支持及訂閱請按 Like

星期日, 11月 22, 2009

唐英年的和諧迷魂黑廂車

唐英年:「各位,民主號列車前往17/20終點站的綠燈已經亮起,擺在我們眼前的挑戰是列車是否可以在2012重新啟動。希望各位乘客盡快上車,而不是繼續站在月台上唇槍舌劍,甚至拆去2012的路軌。」

在巴黎坐過 RER 的朋友應當明白得很,有些列車雖然寫明之目的地係一樣,可是需時卻可以差天共地;舉例說,例如由巴黎市中心去凡爾賽宮的 RER 火車,有些係向西出發,有些卻是向東出發,經過的地方完全不同,需時更可以差幾倍;凡在巴黎上過當的人就知道,坐車最緊要不是只看目的地,而是要看路線圖--知道需時幾耐,何時可以確定到達目的地,會唔會無端端停車,甚至出現個查票員,話你張飛能夠坐到呢個站,要掟你落車等等,這些都是必須知道的事情。

在巴黎開車有一個優點,大部份的路口都由迴旋處組成,冇錯,要走出迴旋處係有一定的難度,而且有時看來去仲好危險,可是永遠唔怕行錯路,轉多幾個圈,睇清楚邊個路口先出去,一定唔會去錯地方也。

反之,在香港開過車的朋友都知道,有些路不可亂行,因為入錯線,就會送左你去冇雷公咁遠,要返轉頭幾乎不可能,因此寧可停落來望清楚個地圖,確定會去到終點先繼續上路。有時政府更會專做埋一些誤導司機的路牌,表面終點一樣,實際根本不是一回事,反而帶你行更遠的路,甚至永遠無法達到目的地。

政府目前的假政改,就是這樣的一回事;一個連幾時到達終點都唔知道,甚至連「有冇終點」都唔知道的一班車,叫你唔好諗,只要信,昆你上車先算;就好似寶藥黨咁,不停呃你信佢,上左車都唔知運你去邊,搵鬼信呢?

係囉,明明由 1997 年到 2004 年,架車都係「循序漸進」,都係不斷增加直選議席的比例,是誰違反十幾廿年對香港人的承諾,走去拆左路軌呢?未就係中央囉。

tong是誰在 1994 年欺騙香港市民,因為 2007 年香港人就可以有 60 席的直選,因此在 1994 年投票反對彭定康的方案?同時投票否決六十席直選方案?就是今日這位政務司司長的唐英年;佢就和今日結婚的人渣曾鈺成係詐騙集團的「夢幻組合」,聯手呃香港人 2007 年有普選,曾鈺成則更不堪,於 1995 年的直選欺騙香港人,說如果佢輸了直選,就唔會做 1997 年的臨立會議員,結果輸左兩年就食言,講過的事情可以完全唔算數,信佢一成,就雙目失明啦。

由唐英年、曾鈺成以至中共的詐騙集團,已經呃左香港人十幾廿年,次次都唔找數;2004 年就無理否決 0708 雙普選;2007 年就無理否決 2012 年雙普選;咁 2012 又會唔會否決埋 2017 的特首普選呢?唐英年同曾鈺成呢班呃慣香港人的契弟,今次連保證都唔敢做,咁你仲信唔信呢班專呃香港人,完全冇口齒,毫無誠信的騙子呢?

冇保證、冇合約,就冇保障;連有保證有合約定可以跳票,而家靠「信我啦」三個字就上當?香港人的智商係唔係全面倒退呢?定係香港而家成街都入哂中共呢個寶藥黨詐欺集團呢?

唐英年呢班車,絕對唔係民主號列車,而係和諧號高鐵,專門呃香港人畀錢上當;更過癮的,係今日人肉錄音機林瑞麟又出來發音,話泛民的補選公投,要用一億五千萬公帑喎。

政府話一億五千萬好多咩?先唔好講呢筆數有冇作大,亦唔好計送畀四川果一百二十億,又或者高鐵果六百三十億,又或者每年買貴東江水的廿幾、三十億啦,只係新增十個立法會議員,每年都要用多千八萬;由 2012 到 2020 年,就算當立法會議員的人工唔加,都已經一億五千萬;否決政府的政退方案,咁未賺番呢一億五千萬囉,投一個票之嘛,係唔係?

再唔係,舉行一個「要公投,定係副局七頭--七巨頭」的民意普查,查下市民對副局長同局長助理的滿意程度,唔夠一半滿意率,就全部炒哂佢--果度每年都幾千萬架,炒佢地幾年,就夠哂一億五千萬o架啦!

拿拿拿,咁都唔得就再退一萬步,市民幫你出左果一億五千萬啦好唔好?拿,如果香港市民籌到一億五千萬來搞公投,政府係唔係代民主派搞公投,而唔使議員辭職先;拿,如果政府夠環保,又唔使搞到咁多人參選,只係選係或者唔係的公投,咁未唔使用咁多錢囉,保證一億搞得掂。

就搵番七一上街的五十萬市民,每人科兩舊水就夠o架啦,拿林公公,如果我地籌旗籌夠一億五,政府係唔係代為舉辦公投先?你唔好走數呀又!

伸延閱讀:
Facebook Group: 一百個你會答「我的答案好簡單......係!」
1994 年的唐英年講過乜?
唐英年一億人毀滅香港計劃
天才特首熱門候選人,吹咩?

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀