主席譚耀宗板起口面回應何俊仁挖苦，死撐衫唔係橙色，係由奧運會指定供應商設色，叫猩紅色。黃定光亦向傳媒解釋，衫係副主席蔣麗芸深圳買，三百幾蚊一，絕對係正貨，即係並非 Ａ 貨咁話。「蔡菜子」蔡素玉更加上網查資料，話根據色辦，呢隻猩紅色號碼係 FF2400，法拉利一級方程式跑車都用呢隻顏色喎，總唔係橙色係喇。大家再望望在冇黃燈的日光下，呢張明報影的色水，同法拉利隻色係唔係一樣？紅就紅，橙就橙，色盲就色盲，可是民建聯一眾「趙高黨」，偏偏戒不脫指鹿為馬的行為，衰左仲要死撐，唔怪得發起政治示威要求政治退出奧運啦。
連東方日報都忍唔住恥笑：「不過，人算不如天算，民記弄巧反拙，咁尋日嫻姐同另一做過高官女議員 (東方冇開名，呢個係陳方安生）都鮮紅色衫，民記「撐奧衫」一拍埋去，即時無所遁形，「橙」不忍睹，被左中右政黨當笑柄。」
我來自色盲，大家記得，呢隻叫做紅色，所以各位朋友，明天穿橙衫上街時，記得 print 埋呢幾張圖，有維園阿伯質問你果時，你大大聲同佢講：「呢隻係紅色，民建聯都係咁著之嘛」，明冇？
最傷心的，係鬼火一到香港，第二日就發生自 2003 年 7 月以來，最嚴重的車禍，旅遊車車毀人亡，十八人死，四十四人傷，只希望這些天譴，不要發生在無辜的市民身上。
中國人，請看看上面那一段片，看看中國的留學生在南韓做了一些甚麼事；這些畫面在今日的香港電子媒體上，已經看不到了；這就是愛國中國人的所作所為，如果相反的事情發生在中國人身上，會有甚麼結果呢？
CNN 的辱華，就是說中國政府（人）五十年來都是暴徒；看了上面那段畫面，你會有甚麼感想？
文章
