「愛港愛台愛中國愛澳門」馮仁昭四圍超：成龍為奴才論狡辯
片段中成龍好似「動 L」上身，動作多多，一開始就講：「清者自清。」可能太緊張，之後「動 L」彈咗句「明者」，要旁人提示係「濁者自濁」，佢先講到落去，
仲話：「我做任何事情都是沒有目的，只是出自一個心──愛港、愛台、愛中國、愛澳門，因為我們都是中國人，所以不好的我也要去講。最近他們叫我出來解釋，我覺得這件事情根本不值得我談，有解釋的時間我還不如去幫人，做慈善，解釋是不必要的，這樣做反而會中了他們的計，所以我根本理都不理。」
希特拉做任何事都是沒有目的，亦只是出自一個心－愛德國、愛奧地利、愛日耳曼、愛大德意志，因為佢係大德國日耳曼人，所以「不好」的（例如殺猶太人）佢都要去講。
成龍最不知所謂的就係，明明自己講錯野，明明自己做錯了，卻死不悔改，死不認錯，就和當年的董建華一樣，錯，還要錯到底－－衰哂有錯都唔會認，連最基本的自我檢討的能力都沒有。那些以成龍冇乜讀過書為理由辯護的－－唔該，自此之後，連呢個理由都唔好再拿出來了，成龍示範了，他不只是因為冇讀過書而唔識野講錯野，而係明知講錯野都死不認錯、死不悔改，那些以「冇讀過書」為由而死撐者，就和葉劉當年侮辱麥當奴侍應、的士司機的行為一樣－－冇讀過書，就冇分辨是非的能力嗎？唔好再悔辱冇讀過書的人！
第一，中國電視機會爆炸這個比喻，就是錯得交關－－日本的電視機也大量中國製，你要講中國製造耐用性有問題，也不會用爆炸來比喻喇，每年有無數的中國電視機，有幾多會爆炸？就算壞，都唔會亂爆！成龍今日仲用緊 CRT 電視咩？乜今日的 LCD 電視都下下會亂爆咩？乜 LCDTV / Plasma 都只得日本牌子係好咩？韓國唔得咩？波蘭製的菲利普唔得咩？
第二，就正如成龍自己所講，中國製產品有問題，點解有咁規管都有問題？三鹿係成龍口中的小企業咩？成龍作假的最大漏洞就係，明明三鹿等奶粉，全部都係國家免檢，cctv 報導品質有保證的大企業（參見成龍去北韓有關三鹿的鏡頭），偏偏出左事之後，成龍可以把大化小，就和袁木把六四死難者的人數由多變少一樣，係欺騙市民！
第三，為何國家咁多監管都會出事？香港、台灣比起大陸「更自由」、成龍覺得好亂，咁大陸呢？哪個地方更亂？成龍你叫你個仔返大陸唔要保鑣夜晚出街，你敢唔敢？香港今時今日搞成咁，係因為你特區政府無能！港英時候邊會咁？成龍的意思，係唔係應該把香港回歸英國呢？東亞病夫論，就係成龍的論據－－中國人，就係全世界的病夫，只有用「非人」的待遇，才可以管治－－那麼請把中國變回殖民地吧，讓外國人去管，是否好得多？為何要損害人民利益去交畀共產黨貪污？
用成龍的謬論，我地鬧爆佢，都係因為太愛佢了！明冇？
忍夠了，送成龍去北韓 facebook group！
伸延閱讀：
崖上的成龍草泥馬去北韓
成龍自由爆炸論續集
文章
