支持及訂閱請按 Like

星期日, 12月 20, 2009

天價買泥馬

蝴蝶邨裝天網防高空擲物
警重兵查鏹水彈案 疑 16樓掟下
2009年12月20日

【本報訊】本港接連發生擲鏹水案,未來兩星期聖誕節及除夕新年等大型人群活動將至。警務處處長鄧竟成昨強調,已訓示前線人員在人流密集的地區加強戒備,警方昨調重兵到前日發生鏹水彈案的屯門蝴蝶邨調查,初步相信鏹水彈由 16樓擲下。房屋署昨則派員到蝴蝶邨安裝俗稱「天網」的尼龍網以保障行人安全,並已花 200萬元增購 10台天眼加強監察。

一台天眼要廿萬,其實天眼係咩科技呢?點解要價值四十部電腦的價錢?十隻天眼果二百萬,買到四百部電腦,駁埋佢係唔係好似 SETI 果類的聯機系統咁,甚至可以模擬咩咩超級電腦去緝兇?

大家諗來諗去都諗唔到,究竟係咩人咁無聊同無良,日日走去掟鏹水彈;但政府的安裝天眼大行動,其實係唔係間接鼓勵左鏹水黨再掟多 D 呢?

請一位道友掟一次鏹水彈,畀五千銀一定有找;再畀埋兩萬銀安家費,真係成街都有人肯做;只要在一座公屋掟一、兩次,政府就洗兩百萬的工程費用,去裝天眼監察,仲未計天眼的長期維修、維護費用,你話呢筆錢最終有幾多呢?

如果你係賣老翻的黑社會,如果你係賣 K 仔的黑社會,你會選擇繼續賣老翻,定係搵人掟鏹水彈呢?不如搵道友掟鏹水彈,再轉行賣天眼畀政府仲好過賣老翻啦呵?

香港就係一個唔知價的社會,一大班唔知價的官員,用天價去造工程,用天價去買電腦,平時亂洗慣左--就正如用天價去起一條「高鐵」,製造全世界最貴的鐵路,呢班友既唔知米價,亦唔關心米價,見到係阿公的錢就亂洗。

左丁山的《反高鐵議論》:另一個論點係與其花 669億元興建高鐵,何不用諸於房屋、醫療、就業及社會福利。以此說反對任何公共建設都可以,譬如起新機場做乜吖,不如咁……起西九做乜吖,不如咁咁咁。起郵輪碼頭做乜吖,不如咁咁咁。在公共建設及公共財政上,應該辯論乃建設是否有社會回報( social return),政府是否可以負擔,如果改為辯論「基建 vs民生」,就係另一個議題,牽涉到意識型態,可以講多一年。

左丁山前輩,就算係李嘉誠咁有錢,一蚊一毫都會同你計,我地呢 d 升斗小市民洗錢,又點可以唔左計右計呀?建設是否有社會回報?你望下中環日日塞車塞成咁,作為關心香港經濟發展,見到港島塞成咁,基建--點解唔係起多條海底隧道呢?六百六十九億用來起條地底的鐵路,由西九龍掘到去深圳咁遠,點解唔用來在維港海底起多條港島北隧道,又或者在港島山內起多條隧道?

係囉,你要講基建嘛,香港島塞爆的問題緊要些,定係而家駁大陸的問題緊急些呢?大家都係基建,講對香港社會的回報效益,係一條駁大陸的「高鐵」高些,定係解決香港島塞到阿媽都唔認得的回報效益高些呢?

叫政府做乜,佢地都話冇錢;回購隧道佢地話冇錢,起新隧道佢地話冇錢,點解突然月幾十倍的錢,去駁大陸就有?大陸人來香港,係唔係唔來香港島呢?香港島而家塞成咁,作為「中環人」,點解對中環的塞車、塞路完全漠不關心呢?

呢個世界就係咁荒謬,一大班明知道理的人,卻埋沒良心去寫文,埋沒良心去講野,呢個係咩社會呢?就係一群出賣良知、出賣人格、出賣香港、出賣下一代的無恥之徒的社會。

這就是甚麼「八十後」,或第四代香港人咁憤怒的原因--搵錢係人都要搵,但點解今日班契弟搵得咁無良?點解今日班契弟侮辱埋我地的智慧呢?

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀