支持及訂閱請按 Like

星期三, 12月 09, 2009

硬膠紅藍綠之「呂豬偉」大戰「膠騰華」

弱智係乜野,傻仔係乜野,每個市民中目中都有唔同答案。但係有幾多人明白呂志偉有幾傻仔?身為香港市民,當然唔希望生個仔好似呂志偉一樣,但係最大的傻仔,又係唔係好似呂志偉一樣咁傻仔呢?香港的傻仔,應該仿效北極有企鵝果一套,定係好似呂豬偉呢一套呢?

正如大家唔係弱智,都知道弱智係乜東東;正如大家唔知道呂志偉有幾弱智,大家都知道弱智到好似呂智偉係唔好一樣,相同的,我地對民主的觀感不同,認識不同,但都知道民主是個好東西,這就是國家主席胡錦濤文膽俞可平的講法。偏偏,香港出了個呂豬志偉,字字豬雞,腦生大便,走完數又出來發音,仲成個傻仔咁問:「咩係民主」?唔識,返去查字典啦;唔知?望下全世界國家的民主,未知道咩叫民主囉!你估朝鮮人民民主主義共和國果隻?返去北韓啦!(上文摘錄自硬膠紅藍綠節目)

好奇怪,成日有人說大多數市民意願--咦?乜民調準o架咩?咁點解成日話多數人想要普選又唔畀呢?好啦,而家大家驚民調唔准,咁未公投囉,點解唔畀我地公投先?

呢班保皇建制議員,回歸初年都仲會做下騷,搞下咩民生,關心下咩社會,而家大家見到的事實,就係呢幾年班契弟連民生都唔搞;政府由上到下官商勾結,而家呢班土共係乜都唔理,乜都唔做;望望近日的新聞,佢地做過乜?民建聯最近一次反對政府議案係幾時的事呢?事實擺在眼前,保皇黨就係中國共產黨,永遠阿爺講乜,佢地就做乜,點解一條六百六十九億的廢鐵,有咁多市民反對,都冇一個保皇黨變節?點解擺到明係倒香港人的錢落海,都冇一個保皇黨的議員敢企出來反對?

當年新機場計劃,明明係香港人的需要,中共點樣對待我地?新機場計劃用左幾多回合談判,先可以落實動工?點解反過來今日,等如 2/3 個新機場的驚人天價,卻沒有半個保皇黨黨員,質疑佢貴到不合情理?

點解呢條廢鐵作為全世界最貴的鐵路段,作為全世界最不合理的鐵路段,我地都冇一個保皇黨立法會議員提出反對?點解成個新界的保皇黨立法會議員,冇一個反對新界冇站?

事實證明,呢班根本唔係人,佢地連做人最基本的「自由意志」都沒有,佢地由始至終,都係中國共產黨的扯線木偶,香港就來變成木偶港,從呢場勞民傷財衰過維港巨星匯的東亞運動會可以得知,今日連反對的傳媒都冇埋,今日連最基本--由主辦城市的特首去主持,用一聲廣東話去叫開始終的權利都冇埋。

如果係由劉延東主辦,如果係國普通話叫開始,返大陸搞啦,叫大陸畀錢搞啦,搵我地香港人的錢來做乜?

呢 d 專門呃香港人錢的人渣,真係數之不盡,再望望今日又一條人渣衝出來發音:
議員批評中電「賺到盡」 政府稱已把好關
2009-12-08HKT22:36

多名立法會議員批評,中電加電費是不理會市民生活困苦,仍要「賺到盡」,有議員認為政府監管不力。

環境局局長邱騰華強調,當局已做好把關工作,修訂電費加幅去到低水平。

把關?邱騰華你把咩關?把位姓關的妹妹,定係把好廁所門口果隻狗的關呀?衰左都用大陸人的詞語,你仲有冇當過自己係香港人呀?

望下你地自己 2008 年 1 月 8 號中國評論的文章啦:「特區政府昨日與港燈、中電簽署新的「管制計劃協議”,環境局局長邱騰華以“兩減一開放”來形容協議成果。

  《大公報》今天刊登社評說,“兩減”也者,一是“許可利潤”由百分之十三點五至十五減至百分之九點九九,另一是減低污染排放;“一開放”則是開放電力市場。

  應該承認,在此“兩減一開放”上,新協議比現行協議有進步。政府以專營權為“智珠”,在談判中堅持減電費和減排兩項原則,迫使兩電不得不有所讓步。但是,從社會整體利益角度看,兩電在“許可利潤”和減排上作出的承擔仍然不足,與企業社會責任及市民期望仍有一定距離。 」

連中國評論上年都寫:『看來,兩電新協議是否能如邱騰華局長所言,實現「兩減一開放」,現階段市民只能「立此存照,以觀後效」,作為特區政府,有責任督促兩電落實執行協議,電費應實現雙位數字的下調。 』兩減?減乜?從邱騰華今次的表現,就可以證明一件事--就係明明之前專營權在手,去同兩電談判,邱騰華可有拿過佢對付市民,例如強迫市民膠袋稅,強迫市民加咩費乜費的態度,去對付過電廠呢?點解邱騰華對令市民就咁手硬,偏偏對住電廠就咁手軟呢?

一年唔到,中電就話加費,「兩減一開放」?減條毛?放條毛?事實再次證明,邱騰華做呢份工,從來都唔係為市民著想,亦冇做到過任何佢應該盡的本份--電廠的廢氣,被綠色環保追殺佢;收市民的膠袋稅,從來冇交代點改善環保;邱騰華,你幾時得知中電本身就打算加價呢?閣下是否原本就明知中電加價,因此搞出慳電膽來「一石幾鳥」,又益特首親家,又畀機會、畀藉口中電加價,同時把加價的結果,說成是為環保,順便去脫逃,令自己唔需要負責任呢?

真奇怪呀,那些之前天天說香港要「拚經濟」,話要「關注民生」,又話咩做實事的政黨,而家乜 Q 都唔做,乜 Q 民生都唔理,除左成日望住領匯,想「工聯會」化領匯之外,乜野民生都唔理;六百六十九億掟落海,唔理;本地生冇得讀大學,唔理;電費不合理加,唔理;隧道加價,政府話冇錢回購,唔理。

如果有一絲良心為香港做事的,選用替代方案,慳番三百億,去搞教育,去回購隧道,去建新隧道改善塞車,大把野政府話冇錢做的,全部都可以做得到--點解我地呢班保皇黨,而家日日空喊咩「向前進一步」的膠話,乜野民生都唔做呢?點解我地咁多年青人要求廢除廢鐵,佢地充耳不聞呢?

沒有民主,沒有民生,呢班廢柴、垃圾與人渣,就係鐵證!



「豬」數一刀清之 呂智偉再次扭曲歷史

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀