以往這些親共候選人用內地黑工,早幾年都已經有,但近年有越來越離譜惡化的跡象;有見及此,高度建議各位支持泛民的朋友,在選舉前後不斷觀察那些建制派的工作人員,以及嘗試和他們交談;一旦有懷疑,本著守法的精神,我們應該第一時間向警方即場舉報,把這些懷疑使用黑工的人士與組織,以及懷疑內地粗暴干預香港事務的人士,全部當場踢爆。
還有一點,那些高過欄杆的旗海,影響駕駛人士的安全,因此也屬可以投訴的範圍,值得大家一追再追;個別候選人更經常偷入選舉禁區,網友記得留意多一點,亦投訴多一點。
最後,那些左派民調,就更加要小心回答了;記得每次都答:我支持民建聯!點解?大家不妨創作一番。
十個支持民賤聯的理由:
1. 蔡素玉太靚女,我一定要保住佢
2. 我想蔡素玉贏,因為排佢前面果位永遠都冇好結果
3. 因為馬力等緊曾鈺成
4. 我支持馬力--係呀,民建聯有位印巴籍的馬力,今年仲得到銅紫荊o架!
5. 我支持 William Hung,所以要投李慧琼一票!
6. 陳鑑林佢好迷人,佢對殺死人的眼神,令我聯想起....
7. 想皮膚好,就要選死太早
8. 我愛 Reginababy,我愛 ChoysoyukBaby,我愛 Hawaiibaby
9. 劉江華其實都係劉華,陳克勤其實姓李,我好鍾意聽佢地唱歌o架
10. 因為王國興先生先生反對吳三桂,我支持佢漢族獨立的理念
大家繼續創作吧!