來亂的?!廈門拍賣公司標得圓明園獸首卻不付錢
在爭議中以高達12億台幣天價被賣出的圓明園鼠兔獸首,先前一度傳出買主是佳士得拍賣公司的高層主管,2日答案揭曉,是由一家廈門的拍賣公司購得。據了解,這家公司標購獸首的動機竟然純粹為了「鬧場」,他們甚至不打算支付得標的所有費用。
政協發言人指獸首拍賣事件教育了全世界人
2009-03-02 HKT 17:10
政協新聞發言人趙啟正說,政協委員很關心佳士得拍賣圓明園兩個獸首銅像的事件,內地人民反應亦很大。
趙啟正說,有政委員認為不能將佳士得強行拍賣獸首的事件,視為中國的失敗,拍賣事件已經教育了全世界人,包括法國本身人民。
WoW! 用查小欣的學生老師邏輯,以後仲成世界o既?中國人向世界示範了甚麼?就係叫雞唔畀錢!食左野唔畀錢,入去拍賣場唔畀錢,用查小欣的比喻,就係學生應承左做功課,唔交仲要大大串個老師,吹咩?我係唔識做,唔鍾意做呀,吹咩?
真的很神奇,每次香港人講到公民抗命,講到對抗惡法果時,一大堆民賤聯、愛國愛港的「中國人」,就出來大大聲,話咩搞亂香港,內地的律師唔係「最守法」o架咩?無論國家有咩苛法,佢地都照守如儀!咦?去到世界的舞台,居然有人參與拍賣競投之後唔畀錢?在香港咁做,都要拉要鎖啦,去到巴黎原來可以公然咁做,仲大大聲係教育世界人民,教育乜?原來一百五十年前的法國軍隊做左野蠻人,所以今日的中國人都要做野蠻人!WOW!
取消左拍賣,國寶就會回歸中國咩?你唔畀人賣,就代表可以收回國寶?好偉大呀!唔怪得中國人到今日都唔收番釣魚台,因為中國人只會用偉大的行為,去阻止轉手,卻沒有任何行為,去收回失土與失寶!拍爛手掌,到今日終於明白,點解我地要把釣魚台繼續留在小日本之手了,只要日本人唔拿出來拍賣,我地中國政府同廣大的愛國人士,係唔會有任何行動的!YEAH!
因此,為左洗脫以上的污名,我高度建議民建聯由香港立法做起,正如民建聯要阻止社民連在議會抗議就要修改議事規則嘛,要阻止他人擁有任何型式的「賊贓」,就立即廢除香港的衡平法 (Equity),立法廢除「逆權侵佔」,立法把所有法律的追訴期,延長至一百五十年!
仲有呀,大陸的刑法之中,追訴期最長的亦不過十五年,立即要延長十倍,增加到一百五十年去追訴吧!憤青與一眾「愛中國」的人,向世界示範了甚麼呢?上年跑聖火,要外國破壞法律,讓中國的護衛去「護聖火」;今次拍賣鼠首兔首,憤青就玩拍賣唔畀錢,來破壞外國的合約法!自己不守法就理所當然,人家不守法就大叫係賊!嘩!愛國就等如雙重標準呀!
快 d 問下陳克勤議員,對有人去破壞拍賣會有咩睇法啦!唔知佢支唔支持破壞法國的法律呢?社民連冇犯法在立法會抗議,佢地就大大聲話要守規則,咦?點解愛國人士去到外國,就唔守規則又唔守法律呢?
香樹輝今日講得好,話俄國擊沉中國船隻,到今日中共同憤青聲都唔敢出,家屬哭訴無門,為左兩個爛獸頭去挑戰法國?
Facebook Group:民建聯成功爭取
伸延閱讀:
圓明園歷史餘波
圓明園的一場歷史債
查小欣請切腹以謝香港人
民建聯成功爭取系列:
民建聯成功爭取破壞法律!
民建聯成功爭取狗噏合法化!
民建聯成功爭取進攻美國領使館
民建聯成功爭取李家收購香港電訊!
民建聯成功爭取領匯上市狂加租!