支持及訂閱請按 Like

星期三, 3月 11, 2009

由雷曼到匯豐的真兇

我真係好想問下港交所同證監會做緊乜?

2008 年 11 月 1 日蘋果財經版
「正當投資者聚焦重磅股之際,U 盤時段內,原來最少有五隻二三線股靜靜起革命,被人肆意搶高最高達 65% 。最誇張的要數中外運,全日買賣疏落,該股下午 4 時報 1.02 元,較前日升2%,殊不知最後 10 分鐘,買盤突然湧現,叫價扯高至六成仍獲「有心人」捧場高追,結果以1.68元成交,10分鐘暴漲近65%,成交606萬股或1018萬元,佔全日總成交股數四成。其他股份如冠捷(903)、中保、海天(1882)及北控(392),亦出現類似「嘜高」情況。五隻異動股10分鐘內急升,涉及成交總額共4939萬元,最少的海天,更只要107萬元已可令股價搶高逾兩成。簡單而言,競價時段內買賣雙方可以「指定價」或「市價」輸入指令,最多配對價錢會成為收市價,原意是增加嘜價成本,從而減低造市機會;「可惜如果大戶左手交右手,就無所謂成本o既問題,嘜高嘜低後,翌日重返正常價高沽低買,即袋袋平安。散戶以為內有玄機,跟風隨時中伏收場」,一名歐資基金經理解釋。」

競價時段的咨詢文件,原來只得 23 份大戶的意見書,其中 21 份表示支持,而呢個「小圈子咨詢」之中,居然有四份係來自匯控及其子公司--分別係匯豐金融服務(亞洲)有限公司、香港上海匯豐銀行有限公司、匯豐投資管理(香港)有限公司,以及恆生證券有限公司。

仲有,偉大的美國雷曼兄弟!

好了,競價時段畀人質低到 $33 蚊,呢個制度原來係匯控有份「大出其力」而造成的,咁呢個結果,匯控使唔使自己承擔呢?匯控又點同自己的小股東交代呢?

如果匯控到供股日,再被大戶質低到廿八蚊樓下,你覺得匯控係唔係抵死呢?如果要玩死匯控股價,等匯控連股都供唔到,只要手持大量匯控股票,在競價時段創造一個最大筆的交易,理論上,質到匯控一蚊收市都唔係問題。

「收市競價交易時段是2007年經過廣泛諮詢公眾後獲市場大力支持而決定推行,當時大部分回應人士(23 名中
的21 名)包括16 名交易所參與者及香港證券經紀業協會均歡迎增設收市競價交易時段, 並提及多種可能出現的效益」

開心大發現! 2007 的咨詢,原來只得 23 份意見書,一份普通公眾人士的意見書都冇,絕大部份來自大行,咁就叫「廣泛諮詢公眾」?公眾?一個公眾都冇叫公眾?

港交所文件:「引入的收市競價交易機制必須公平、透明,且容易令市場人士明白
...
部分交易所參與者指出其客戶對香港引入收市競價交易機制非常支持,認為可以減低交易波幅。
...
回應者對隨機收市選擇的意見回應數目本文件中回應有
關問題的段落
贊成 5
中立 2
不贊成 3
沒有表示意見13」

睇到呢度真係想笑--問下小股民,有邊個答到你咩叫競價時段?問下佢點解大戶玩得,佢自己唔玩得?問下佢點解匯豐可以收市突然跌 11.5%?問下佢點解有股票可以收市突升 65%?

多數人係支持「隨機收市」,港交所就可以當冇事發生,咁你咨詢來做乜?第一份咨詢,一個公眾都冇,一個小股民都冇,去到萬聖節出事以後,再搞多份咨詢,而果份更搞笑,102 份有 62 分要求「暫停競價時段」,港交所就當大家唱歌,先把「個人投資者」,同「交易所參與者」分開,連交易所參與者都唔夠「細」,仲要分大家的「市場佔有率」,不如唔好問啦,問特首想點未算囉,擁有港交所最後決定的權的就係政府,問政府想點未得囉,使乜問投資者?

證監會負責審批港交所,審乜批乜?迷李債券的發明者就係證監會的人;今次「競價時段」的問題,證監會又做左乜?

當年明顯造市,「設定收市價」--證監會點罰呢?

「設定收市價 行為決不容忍
周 X 偉(男)承認指其就偉仕控股有限公司及民生國際有限公司股份的市場營造虛假或具誤導性的表象的控罪。周在2005 年5 月5 日至8 月26 日期間的其中28 個交易日收市時或接近收市時,發出偉仕股份的交易指示,導致周的交易指示價格在該28 天的其中26 天成為偉仕的收市價,而每次所做成的收市價均遠高於當時的市價。此外,周在2005 年8 月11 日至31 日的其中八個交易日中,亦利用類似的策發出民生股份的交易指示。周被判處罰款10,000 元及被命令須向證監會繳付調查費。

罰一萬蚊?你話有冇效呢?

高登有「硬膠三合一」,特區政策都有「硬膠三合一」--港交所、證監會、金管局,加埋就正正係硬膠三合一,佢地收咁多錢一年,搞左 d 乜?競價時段都可以搞成今日的田地,出左事唔係立即暫停,仲話系統要時間--時間?立即暫停未唔使時間囉!

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀