支持及訂閱請按 Like

星期日, 1月 16, 2011

唐英年車毀人亡的故事

甚麼叫做車毀人亡呢?年輕一代的 80 後未必人人記得,90 後更未必聽過,這句說話,就是指中共前港澳辦主任陳佐洱在 1995 年尾對香港人的一句恐嚇,原文為:「照這個速度往前開,不用多少年,肯定會車毀人亡,而車上坐的正是六百多萬香港市民。」

尊貴的政務司司長唐英年,既然對 1994 年自己保證過的 2007/08 年 60 席直選議席忘記了,為何卻對一年後 1995 年陳佐洱的說話念念不忘呢?作為政務司司長,請問唐英年是無視「阿爺」陳佐洱的說話,還是故意提起這句說話?唐英年既然作為中共的走狗,可知道中共對每一句說話都非常留意,引用時要特別小心?

80 後的訴求有兩方面,第一係民主,第二係民生;民主問題,1994 年都說 0708 應該有 60 席直選,為何今日 2011 都未兌現?請問十七年都去唔到目的地的車,坐來做乜?仲要坐多十幾年?

至於民生,香港經濟雖然衰左好多年,又好多錢亂洗亂 fing(大至高鐵 669 億,小至唐英年的維港巨星匯),香港的「福利開支」開左十幾年,車在人在,分別最大的就是司機;九七後的問題就係,無謂錢用得太多,有謂錢卻用得太少,簡單而言就係亂使錢!

港英政府就好似舒麥加等的一級方程式司機,就算開得快衝得快,都仲係安全之至,中共小農的陳佐洱坐在後座,哎呀覺得很危險,可是「輕車已過萬重山」;然後問題出來了?原因不是開得快,而是換了廢董,再換上縮骨權,前者係低能弱智,後者係一見勢色唔對,第一個跳車棄車,不顧而去的人渣。

問題不是速度快,而是司機廢而無能;香港呢架車交畀呢班廢人開,廢到大家都唔願意相信,於是個個都講:「慢成咁,收左錢呀?」

為何時時刻刻秒秒都提著官商勾結?原因就是香港這班弱智官員,其弱能的程度已經去到殘廢級別,蠢過豬、蠻過牛、加上公子哥兒輕佻,令大家相信只有兩個可能,一係佢收左錢,二係佢係低能。

唐英年對市民乜都賴官商勾結,其實應該感到萬幸--因為大家寧可相信佢地係收左錢,而唔願意相信佢地係弱智的。

把香港的司機位交畀唐膠年,就好似交畀果位昏迷的九巴司機一樣,係置全車香港人的身家性命而不顧。

對,結果只有一個,就是車毀人亡!

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀