三人曾在黃埔軍校爆 TATP 摸黑引爆 體驗威力 同行師生全不知
【本報訊】涉嫌藏有 TATP (三聚過氧丙酮)炸藥被捕的「三個玩炸藥的少年」是同班同學,亦是炸藥軍火迷,有人從內地互聯網站學懂製造 TATP 方法,去年 12 月底三人參加學校主辦的廣州黃埔軍校受訓營,有人便帶高爆炸性 TATP 炸藥成功越過中港關卡抵達軍營,更於深夜摸黑引爆,體驗 TATP 威力,同行 300 多名師生對死神就在隔籬懵然不知。前晚其中一人在觀塘再引爆 TATP 時玩出禍,才令這個炸藥三人組曝光齊齊被捕。
對於呢幾位年輕、好奇、炸藥的朋友,原本林忌都唔想抽水,但係睇下客觀事實,就明白以上幾點係絕對有關連。
1. 三人就讀的學校,是土共學校香島中學,六七年香港暴動,成街掟炸彈的時候,左仔鬥爭委員會成員名單上面,排第一就係後來得到特區政府頒贈大紫荊勳章的楊光,同一個名單上面排名四十一的李述龍,就是香島中學校長,名單上寫明香島中學的,還有排名十七的「香島中學學生」黃富榮。(當然,唔好忘記曾 x 成兄弟,今日曾德成仲代表緊「佛教」去台灣)
2. 他們參加由土共學校主辦的「廣洲黃埔軍校受訓營」,更成功爭取在軍營內引爆炸藥
3. 他們玩炸藥玩上癮,去到觀塘都仲玩炸藥
4. 最近民建聯的區議員,曾經成功爭取「進攻美國領使館」,唔知以上三人有冇參加過類似的活動呢?
一班傳媒唔敢報係土共經常搞的咩軍事訓練,攪出呢件事,卻把責任怪去互聯網,話網上好多野學,就可以學得到。圖書館唔多野學?乜化學原來有問題?咁使唔使取消埋化學科?
用傳媒責怪互聯網教壞人的標準,我們絕對可以說,就是因為特區政府畀大紫荊勳章楊光,教壞青少年,令土共學校的學生誤以為軍訓練好威威,製作炸彈好威威,以及進攻美國領使館就超威威,結果佢地就走去製造炸藥。
問下果位成日自稱代表教師發音的何漢權啦,對於當年香島中學參加暴動,對香島中學的學生,又會否帶來負面影響呢?政府仲唔取消楊光的大紫荊?香島中學仲繼續由土共主辦?
以迪迪尼案的標準,為何不控告民建聯及一眾土共團體?今次連炸彈都有人做埋出來,警方未查就肯定佢地唔會走去炸美國領使館?
以強制學生檢尿同檢毒的標準,點解我地的特區政府,唔去查哂成間香島中學,仲有幾多人收埋幾多爆炸品?佢地的老師同校長,又有冇份?當年的香島中學校長李述龍有份參加六七暴動,今日的又有冇?
一個政府不仁,自己搞出來的後遺症,就係做乜野都唔會再有人相信,做乜野都唔會再有人信服;如果特區政府冇頒大紫荊畀楊光,任何想抽你水,都永遠抽唔到;如果曾蔭權唔自己爆粗在先,唐英年自己講賤野在先,社民連爆粗,同情佢的人亦遠比起今日的少。
因為大家對這些無恥的事情,已經忍無可忍,這三位不幸的青少年人,就在誤入歧途的同時,亦背負了其學校的「原罪」,令其行為喪失了很多人的同情--而背後的兇手,就是楊光、董建華、特區政府、土共與中共呢班人渣。