支持及訂閱請按 Like

星期日, 5月 31, 2009

拒客之道在香港

高志活被拒入境 入境處:不符入境理由
2009-05-30 HKT 22:50
國殤之柱創作者丹麥雕塑家高志活被拒入境本港,到機場接機的民主黨主席何俊仁表示,入境處以高志活「不符合入境理由」拒絕他入境。

何俊仁表示,將與支聯會研究是否向法院提出司法覆核。

到機場打算接機的丹麥駐港總領事館副領事安德遜對事件感到失望,預計高志活將會乘搭晚上11 時許的航班離港。

由澳門拒絕香港人入境,到香港拒絕丹麥的藝術家入境,兩個特膠政府都一樣,成為了中共一模一樣的政治審查專制地區。

高志活唔係去大陸,而係來香港--這個所謂垃圾保證「五十年不變」,由變廢紙的中英聯合聲明到拒客入境特區。經過今次事件,旅發局其實應該執左佢,慳番所有公帑啦,使乜浪費金錢去海外宣傳香港旅遊?

今次高志活事先已經問清問楚香港政府,如果唔畀佢入境就無謂浪費人地機票,浪費人地青春,可是偉大的垃圾特區政府,就好似香港旅遊業界內的敗類一樣,專門連機票都要呃埋人地!人地事先問,故意唔答唔作表示,到高志活親身來到,就盤問人地五個鐘,再浪費埋丹麥副領使的時間、金錢同車錢油錢,去故意拒絕他人入境!好威風呀!好巴閉呀!特區政府上下官員都好 high 呀!中國可以說不!香港可以說不!鬼佬唔准入境!勁呀!報國恥呀!向帝國主義說不呀!之但係丹麥連殖民帝國都冇搞過,帝國主義亦冇份的和平小國,原來回報就係被中國欺凌,被小小彈丸之地的香港特區的狗官欺凌,被狗官背後的人渣中聯辦的垃圾敗類欺凌!香港好客之道?呸!

今時今日咁的服務態度,未唔怪得之搵劉德華出來宣傳廿世,都只係走去呃大陸客做水魚去搞零團費購物團;當連大陸十三億人都睇穿你班垃圾的面目之後,香港旅遊業界可以執粒,攤大手問政府拿錢啦,納稅人的錢就用來收埋良心啦,乜香港呢班人渣幾時道德退化到,連一個小小的藝術家,一個連對香港構成零威脅,唔會影響任何治安的藝術家都唔畀入境?

係囉,派來殺李柱銘的大陸殺手就可以公然入境;一個手無寸鐵的藝術家就唔畀入境,呢個就係偉大的香港成為中共殖民地之後的結果--五十年不變?呸!不如向海外宣傳,香港--國際殺手之都呀笨!

經網友提醒,任意出入的仲有在港打記者的津巴布韋總統一家!第三世界的獨裁者,派個家人來香港打人的刑事犯就可以入境,不如旅發局向海外的所有獨裁者宣傳:香港--國際罪犯之都!


當香港特別行政區和特區護照上面的五粒星都變成一樣,連歐洲人都以莫須有的名義禁止入境之時,就睇下特區護照幾時被歐盟取消免簽安排,睇下特護幾時變成和中共護照一模一樣的寸步難行的廢紙一張!

伸延閱讀:
香港仍是殖民地:津巴布韋總統夫人隨便出入香港打人免刑責

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀