支持及訂閱請按 Like

星期一, 3月 09, 2009

驗尿就是力量

石丹理稱關心學生小學也可推強制驗毒
[07/03 星期六 10:37]

針對青少年濫藥的強制毒品測試計劃,政府將在第四季推出諮詢文件,禁毒常務委員會主席石丹理表示,如果將強制驗毒視為保健計劃,從關心學生角度出發,小學也可以納入強制驗毒範圍。他說,為吸引年青人參與禁毒活動,邀請歌星出席無可厚非,但選擇以歌星做禁毒活動代言人就要小心,因為一旦出事,禁毒教育就會崩潰。但他說,不反對日後再請歌星參與禁毒活動,因為不想標籤他們。

信義會北區青少年外展隊隊長盧寶星表示,現時北區平均每一個社工處理五十宗個案,當中一半是吸毒個案,希望政府增撥資源,以減輕前線社工工作量。

中國人那種家長式的管制觀念,真的永遠都不會反省,好似陰魂一樣永遠不散,閒來就出來反撲一下。

小學生吸毒問題嚴重,教而不善的結果就係剝奪佢地人權,要強制佢地驗毒;我真係唔明白,點解只係小學生,或者至多係中學生就要強制?如果強制係一件咁好的事,點解唔推而廣之,全香港都要強制?

強制小學生驗毒,政府唔認為會標籤佢地;只係「唔遨請」歌星宣傳,政府就認為係標籤佢地,這是甚麼邏輯?

係囉?點解要強制小學生驗毒呢?原因就係學生吸毒問題嚴重;反過來,歌星吸毒問題嚴唔嚴重?咁如果「唔遨請」係一種好嚴重的標籤,咁點解我地唔強制歌星驗毒呢?又或者,最起碼係要參加政府宣傳計劃的歌星,係唔係應該長期都強制驗毒呢?

歌星有人權,所以我地唔能夠強制佢地驗毒;但係小學生冇人權?點解我地要強制佢地驗毒?背後的答案就係,中國人心目中,青少人係「非人」,兒童係「非人」,學生係「非人」,非人者,用今日的講法即「唔係人」,所以離開校園,及十八歲以上者,就可以對「非人」指指點點,用關心你、對你好、保護你的名義,強制你一二三四五六七八九,而唔需要尊重你的人權。

最荒謬的係,濫藥無論對青少人定係成年人,後果都一樣;就等如成年人撞車,同青少年撞車,危險性係一樣,(雖然骨頭的保護弱左,但隨時因為體重輕衝力細而安全左添)單單係青少人發育未健全一個原因,就可以無限上綱,去強制剝奪人權嗎?

這種瘋狂的做法,就和驗尿勤--陳克勤在選舉時提出,要全港青少年入境時強制驗尿一樣不知所謂。點解只係青少年先要強制驗尿?係唔係因為青少年的人權唔值得關注?定係青少年的反抗能力特低,所以可以符合特區政府專門欺負弱勢者的政策?

話說回頭,近日淫照案大家已經忘記,或者避而不談的一點,就係當事人在拍攝時候,是否神智清醒?是否有吸食毒品呢?

一眾歌星被揭發吸毒,關楚耀、衛詩在東京被捕,只不過係再次證實在香港娛樂界傳聞而久的事情,並非空穴來風;我們看阿嬌在志雲飯局所說的,她和 Mani 曾在記者會前,每人服食半粒鎮靜劑--很奇怪,鎮靜劑不是醫生處方的嗎?她們隨行有醫生?有藥劑師?身上有醫生處方?為何可以隨手得到鎮靜劑?醫學界一向的宣傳,不是反對吃他人的藥嗎?為何會出現「一人半粒」的情形?唔通當食緊瑞士糖?

更奇怪的係,點解佢地會了解鎮靜劑的藥性呢?唔通佢地之前經常服食?林忌活左咁多年,都未食過鎮靜劑,當然從來都唔會在出現任何大場合時食鎮靜劑啦,乜鎮靜劑原來咁有效?可以隨時開記召之前進食?咁我地特首大人、高官面對全香港人之前,會唔會食鎮靜劑?

對青少年人來說,咦?連阿嬌都食鎮靜劑呀!巧叻叻呀,我地考試前好緊張,可唔可以食鎮靜劑?點解偶像 Twins 食得,我地就唔食得?

點解我地經常關注青少年的一眾團體,點解明光社之流,對有偶像公然宣傳食鎮靜劑,卻無動於衷,既唔會投訴,連聲都唔聲呢?乜佢地唔關心青少年服藥的問題嗎?真係好希望醫生網友如肥醫生,講解下鎮靜劑的藥性同藥效,以及潛在的副作用,令我地青少年人好好學習,點解唔應該亂食藥--或者濫藥

參考下我地偉大的特膠政府衛生署學生健康服務的網頁,在香港較常被濫用的藥物或物品,就包括了鎮靜劑,其中出名的,除了幾十年前已經好出名的藍精靈、十字架之外,仲有咩綠豆仔、羅氏五號、羅氏十號同白瓜子;我想問,這些醫生處方的藥物,點解好似隨街都可以拿得?隨街都可以和人分享?隨街都可以服食?有冇問過醫生的意見呢?

我相信,唔會有一個醫生,會講:「你地一人半粒分左佢啦」。

從以上的例子說明,香港娛樂界對使用藥物,真係比起我地一般小市民常見得到;連緊張都會食藥,去旅行又食大麻,咁佢地係唔係更加應該強制驗尿以及驗毒呢?

再另一方面,一個好合理的懷疑,從淫照的相片中看到,網上亦有不少相同的看法,就是有當事人的曈孔放大,疑似吸食毒品或濫藥。

另一個更驚人的推論,就係當事人之所以咁受歡迎,當同佢的財富,甚至因此可以成為「飯堂」有關;而這個假說,就是指為何有這麼多人居然「自願」影相拍片的真正原因,因為食左藥,拍左都唔知、唔理、唔關心。

而亦因為認左呢一點會一身蟻,因此好多人敢怒,亦不敢言。甚至有人懷疑,有些當事人根本從來都唔知被拍。

而這個假說的另一合理性,就係為何有人要拍片、影相留念的原因--因為有些機會,是要食左藥先有,所以要留為紀念,不時重溫。

最後一點,唔知驗尿勤又支唔支持全港歌星都應該強制驗尿呢?

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀