人、80 後等年輕港人的一生幸福,去「建構」的廿一世紀有中國特色的「新奴隸制度」,終於陪著鬼祟的《環珠江口宜居灣區建設重點行動計劃》,讓我們了解他們的全面計劃是甚麼。

當年希特拉在《我的奮鬥》寫出「生存空間」(Lebensraum),就是因為覺得德國的領土不足以支持其人口的發展,而要奪取波蘭、蘇俄等較空曠的領土,去擴展德東的容克(Junker)貴族莊園,去建立其「千年帝國」的美夢;今日唐英年、一眾賣港高官以及大陸官員,配合香港的大商家,究竟其動機是甚麼呢?沒錯,就是香港不足以供其荷包「發展」,而要在新界的郊野地,合併以大陸「一脈相連」的土地,以換取他們的「建樓空間」、「炒樓空間」。

可是要奪得這些空間,最大的阻礙是甚麼?不是大陸貪官/商買不買得起的問題,而是在港英留下的法律制度,保障了私有產權,收購土地價高,而且手續煩瑣;如果這些錢要賺得快,目前一切正常的方式都無法滿足他們的胃口,所以最有效的方式,就是透過破壞香港目前的制度,以政治手法凌駕法律與經濟。

要明白這個清洗計劃的規模,必先了解目前中國大陸人民面臨的是甚麼問題,這些賣港賊最叻是甚麼?就是抄襲大陸,把大陸奴役人民的一套搬來香港,這就是以他們智商中最容易實現的構想。

1. 傾銷賺外匯,國內貴十倍
外國常說大陸貨傾銷,為甚麼呢?原因是同一件國產貨,在美國賣一蚊,在大陸卻賣十蚊。

由於官商勾結一體,物價都被大商家和國家聯手操控,大陸工廠一面平賣、賤賣貨品去「開拓市場」,透過大平賣奪取國際市場,同時間卻以貴得不合理的價錢畀予國內的人民;外匯的當然大部份都進了「貪官商」的袋,而國內的高物價,由於人民沒有選擇不得不買,於是就填補了「賤賣」的差價,變成中國經濟增長的「動力」,這就是國家領導人「拉內需」的真正秘密。

近年大陸物價瘋狂暴升,大陸人紛紛來港掃貨購物,表面上是因為人民幣的匯率問題,其實真正的原因就是其通貨膨脹是人為的,就是一方面補貼了傾銷外國的成本,另一面把人民近年賺去的血汗工資,透過高物價、再加上高樓價,令大家多年「小康」所得全面嘔出來,是名符其實的「殺豬計劃」--先養肥,再殺掉。

2. 人換人,樓換樓的清洗計劃
由於大陸的經濟只是這種「殺雞取卵」、「殺豬自肥」的最後一搏,一切權力核心的太子黨都對這個經濟泡沫遲早爆破早有共識,因此近年他們最重視的事情,就是資產轉移--把賺取的外匯,淘空的國企資產,還有透過上市賣股,騙傻仔買他們的公司與股票,然後錢就全部移出國外--香港正如法國總統薩爾科齊 (Sarközy)所說,是國際洗錢天堂,大陸官商一方面透過香港轉移去外國,一方面也買重保險,把這些瘋狂的金錢留一部份(甚至一大部份)在香港,為甚麼呢?由於外國的政治不是由自己控制,他們害怕有朝一日被清算,因此留在控制得到,而且是洗錢天堂的香港,作為大陸官商的金庫,這就是最安全的做法了。

香港既然作為大陸官商的金庫,他們當然要確保金庫的安全,因此他們千方百計禁止港人民主,原因就是害怕民主會令他們的金庫不穩定,甚至令黑錢及官商勾檔全面曝光;然而民主卻是無法阻擋的大勢,為了令香港即使在民主化後,都易於控制,最簡單的方法就是和香港的商人合作,以人換人,樓換樓,換大陸的順民來港,把「港人」以及「香港意識」消滅。

以高地價低人工的政策,盡力迫走香港的 80 後,最好全部返大陸工作及居住,為防止港人留低,加速這個「清洗」的過程,就是「政府收地規劃」、「重建改建」、以及「八成強拍」等幾招,原本法律保障的私有權益,就如大陸任意收地一樣,把人民辛苦供來的物業收回,高通脹加高樓價,令香港只適宜瑞銀黃震宇口中的「高增值人士」居住,是名符其實的「高增值宜居計劃」,至於原本香港的小市民,就屬於他口中的「低增值人士」,由沒有樓或樓被強拍的樓奴,再加上一些已退休的香港人,就全部迫走返大陸,來一個「種族清洗」,把香港人變成大陸人,那麼這樣的一個城市就有強力的撐大陸現象,即使民主普選他們也永遠佔上風了。

3. 融合規劃鵲巢鳩佔,消滅香港年輕人

看看特區政府這幾年的政策,就是為了全面配合這個計劃做準備,一大堆環保稅、強醫金以至銷售稅,就是為了「剝皮」,令港人居住在香港的成本大大增加;為了堆填區消滅郊野公園,以至把香港的郊野公園劃入《環珠江口宜居灣區建設重點行動計劃》,就是為了凌駕一國兩制及立法會,以大陸的一制強加於香港人身上。

不加本地大學學位,反把學位送給大陸學生;超過 44% 的新生嬰兒全為大陸人,這就是「被融合」、「被規劃」的大計;透過不斷針對、抹黑香港年輕一代,把香港年輕一代說成冇用,目的就是為大陸人大量入侵鋪路,讓大陸的年輕人取代香港的年輕人,上一代百年之後,香港就不會再是香港,變成一個「被清洗」,可以進行一國一制的大陸城市,即使將來大陸變天,這些大陸官商一家大細可以全體移民香港,借香港的歷史地位與國際地位,來保護他們家屬的將來。

這就「宜居」消滅港人重點行動計劃,大家準備好嗎?

伸延閱讀:
唐英年一億人毀滅香港計劃
2014 半山區沉沒

星期四, 2月 03, 2011

福佳賀年--行騙長官 2011 福佳賀年短片

二月四日東方日報:曾蔭權賀年短片遭惡搞
二月四日太陽報要聞:「行騙長官」賀年片寸爆煲呔
福佳賀年--行騙長官 2011 福佳賀年短片 http://plastichk.blogspot.com

以下是 2011 年每日一膠對行政長官對 2011 年新年賀辭的回應:

市民 A:曾特首,你好得閒冇野做呀?成日浪費公帑拍片,拍埋 D 垃圾,點解唔做好 D 施政呀?

市民 B:曾特首,王丹究竟犯左香港邊一條法律?點解佢唔可以o黎香港呀?老董都畀吾爾開希來香港啦?你真係衰過董建華!(吾爾開希於 2004 年被准來港參加梅豔芳的喪禮,他們結識於八九六四的黃雀行動)

市民 C:特首,我買唔到奶粉畀個仔呀,一日到黑顧全大陸,你有冇諗過香港人呀?

市民 D:特首,點解要強拆、強拍我層樓呀?點解股票私有化都要九成股權,樓反而只係需要八成呀?(公司條例 168 條,詳情見:林鄭月娥與地產商的拉人坐監搶樓大計)

市民 E:特首,點解大陸人坐的高鐵六百六十九億就行出,亞運五百幾億又行出,四川修路百幾億都肯出,但係解決塞車五億都唔肯出,菜園新村條路五百萬又唔肯出,究竟香港人o既錢,係香港人用,定係大陸人用o架?(2008 年11月29 日西隧大股東港通控股以5.5 億,購入39.5% 大老山隧道的股權)

曾特狗:祝大家兔年官商勾結,車毀人亡!

(曾特狗被眾人圍摳,X 鐵工人最後使出特區保安員柔道絕技--浮腰,然後眾人把特狗送進垃圾桶中)

製作名單
導演:林忌
攝影、剪接:Tsang Chi Hung
演員:FMTP仝人

想曾蔭權早日收工?記得 forward 條片出去畀朋友呀!

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀