支持及訂閱請按 Like

星期二, 2月 26, 2013

無知的張翠容

張翠容寫了一篇評論,先用一位廿二歲小朋友唔識反駁佢就話人地歷史無知,再因為「愛港力」個名有「愛港」二字就把這個組織的所作所為源自於「愛港」,今次我用「倒駁式」,由文章最尾倒轉駁番去頭,現駁斥如下:


張:『有趣的是,兩派都有新冒升組織,均以愛香港為由出發,因愛香港而否定中國人,又或因愛香港而肯定中國的一切。結果可能一樣是愛你變成害你,一切皆源於「無知」。 』
林忌駁: 愛港力「以愛港為名」,你就當佢係「均以愛香港為由出發,因愛香港而否定中國人,又或因愛香港而肯定中國的一切」;你冇野呀?「民主建港聯盟」又係唔係因 為「為民主」而肯定中國的一切?「朝鮮民主主義人民共和國」又係唔係因為「民主主義」而肯定金日成金正日金正恩等金將軍的一切?望文生義把兩個完全相反的 組織,兩班相反的人拉埋一切,唔係無知,就係無恥。

張:『他不甘心,指香港殖民時代比現在好。我計算他的歲數,香港九七回歸時他才五歲。我問他,從出生到五歲之間,他有那方面美好的直接殖民記憶?他答不出來,轉而問我:「既然英國無法擁有香港,那麼,香港也不一定要回歸中國大陸,為何不可回歸給台灣?」

我為之語塞。在吃飯期間,我沒時間把有關歷史講一遍,或許,我們甚至可以挑戰歷史,但討論至少需要有個基礎。不過,這名學生連最基本的歷史認知也沒有,真不知從何說起。怪就怪香港的教育,其實這兩天我已講及歷史教育的重要,可是不要與國教混為一談啊! 』

林忌駁:自己為之語塞無言以對,就話自己冇時間把歷史講一次?原來答一條咁簡單的問題,要講幾多分鐘歷史呢?你熟歷史又點會答唔到?唔識答歷史,就話人地無知,其實最無知果位就係張小姐你啦,請問呢位學生點樣冇歷史的認知呀?你而家都冇時間講一次,卻有時間出來寫膠文?

張:『這名學生明顯不想再與我談了,然後把頭別過另一方向,在另一人耳邊低聲問:「張小姐是不是親中的?」
我的天!他是當今典型香港的黑白二元思維,內地憤青就是這樣產生的,而香港式的憤青也在形成中。』

林忌駁:自己唔熟歷史又冇邏輯答唔到人地問題,就話人地「非黑即白」,仲在背後 中傷人地做「憤青」--你唔係親中,邊個係呀?點解香港一定要畀中共統治?乜歷史有必然的嗎?蘇格蘭同英格蘭統一了四百幾年都可以統獨公投,點解香港人冇 權咁做?希望香港「回歸英國」你就一口咬定係「殖民主義」?請問香港獨立加盟英聯邦奉英女皇為虛君又係唔係殖民主義呀?搞緊殖民主義果個叫做中共,佢在新 疆、西藏、內蒙古以至香港、澳門,都係正在搞緊殖民主義,唔識歷史就返去重讀啦無知!

張:『某次,在北京的年輕人飯局中,碰上一位香港交換生,他唸傳播主修電影,大學二年級學生,看來才剛二十歲,湊巧坐在我身旁。
他輕聲問我:「張小姐,我們香港是否有可能再回到英國殖民時代?」我回他說,在廿一世紀,「殖民主義」一詞已是很落伍了,怎麼你這年輕人可以發出一個如此落伍的問題?』

林忌駁: 人地學生哥好聲好氣問你問題,你唔識答人就話人地「落伍」?而家香港周街都討論緊呢個問題,你留番在北京「潮爆」啦落伍!在廿一世紀,種族主義、國族主義、民族主義、血濃於水全部都「落 伍」啦,全地球已發展地區都係民主自由國家,係北京同埋佢堆牛鬼蛇神國家係度搞緊專制獨裁,你有可以親中(強制香港一定要「回歸」中國),你可以親共(不 容香港回歸中華民國),但唔可以自己既親中又親共卻不容他人指出事實,更連最基本公民自決權利都唔尊重,就真係無知之極啦!

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀