不久之後,身邊一家四口吃完晚飯,就在享用餐飲之時,其母親突然忍不住考下她的小兒子,問曰:「知唔知可可豆原產地o係邊度?」
小女兒大叫一聲:「我知!係瑞士!」
母親聽罷搖了搖頭。
小兒子大叫一聲:「錯呀!係巴西!」
母親也大叫一聲:「o岩啦!係巴西!!」
女兒問:「係巴西咩?」
母親增加了點聲浪說道:「係呀!係巴西呀!可可即係咖啡,係來自巴西o架!」
父親這時忍不住插口說:「邊係呀!咖啡邊係來自巴西!?咖啡係來自古巴o架!」
母親突然一掌拍在檯上說:「係喎!記錯左添,係古巴!!!大家都有個巴字,記錯左添」
這是另一檯的小朋友忍不住問阿爸:「乜咖啡唔係來自非洲的埃塞俄比亞咩?點解變左係古巴 ge?」
無奈的家長急急忙忙按著那小朋友的口,說:「一樣o即,一樣o即,古巴同埃塞俄比亞都冇所謂啦」
那邊的一對父母,被小兒子和小女兒疑惑的目光望著,那父親唯有使出壓箱底的地理知識,說:「古巴古時候,同埃塞俄比亞係鄰居;大家都係非洲的一份子,大家都出產咖啡o架!」
幸好那邊的了小朋友被緊緊的按著嘴巴,沒有亂說話;於是皆大歡喜,大家最終和平散去。
事後,那無奈的家長唯有重新解畫:「第一,古巴不在非洲,而在中美洲對開的加勒比海;第二,可可和咖啡是兩種不同的東西;第三,可可是來自南美洲的西班牙殖民地,或者來自瑪雅文明,而當時仍然未有現代的南美國家;第四,咖啡的確來自埃塞俄比亞,兒子你說對了!」
小朋友可憐兮兮的問:「點解我o岩你都要掩住我個口?」
無奈的家長回應:「阿仔,因為講真話會俾人打!」
唉...