支持及訂閱請按 Like

星期一, 3月 14, 2016

2蚊坐港鐵超低能勁搞笑


星期日HK01提出一個所謂$2坐全線港鐵的所謂「政策倡議」,聽完就覺得荒謬到不得了,因此林忌造了上圖,駁斥這是不知所謂。

然而,今日就收到朋友傳來載圖,看完之後真的想問,乜左膠好等錢使咩?反親HK01就前仆後繼出來人身攻擊?我批評HK01個弱智政策倡議又邊忽得罪你?要人身攻擊加屈我「發癲」?

笑位1.「如果要做,不是不可能」--原來香港今日仲係一個「正常」的社會,原來香港政府係日日為市民打算做善事,你瞓醒未?

笑位2.我幾時講過「不可能做」?我恥笑個政策係弱智咋;點解弱智?家下港鐵有好多空位等更多搭客呀?加下港鐵嫌塞唔爆呀?家下上水站每日衝入車廂果班咩人?日日塞爆東鐵果班咩人?呢兩年無數傳媒大鬧話每平方米要企六個人係癡線,話根據每平方米企四個人,就已經全部110%超出負荷,何況家下連老人優惠都拎來走私呀,你仲要程程都減到$2?做來幫咩人?學蘇錦樑講,等多幾班車啦癲佬!

笑位3.巴士公司同港鐵係善堂乎?係唔賺錢乎?係為公益乎?由政府補貼佢地大賺特賺都冇所謂,你究竟係左膠定係大商家的走狗?因為倒了196億落海,所以要補貼更多畀大公司賺?食錯藥定係收左錢?


笑位4.因為港鐵要在高鐵蝕大本補貼大陸人坐,所以要倡議香港人用公帑去補貼港鐵公司賺錢?有冇咁卑鄙呀?有,只係冇諗過左膠弱智到咁都唔明,被梁振英同親共傳媒利用,仲要幫佢數錢之餘,再人身攻擊抹黑踢爆的我

笑位5.你估補貼完$2一程可以吸引到開車入中環果班老闆車唔開車?你又食錯咩藥呢?簡單而言,你只要踢爆呢班「仇車膠」「仇車」,就會變成佢口中的「私家車膠」,明冇?

笑位6.這位左膠就係果班貪圖民建聯小恩小惠的人冇分別,為了你自己$2坐一程車,呼籲政府補貼?呼籲港鐵繼續可以劃地皮賺大錢,從地產收益去補貼車費?得,咪就係繼續起豪宅,然後引更多大陸有錢佬搬來香港,佢地人人開車,令私家車數字大增,幫大陸有錢佬趕絕香港的中產,然後仲話要感激政府補貼佢可以$2坐港鐵囉,有幾癡線?就係咁癡線
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    2 個月前

最近文章

再次伸延閱讀