對政府 spin 去「有好過冇」的問題,民主派必須簡單直接地回應,例如「有票 真係唔要?把握機會,實現北韓式普選」--1 號梁振英 / 2 號 李偲嫣 / 3 號周融 / 4 號陳淨心;香港市民,你要唔要投佢地一票?
甚麼是真,甚麼是假,一眾學者大談乜野「國際標準」,其實就係正中下懷──普通市民根本唔明白,甚麼叫做符合國際標準,只會在幾分之幾的提名比例,幾多人可以提名等等,變成泥漿摔角;訊息要非常簡單直接 1. 你想要北韓式的選舉嗎?2. 你想要金正恩一般的領袖嗎? 3. 要了假普選,就永遠不會有真普選 4. 你被「走數」呃了二、三十年啦,你仲要再信政府與中國共產黨的謊言嗎?
只怕「袋住先」的假普選,為梁振英之流偽造幾百萬人支持的假民意,到時特首就會有如當年用假選舉選出的希特拉,走上毀滅香港的議會,完成獨裁之路;到其時,香港人不但有「假普選」,隨時好似北韓人般連不去投票的自由都沒有,必須要去投金正恩,否則就會成為政府的眼中釘,死無葬身之地。
你以為靠嚇?你望下幾多人被老闆迫簽「反佔中」簽名?你望下連堂堂律師都被中資機構上門屈佢地簽授權書去支持梁粉律師會會長?連律師都可以被人脅迫,你以為自己到時可以例外?
小心騙子黨、寶藥黨,呢班人打算呃走香港人的真普選!