支持及訂閱請按 Like

星期二, 11月 27, 2012

獨家:十一年前梁振英的行為有如今日老翻

開心大發現獨家猛料!梁振英所作所為尤如 11 年前翻版!早在 2001 年,梁振英被踢爆僭建花園長廊之後,原來仲收埋另一個僭建物,要當年的東方日報踢爆,再死死氣修復..

今年的事對梁振英來講,唔單止唔係第一次,仲係第 N 次僭建,而且次次都係扮唔知,扮唔識,扮因屋宇署「圖則咁啱攞去製作微型菲林」所以索取唔到圖所以拆唔到喎,咩垃圾藉口都搵哂出來!

2001 年 1 月 20 日東方日報:「本報早前先後兩次披露梁振英位於赤柱東堤灣道三十九號C1 單位有僭建問題存在。梁振英首次回應本報查詢僭建花園長廊時,只稱十多年前購入單位時花園長廊已存在,但當時梁並沒有主動提及室內也有僭建。

事件報道後,本報再接獲舉報,指梁的舊居除了僭建長廊外,最嚴重的僭建物在室內,是挖山而成,本報當時亦再傳真提問及電話聯絡梁振英,但一直未獲回覆。

今次事件揭發身為測量師的梁振英的居所一直存在兩個僭建部分,部分違規僭建更存在十多年,但梁振英直至九八年計畫遷出上址才向屋宇署索取圖則清拆僭建物,但卻因屋宇署「圖則咁啱攞去製作微型菲林」,未能提供。直至本報揭發僭建事件後,梁振英才聘請認可人士監督及進行修復工程。」

2000 年 12 月 26 日東方日報:『本報接獲的舉報指出,僭建長廊是梁振英在十多年前親自設計修飾,並非如梁所說是購入單位時已存在,當中有人在撒謊。僭建物的興建從沒經過正式的申請,梁要拆除僭建物完全沒有難度,根本不存在梁所說的要去屋宇署找建築圖則才能拆僭建物的問題。至於最嚴重的僭建物在室內,是挖山而成。

屋宇署並無遺失圖則

梁振英早前表示九八年計畫遷出上址,曾多次向屋宇署索取圖則,只是屋宇署遺失圖則以致未能將僭建物清拆,屋宇署署長梁展文其後則稱「圖則咁啱攞去製作微型菲林」。本報記者於本月八日向屋宇署申請圖則,本周三正式取得影印本,證明圖則並未有遺失。』

壹週刊 是非圈 2001-01-04 :
「振英哥又有僭建 麻煩屋放盤難

振英哥赤柱豪宅上次被揭發有僭建物,當時振英哥話搬入去時室外已有僭建物,但幾十年都搵唔到圖則,所以冇清拆。最近齊百通又收到風,原來佢間屋最重要僭建物在室內,是挖山而建。 齊百通問過屋宇署長梁展文,梁署長上任時曾講過要嚴厲打擊樓宇僭建,佢證實振英哥豪宅室內的而且確又有僭建,而振英哥已搵合資格人士去處理。 看來這間麻煩屋已經曝光,要繼續放盤都好難。」

2001 年東方報導之前一日的政府新聞公告!扮冇事?原來又係假野!

我第一次處理賊贓,認為該賊贓價值較低,唔知道要報警
我第一次面對裸女,認為該裸女樣子較醜,唔知道要問佢同意先可以性交
我第一次報稅,認為自己收入較少,唔知道要誠實申報先可以免罪
我第一次用刀,認為把刀好鈍,唔知道一插落人心臟就會死人...

梁振英:「自己第一次處理僭建,認為該工程規模較小,唔知道要通知屋宇署」

屋宇署傳媒問左你 N 次啦,傳媒報左出來,話果度有僭建,屋宇署你去查見到牆身位置不符又唔同,你居然唔答傳媒問題,配合梁振英講大話,由佢繼續講「該空間不存在」?問你五個月都唔答?梁振英一世唔答你又一世唔查呀?

2001 年 2 月 7 日經濟日報:
「C.Y. 梁於去年底遷出赤柱舊居,但早前被報章報道舊居僭建,C.Y. 已著手進行清拆。據悉 C.Y. 舊居原先為一個 2,000 多平方呎的分層單位,最終於挖空地庫下,地庫樓面多達 4,000 幾平方呎,並且建有私家通道通往海邊平台,變身成海邊「複式」單位。」

以為強國處女膜有假野賣,點知做到香港特首都有僭建假處女膜賣,十一年前拆過又識得搵認可人士申請通報屋宇署,梁振英一定唔會講大話,一定係得到腦退化症,因此強烈基於健康理由,梁振英好似董建華一樣,立即辭職! 

十一年前果次係咁,十一年後今日又係咁,次次都扮唔知,唔清楚,要了解,僭建完一間屋又僭建第二間屋,畀人發現一處就拆一次,次次都唔清唔楚,賴得就賴,你當我地傻的?十一年前呃過一模一樣,今日又再呃多次??

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀