支持及訂閱請按 Like

星期六, 8月 21, 2010

偷拍女性最私隱的部位都合法?

香港係一個荒謬至極的城市,真正需要關心的事永遠冇人做,冇意義的抽水行動,為了政治打壓對手,土共就大把人排隊爭住做。

回帶:「2006年8月22日,壹本便利》第761期刊登了Twins成員之一的鍾欣桐,在馬來西亞雲頂舉行演唱會期間,疑似於後台更衣的照片,照片中沒有暴露受害人的重要部分。該雜誌推出後,阿嬌大為激動,更哭成淚人。

影視及娛樂事務管理處收到2800多宗投訴...幾百個團體亦曾到壹傳媒辦公室外抗議,警方亦接受投訴,案件由重案組備案。 」

世風日下呀!道德淪亡呀!偷拍一張 Bra 邊的照片,要幾百個婦女團體出來投訴示威燒書,連警方都出動重案組來調查,巧威威呀!原來因為阿嬌係明星,所以即使佢只係在馬來西亞被偷拍,而不在香港的司法管轄範圍內被偷拍,都係全香港人絕不容忍的事情呀!

不如我地又再睇下最近一單案:
『【明報專訊】執業僅5年的年輕西醫,涉嫌於大圍私家診所診症時,以針孔攝影機偷拍女病人下體,並以檢查為名將手指插入女病人下體,警方更於其家中電腦內發現4張女性及小童陰部或胸部的照片。西醫被控非禮罪,昨於沙田法院提堂。

警方稍後到被告診所調查,結果發現一部針孔攝錄機,內有兩張相片,均為女性陰部,稍後女事主已認出照片中人是她。被告於診所向警方指病人同意拍照,但被捕帶返警署後即保持緘默。

警方稍後再在被告住所的電腦找到867張相片及20段影像,當中有4張相涉及女性及小童的胸部及陰部。醫學專家指出,將手指插入病人下體並不屬檢查步驟。』

用任何正常人的常理去睇,如果連在馬來西亞偷拍阿嬌的 Bra 邊,都可以帶來咁大反應,咁相信上述呢單婦科醫生的案件,偷拍幾十、幾百個婦女,成 867 相加 20 段影片再有 4 張可能涉及兒童色情物品的案件,冇理由可以冇事吧?現實呢?

現實就係婦科醫生只被控同案有關的非禮罪,而偷拍呢?點解律政司唔告佢呢?點解差人唔告佢呢?唔通差人同律政司又濫用選擇性執法,放生婦科醫生?

雖然香港警察用律政司都經常濫用選擇性執法,但今次同選擇性執法無關,而係由於「選擇性立法」;特區政府自從 97 年脫離英國的司法制度之後,雖然保留了殖民地的法律制度,但係為了政治理由,就不再追著英國人立法的腳步;英國在 2003 年立了 Sexual Offence Act 2003,當中有關偷拍的條文,大大保障了一般人免被「性愛偷拍」的權利,然而香港卻沒有引進這些法律,香港的婦女團體亦沒有要求引進這些法律,去保障香港女性的安全。

吓?咁點解新聞又成日報話婦女團體反偷拍?冇錯,香港的政黨同婦女團體反咩偷拍呢?就係反對偷拍名人,偷拍官員的狗仔隊偷拍啦;說起偷拍,佢地唔係諗起你同我等小市民的安全,而只係為了政治理由,去保護高官,保護明星;狗仔隊會偷拍誰?就係偷拍明星同名人,關一般小市民咩事呢?但係好奇怪,這些打著保護市民旗號的政黨同婦團,唔係要求政府立法保障小市民,卻只係要求政府立法保障明星同名人,點解呢?林忌真係好蠢,諗極都唔明呀!唔通佢地其實係
明星同名人的政黨同婦團,而唔係香港人的政黨同婦團?

更奇怪的係,原來偷拍女性最私隱的部位,都比唔上偷拍短褲或者內褲;唔通呢 D 團體開內褲公司?又唔通佢地同商場有仇?點解寧可要商場煮鶴焚琴,破壞玻璃建築物的美感改哂做不透光的玻璃,把所有男人當係變態佬,而對真正影響深遠的性行為偷拍,下體相偷拍不屑一顧呢? 

婦委要求《壹本便利》道歉 促政府針對法例不足作全面檢討--睇睇呢篇文,點解阿嬌在馬來西亞被偷拍 Bra 邊,要關工聯會婦女事務委員會事?阿嬌被壹仔偷拍 Bra 邊就人神共憤,陳巧文、薛凱琪被東方新地偷拍內衣底褲全相就冇哂影!而小市民被婦醫生偷拍下體?佢地去左邊呢?

目前香港有三條偷拍罪--刑事罪行條例 s160 的「遊蕩罪」、公安條例 s17b的「公眾地方內擾亂秩序行為」、普通法的「妨礙公眾體統罪」,都有一個前題要求--就係拍攝地方係公眾地方,2008 高院更有案例挑戰公安條例下公眾地方的定義,裁定夜總會的私人房間也裁定不屬公眾地方,而是私人的地方;在私人地方偷拍,今日的香港根本無罪可告。

好似今次呢單案例,即使警方在婦科醫生的私人診所內安裝針院鏡頭,搵到 867 張偷拍下體相,20 段影片,但係由於關了門的診所屬私人地方,因此三條罪名都冇法控告,變相放生鼓勵私人地方偷拍,我地的政府做過乜?我地的律政司做過乜?我地的婦女團體做過乜?我地的傳媒做過乜?

乜都冇......只有我呢個被中共封殺的博客出來,為了全港婦女的安全發聲......

香港唔係有百幾個婦女團體,例如民建聯婦女事務委員會咩?,叻到連商場、建築物有少少可能令短褲女性走光的地方,都要嘈怨巴閉搞咩全港十大走光景點;可是講到全港私人地方不設防,法律漏洞令所有女性如廁、換衫、進行私人行為都要極度驚慌的時候,提出呢個問題的唔係呢班大帝,而係每日一膠.荒謬的香港的林忌。

真係需要立法保護的,關乎小市民安全的永遠都冇人做;關乎明星名人的,就一班擦鞋仔搶住去做;關乎中共與打壓異見的,土共就排長龍,聯同親共傳媒全力去做。

因此阿嬌的 Bra 邊,比起 867 張小市民的婦女下體相更多人嘈;因此反對狗仔隊,比起保護全港女性更重要;因此民建聯的在商場十大走光景點,比起小市民赤裸裸的露下體更受傳媒關注。

這就是每日無限膠,荒謬到冇人信的香港。

伸延閱讀:
如果婦科醫生偷拍查小欣

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀