支持及訂閱請按 Like

星期三, 12月 28, 2011

香港年輕人的出路

香港年輕人的出路(轉載加改編續寫)

住屋篇:
年輕人 : 我要買樓 !
政府: 「新一代太急進買樓,不應以買樓為人生目標」
年輕人 : 我要公屋 !
政府 : 「有能力的大學生或年輕人不應霸佔公屋或以申請公屋為人生目標」
年輕人 : 我要居屋 !
政府 : 「居屋的歷史任務已經完成」
年輕人 : 我要夾屋 !
政府 : 「夾屋破壞房地產市場供求」
年輕人:咁我住舊樓住啦
政府:「舊樓日久失修,為改善舊樓質素,政府通過把強拍門檻由九成調低到八成」
年輕人:我死都唔搬
政府:「冇證據顯示縱火案和收購舊樓有關」
年輕人:住唔起樓,我住劏房啦..
政府:「點解你唔申請公屋?」
年輕人:申請唔到,我都係住劏房啦
政府:「劏房違反消防條例,市民應奉公守法」
年輕人:劏房唔得,我住迷李倉得唔得?
政府:「迷李倉不准居住,勿違反建築物條例」

教育篇:
年輕人:我要讀英文中學
政府:「母語教學好,中學轉用母語」
年輕人:母語咁好,我要繼續用母語
政府:「大學保持英文教學,中學微調行番英文」
年輕人:我要學好中文
政府:「特區政府加大力度抓緊普通話教育」
年輕人:我要讀大學
政府:「大學學位不足,請認受副學士」
年輕人:讀完副學士啦
政府:「大學取消銜接學位,雖然副學士認受性不足,但希望僱主承認」
年輕人:大學學位唔夠喎
政府:「大學應該加大力度國際化,廣泛讓大陸學生入讀」
年輕人:我想讀碩士
政府:「數據顯示,近六成研究院學生來自內地」
年輕人:我讀完碩士都失業喎
政府:「學生進修前應自行評估經濟基礎」
年輕人:讀完都賺唔番學費,唔讀啦....
政府:「年青人不求上進,缺乏理想」

工作篇
年輕人:我要打份好工 !
政府 : 「年青人不要心頭太高, 要捱得苦, 累積經驗最重要」
年輕人: 我要創業 !
政府: 「年青人不要好高騖遠,要腳踏實地」
年輕人:咁我做小販算 ...
政府: 「香港市容整潔很重要,攤檔容易引起火災,要加強票控小販」
年輕人:咁我去掃街囉 ...
政府: 「新移民就業問題應優先解決,為幫助中小企應引入外勞,勿與低增值人士搶飯碗」
年輕人:咁我讀唔成書,可以點?
政府:「行行出狀元,年輕人應檢討為何自己不能成為李嘉誠」
年輕人:行行出狀元呀?咁我炒 iPhone 算啦
政府:「年輕人心存僥倖急功近利,應把目光放遠」
年輕人:炒 iPhone 唔得,咁買股票得啦掛?
政府:「買賣可升可跌,投資涉及風險,詳情請查詢理財顧問,才作決定」
年輕人:咁我乜都唔買得唔得?
政府:「根據強積金條例,所有在職人士都必須強制投資強積金,有關詳情請向你的強積金經紀查詢」

傳宗接代篇
年輕人:我要買樓生仔
政府:「年輕人不應期待買樓是必然」
年輕人:冇地方住,唔結婚生仔啦
政府:「不孝有三,無後為大,年輕人生育率低,導致人口老化」
年輕人:人口老化又點?
政府:「人口老化的情況下,無法負擔市民福利」
年輕人:人口老化可以點解決?
政府:「政府呼籲年輕人多生幾個,最少生三個」
年輕人:但醫院冇床位,懷孕七星期就冇位
政府:「根據基本法廿四條,大陸孕婦來港產子有居港權,勿歧視大陸孕婦」
年輕人:咁禁止佢地來得唔得?我地要修改基本法
政府:「長遠而言,內地孕婦可改善香港人口老化問題 」
年輕人:我地就冇得生,大陸人就來狂生,將來教育、學位、醫療點算?
政府:「應為祖國感到驕傲,內地各院校增加了港人學額,同大陸人交換地方讀書啦!同時政府正研究醫療融資,年輕人應為供款作準備」

結論:
年輕人 :乜都唔得,我去死算啦咁!!!!!
政府:「骨灰龕位 供不應求」

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀