支持及訂閱請按 Like

星期一, 12月 03, 2007

偽君子明報再次現形記

當選與否無關宏旨 葉太仍是贏家/文﹕李先知

李先知,知你幫葉劉啦,知你要為葉劉輸左粉飾啦,你打 JJ 時打 JJ,唔知中聯辦諸公睇完之後仲會唔會學你打得咁開心呢?

葉劉的得票,比起 2004 年民建聯加上范太都仲要少,鐵票效應加埋中聯辦咁樣全力幫你,都突破唔到十四萬的舊有票數,咁都叫贏?李先知不如由你負責代表民建聯同中聯辦,返去內地交待吧,我諗佢地一定好樂意送你一程。

大家認清呢份就係所謂「中立」的明報啦,從呢 d 評論質素來睇,有幾「中立」大家應該好清楚,但更清楚的就應該望望下面我列出的事情,等你更加清楚佢地有幾「中立」!

蘋果昨日出《號外》,明報立即在港聞版提及,說「一向旗幟鮮明支持陳方安生參選的《蘋果日報》,昨午出版「號外」,並以「陳太勢危」為頭條新聞的標題,公民黨更協助派發。」

對,蘋果支持陳太,正如東方太陽文匯大公等等等等旗幟鮮明支持葉劉一樣,都正如明報自己所講:「旗幟鮮明」。

同樣的,明報自己是甚麼呢?是一個旗幟鮮明支持葉劉,卻藏頭縮尾不敢認的福佳偽君子!

證據:
1. 由葉劉出選開始,不斷為葉劉作有利的民調
2 .明報世紀版,居然在葉劉宣佈參選之後,為葉劉作一整版的「葉劉回憶錄」,如非泛民抗議,更似有長期連載的意圖。
3. 明報在選舉日,以陳太「恤髮減壓」為大字標題,驚死大家唔記得陳太恤髮,用意和之前「小鷹號偏不來」、「李柱銘施壓」等如出一貫,以小動作攻擊泛民,目的是為葉劉拉票。
4. 當蘋果出直播之後,明報亦推出直播,全個下午的題目,全部都圍繞葉劉的選舉工程,直至晚上陳太明顯佔優,才改報陳太,福佳程度和廿三條完全沒有兩樣。

對,明報記者質疑《蘋果號外》要否計選舉經費,我完全支持--如果東方太陽文匯大公,以及自稱中立實際親共的明報與星島,全部都計選舉經費的話,我完全支持蘋果和他們一視同仁。

正如葉劉在最後原型畢露--傳媒偏幫?全部都偏幫哂你,得一千零一份肯幫陳太,邊個偏幫邊個呀?

讀到這一刻,如果你家仍訂明報,如果你會讀明報,唔該立即取消左佢,睇網上版得o架啦,慳番 D 錢幫下泛民啦,買我地本書幫下我地呢 d 「弱勢社群」啦!

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    9 個月前

最近文章

再次伸延閱讀