支持及訂閱請按 Like

星期二, 1月 27, 2009

香港下籤解讀(更新)

劉皇發為香港求得下籤
2009-01-27 HKT 09:17

圖為劉皇發為港人求得的下籤籤文(羅宇光攝)
鄉議局主席劉皇發在車公廟,為香港求得下籤。

籤文全文是「君不須防人不肖、眼前鬼卒皆為妖、秦王徒把長城築、禍去禍來因自招。

解籤師傅表示,籤文喻意香港會受外來因素影響,但他說香港地傑人靈,只要審慎樂觀面對,大家團結和氣,下半年各行業均會變得好景。

劉皇發說,籤文提示大家要注重社會和諧,便可度過難關。

解籤師傅今次真係應左特首果句狗噏,明明簽文就唔係咁解,可以解出一大堆唔相關的事來,咩「審慎樂觀面對,大家團結和氣,下半年各行業均會變得好景。」,大佬自己作o架?

「君不須防人不肖、眼前鬼卒皆為妖」呢句語氣真重,但真係好靈,為幫助已經唔再讀古文的讀者,簡單解一次,就係「王上,你唔使防邊個係小人或者衰人啦,因為你面前果班,個個都唔係人,而係鬼,隻隻都係妖怪」,簡單而言,就係我地眼前班高官,人人都係鬼卒,咩係陰鬼卒呢?就係專發死人財,轉搵死人著數的福佳,呢班陰險小人就係鬼卒啦,個個圍著權力核心,全部建議唔係為香港人做事,而只係為左自己的私利來搞事,呢班契弟高官,車公今次顯靈,準到不得了。

「秦王徒把長城築、禍去禍來因自招」,就係解秦始皇同秦二世當年起長城與守長城,用意係防匈奴入侵,但長城未防到匈奴,卻因為建造長城一系列的苛政惡法,結果迫到陳勝吳廣戍邊誤時,被迫在大澤鄉「揭竿起義」,造成中國歷史上的第一次農民革命,正正切入今日的現象!班高官有正經野唔做,專做埋 d 不知所謂胡作非為的垃圾惡法,例如要建立「淫審長城」去審查互聯網,例如要建立「假環保長城」去強制人地停車熄匙,連搞條家暴條例都搞出個膠來,今日的政府做緊乜?未成班陰鬼卒係度抽水囉,呢 d 惡法真係一推行,絕對係幫政府倒米,認真官迫民反!呢 d 禍,來來去去都係自取自招的!

天下本無事,庸人自擾之--林忌續寫:「天下本無鬼,妖人齊倒米」,作為當奴馬房的邱騰華呢類鬼卒,就係要在香港的馬路上推出當代版陳勝吳廣,死唔放手就祝你特衰政府下台好運了!

記得上年年初笑談過推背圖,第四十一像講到了「九十九年成大錯,稱王只合在秦州」的老毛,今日特衰政府又抽中「秦王籤」,喻意倒米壽星的來源,配合埋今晚的國喪煙火,真係千萬唔好唔信邪。

大批市民維港兩岸觀賞賀歲煙花 一艘發放煙花躉船著火
2009-01-27 HKT 20:44
維港舉行賀歲煙花匯演,大批市民聚集在維港兩岸觀賞。其中一艘發放煙花的躉船在接近匯演結束時著火,並冒出濃煙,消防船迅速將火救熄,初步知道沒人受傷。


平日求簽與煙花,本來係風馬牛不相及的一件事,偏偏今年好搞唔搞,由「香港廣東各級政協委員聯誼會」走去搞「六十周年國喪煙花」,仲要係正「歌唱祖國」果一幕起火,曰:「烏雲蓋頂壓維港,甲子年華悼國喪,鬼卒妖魔盡猖狂,天火共孽齊興邦」

認真再諗諗,古人次次都係勸「君上,你要小心眼前的小人呀!」--今日籤文同你講,「君上,唔使小心小人啦,因為你眼前果 d 個個都唔係人,係鬼卒妖怪」,你話籤文夠衰未?你話籤文夠仆直未?仲想點衰法先?學老董果支籤呀?好似今次呢枝,仲衰過老董果枝喎!唔信大家可以逐枝睇睇,車公九十六簽之中,廿七呢枝簡直係「簽王」--衰簽之王!唔止係下簽,仲要係下下簽!

2003 年老董果枝 83 號簽:「掛帆順水上楊州 半途頗耐浪打頭 實力撐持難寸進 划槳下帆舟難走」,都只係講船冇力,要落船步行,有人下台,甚麼棄車保帥云云;今次呢枝簡直就係「簽王」,用來睇國家大事呢,就真係數一數二的衰簽;如果秦王係講當奴都事少,講北方果個秦王就事大囉;雖然簽文用的係「王」而唔係「皇」,但講的係秦始皇建長城的事,用以往一貫的「正統論」睇,當年的六國亡臣都唔承認秦國政權的正統性,只肯認佢係「秦王」,而唔係認佢係「皇帝」;去到秦二世嬴胡亥死左之後,嬴子嬰只敢稱秦王,而唔敢再稱皇帝(三世),對呢件事有咩啟示呢?我就唔講啦,大家自己慢慢諗了。

早兩日政府班趙高,走去「指狗為鬥」,學足秦朝的趙高指鹿為馬的衰野,今日車公大元帥又倒一支秦王的籤出來,仲要用「秦王徒把長城築」的歷史典故,暗示你係昏君秦二世要遇著陳勝吳廣「揭竿起義」,特首大人,你想做人定係做鬼?我地雖然對你冇期望,但都期望你仲有少少權果時,唔該唔好連最起碼的鑑賞能力都冇,搵埋哂 d 鬼卒幫你自己倒米好唔好?

劉皇發呢條鬼卒二五鬼一入行騙會議,立即就遇上車公顯靈,2003 年之後唔敢再搵政府官員(肥佬平)去求簽,諗住搵個新界人求簽算數,抽到衰野都可以賴;點知千算萬算,就係算漏左二五鬼會入行會,於是今日又係政府官方行騙會議成員身份去求簽,於是立即中頭獎!WOW!

林忌曰:「烏雲蓋頂壓維港,甲子年華悼國喪,鬼卒妖魔盡猖狂,天火共孽齊興邦」
(有讀者云:為了那些讀「通識」,實際上「通通都唔識」的受害人,林忌應該寫多一些解釋,所以加一些注釋)
注 1:喪者,讀桑音 (1 音)
注 2:一個「甲子」為六十年
注 3:鬼卒與妖魔,看今年劉皇發的車公第廿七枝簽
注 4:天火者,今日放煙花時,突然在「歌唱祖國」時起火的躉船
注 5:乎興邦者,某領導人曾說「多難興邦」也,所以多難,就興邦囉,點興法?問佢唔好問我
注 6:求簽事後,劉皇發仍然表示:「車公大元帥係好靈」,所以我地要小心云云,從此得知,劉皇發是誠心相信去求籤的,因此不會亦不應出古惑去求籤

伸延閱讀:
由武侯乩文到推背圖
曾蔭權三款狗噏電話鈴聲歡迎下載
囍帖街之狗噏篇
曾蔭權狗噏 mp3 歡迎下載

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀