邱騰華:希望未來一年將停車熄匙措施台
2008-07-14 HKT 09:40
環境局長邱騰華表示,未來一年,希望將「停車熄匙」措施出台,而未來幾個月諮詢業界,平衡公眾和業界意見,盡快將政策出台。
邱騰華說,年初就「停車熄匙」諮詢 18 區意見,獲得區議會和市民支持。但他明白,要落實執行,如在具體運作和交通安排等,可能會對業界造成不便,必定要與業界溝通,亦會汲取其他地方的實施經驗,希望尋求最易推出的方法,方便業界。但若反對聲音,只為申訴立場,公眾亦未必能接受。
預設立場,蠻幹到底,視而不見,聽而不聞,選擇數據,濫用支持,漠視反對,執行上來不理實際司機死活--呢個就係我地環境局長邱騰華。
正如邱騰華覺得職業司機等廿分鐘入氣係平常事,等十分鐘就應該普天同慶,叫的士司機為左慳十分鐘,就在搵食的繁忙時間去入氣一樣,佢繼續要漠視目前入氣塞車的情況,要再為目前的塞車情況加多一把勁,要排隊時都停車熄匙,而塞車的後果佢唔會負責--更塞車造成更多污染佢都唔會負責,因為你死你事,佢只要表面數據同表面成果,為左佢自己的飯碗同 profolio 就夠了。
因此膠袋稅條例加入「入屋搜查權」--唔知點解膠袋稅又同去私人住宅入屋搜查有關,加拿大的廿七度轄免佢就唔理,加拿大的三分鐘執法佢都唔理,一句話預設立場:「希望尋求最易推出的方法」--最易推出,最少反對,成效呢?後果呢?關乎市民生命死活,出發點應該係一個「最好」、「最合理」、「最有意義」的改革,而唔係無恥地講:「最少反對」的政策囉。
晉朝的百癡皇帝晉惠帝司馬衷,聽到災民冇飯吃,佢仲反問一句:「何不食肉糜?」
今日的無恥局長邱騰華,聽到職業司機排隊入氣,佢反問你一句:「為何唔改變入氣的習慣,改在油站的非繁忙時間去入氣?」--災民餓到飯都冇得食,邊有肉食?職業司機慘到為平少少去排平油,平常入油係「交更」--最少生意之時,仲反過來要佢地多生意時候入油入氣?冇野嘛局長?你估職業司機個個好似你咁做皇帝?
晉惠帝司馬衷反問完,身邊的大臣覺得佢係膠(白癡),冇走去認真成立《肉糜條例草案》,冇走去立法強制災民食肉糜。
環境局長邱騰華反問完,就下令身邊的官員去「每季度舉行的專用氣站營辦商和業界座談會」去「鼓勵石油氣車輛使用者在非繁忙時段加氣。」而又冇人敢質疑佢、反對佢、恥笑佢,證明特膠政府連晉朝的晉惠帝司馬衷都不如。
請記著呢位新葉劉--環境局長邱騰華,無恥事情肯定陸續有來。