梁振英係 GP Surveyor，咩叫 GP Surveyor？全名係 General Practice Surveyor！只係中文譯得衰，咩「產業測量師」，用英文解，即係「一般執業測量師」－－意思即係好似「普通科」醫生（General Practitioner），所有一般基本野一定要識咁解...成班傳媒冇人隊呢點，冇野呀？普通科醫生話自己唔識睇感冒，話要搵耳鼻喉先識得唔得？你班記者聽到會唔會冇反應？
引述一位在我度留言的 GP Surveyor 的說話：
「作為一個GP surveyor, 首先我要說的是, 所謂GP 其實是指 General Practice, 你亦可以想像為一種對各類型測量師的知識都需要知道的一種測量師。」
「我想說，如果這是事實的話，那各測量師學會可能需要重新制定考取GP專業資格牌照的時候考官所發問的問題指引了...事關違規建築物可是常常有被問到的事情.... 」
「再者, 估價的時候難道不需要考慮到違規建築物嗎? site inspection時不可能看到違規建築常看不到吧? valuation report 中也需要標明有考慮到違規建築物吧...? 如果說梁振英覺得GP surveyor 不需要具備違規建築物的知識, 那簡直是對這個行業的一大諷刺。」
一年前大大聲話係建築師嚴迅奇設計，絕無僭建，又話游泳池已入則，今日就扮哂乜都唔知，又自稱非「一手業主」？一年前你識睇泳池入左則，今日就唔知咩叫入則？你選擇性失智定選擇性失明呀？嚴迅奇僭建畀你呀？
* 嚴迅奇建築師乃西九文化區第2階段概念規劃其中之參與公司許李嚴建築師事務有限公司執行董事
同西九門有咩關係就未知啦...
發表文章
