支持及訂閱請按 Like

星期日, 6月 24, 2012

三層樓變四層都係疏忽喎

大新聞呀!大新聞呀!終於證實香港特區原來係由一班弱智人士領導啦!點解?因為我地偉大的市建局主席張震遠宣佈,梁振英大宅僭建涉疏忽不涉及誠信喎!

住左一間屋十年,連應該係四層樓定三層樓都分唔清,明明買果時係三層,住入去原來有四層,梁振英都真誠相信冇問題,唔係僭建喎...

你信唔信呀?究竟係我地弱智,定係佢地當我地係弱智呀?

一定係集體撞鬼呀!兩個律師加一個建築師,再加上業主梁振英係測量師,太太係律師,連三層樓變四層樓都話唔知,都可以住十年,都可以對外聲稱話搵「專人驗過非僭建」,你信唔信呀?

梁振英自己對外講,話游泳池入左則佢又知喎,但原來上面份樓契的 Floor Plan,三層樓突然多出一層樓,你會唔知?你信唔信呀?

我地偉大的「香港電台」,仲可以明知有人講大話,都照樣幫人出「宣傳稿」,咩叫做新聞?下次梁振英話自己原來係外星人,或者係女人,或者話原來佢係胡錦濤或唐英年扮的,你地係唔係幫佢照出新聞稿呀?記者冇自己的判斷o架?

特區官台好威風呀!未查先判「不涉及誠信」,連證據都唔使提出就可以話「不涉及誠信」,總之梁振英就「不涉及誠信」啦!一年前話已經搵左兩個律師一個建築師去確認冇僭建,一年後就冇哂影唔知邊個檢查過喎,前言不對後語咁都不涉及誠信涉及乜野?

曾蔭權前言不對後語點解又唔係「不涉及誠信」呀?
唐英年前言不對後語點解又唔係「不涉及誠信」呀?
不如許仕仁又唔係「不涉及誠信」呀?

共產黨員大哂呀而家?

這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    4 週前

最近文章

再次伸延閱讀