以上短片,係原裝葉劉淑儀今次的選舉競選廣告,絕無添加,絕對有力和「藍田活塞男」爭奪全年最膠的銜頭;香港人,有冇病呀?雖然話立法會係垃圾會,都唔係選個咁o既膠人嘛?
最新消息:在一致劣評下,葉劉的 Youtube 戶口突然抽片!後來又補上 Version 2,有咩分別就唔知啦,大家好好研究下
發片人--就是葉劉一直在 Youtube 發片的戶口,絕非外人創作。
隨時大家手快有,手慢冇得睇o架啦
連明報都頂你唔順,轉載如下:
(明報)8月23日 星期六 05:10
【明報專訊】為咗喺奧運 熱潮中挽回選民嘅注意力,今屆立法會 候選人嘅宣傳招數千奇百怪,除咗民主黨 最拿手嘅跳海外,Emly近日收到參選港島區嘅葉劉淑儀 的一段rap歌,其「驚人」程度幾近爆燈,rap歌歌詞包括「想皮膚好,要選史泰祖」、高叫「everybody vote for 葉劉淑儀」及「everybody vote for reginababy」,尤其最後一句「reginababy」,真係令Emily及身旁一眾八卦嘅同事,紛紛大叫「毛管戙」。
唱肉麻rap歌自讚「有情義」
Emily聽講,呢首接近3分鐘嘅rap歌,由葉太一名學生支持者製作,表達方式狀似「農夫」嘅rap歌,但歌詞就真係比較肉麻,包括葉太「有情有義」,與她一齊追求「民主正義」等。歌詞當中亦有些比較市井嘅用語,好似叫年輕人不要只係識「挖鼻屎」,叫葉太「將無謂人砌低」等等。唔知港島區年輕選民受唔受呢一套呢?
Yo! Yo! Yo! Regina baby 決戰 Hawaii baby (夏蕙姨,某討論區人的傑作) ,香港地,除左用硬膠之外仲有咩可以形容?你話呢?
史上最 O 嘴的一套片,真係目定口呆;唔知 Reginababy, 有冇興趣搵埋 Hawaiibaby,再加上 Choysoyukbaby,組成一隊 Baby Freeze 呢?