支持及訂閱請按 Like

星期二, 2月 03, 2009

掟鞋風度與大腳崛起

外交部對溫家寶遭擲鞋表強烈不滿 認為行徑卑劣
2009-02-03 HKT 16:16
外交部發言人姜瑜表示,對於國務院總理溫家寶在英國劍橋大學演講時被掟鞋,中方表達強烈不滿,認為是卑劣的行徑,而英方已表明會依法處理擲鞋的人。

總理溫家寶在英國劍橋大學演講時被掟鞋,外交部發言人姜瑜表示,中方對事件表示強烈不滿,英方已向中方深表歉意,並表示將對掟鞋的人依法處理。

姜瑜表示,溫家寶在演講過程中,有人極力干擾現場,破壞演講,遭現場師生強烈反對,該批滋事份子在一片斥責聲中被帶離現場,而這種卑劣行徑是不得人心,也阻擋不了中英兩國友好合作關係發展的勢頭。


經歷過上任美國總統小希殊畀人掟鞋之後,中華人民共和國的總理溫家寶也畀人掟鞋,其實沒有甚麼大不了嘛。

記得布殊被人連掟兩次鞋,那次鞋真的飛在布殊的面前,他幾廿歲人卻一一避開,避完仲笑笑口,仲識得拿起人地隻鞋話係 Nike 的 10 號,你睇下人地做得民主的美國總統,就係同你 d 獨裁政府唔同,即使被喻為係五十年來最差的美國總統,即使係咁乞人憎的性格,佢的即時反應,識得化大事為小事,化劍拔弩張為一伴笑話,呢 d 水平真係領先中國幾百年。

各位憤青,阿 Q 點看開些,中華人民共和國總理終於和美國總統同級,成為全球掟鞋人士的對象,不是證明了中共「大腳崛起」嗎?掟鞋又唔係掟炸彈,仲要掟得咁唔準,交畀英國方面處理未得囉,使唔使發表咩「強烈不滿」,話人地「行徑卑劣」呀?早排掟布殊,唔係成班憤青拍哂手好開心,大讚掟得好,唔少土共仲把掟鞋改圖貼在各大討論區,好開心o架喎,今次掟的唔係布殊而係自己,唔知佢地係唔係立即一百八十度掉轉槍頭,學外交部話人地「行徑卑劣」呢?講來講去,唔通掟美國總統係替天行道,掟中共總理就係行徑卑劣?恐怖份子炸美國、炸以色列,從來聽唔到有人鬧「行徑卑劣」,仲話人地入侵加沙唔o岩,今次畀人掟隻鞋,使唔使咁大反應呀?唔通要大叫「抵制英貨」嗎?

係囉,之前成班友改遊戲掟布殊,又冇人講話係要針對美國人;美國人民選的總統被掟,卻唔係針對美國人民;反過來唔知點解,一個獨裁冇選舉的總理被掟,有人就自稱代表中國人民,就話係中國人民受辱!真係諗極都唔明......

一時又話溫總係好人唔應該被掟,一時又話溫總係代表中國人被掟,咁點解掟佢的唔可以代表佢掟共產黨呢?話時話,除非支持台獨,否則台灣人民點樣承認溫家寶係「中國總理」呢?如果只係「中華人民共和國總理」,而唔係「中國總理」,又點樣代表海內外的「中國人民」呢?

鞋掟溫家寶:


鞋掟小布殊:


伸延閱讀:
用發展的眼光看老母
掟鞋風度與大腳崛起

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀