支持及訂閱請按 Like

星期五, 3月 16, 2012

3.16 特首論壇賽後評論

3.16 特首論壇賽後評論

梁振英:「自由行係我向北京爭取的」
因此,雙非嬰、冇床位、冇奶粉、大小便、炒貴租、炒貴樓等等中港矛盾,都係梁振英成功爭取的!

唐英年指證梁振英的豐功偉蹟

1. 提出縮短商台的牌照,來打擊商台的言論自由
2. 在廿三條時,提出「強過廿三條」,話香港始終有一次要出動防暴隊定係摧淚彈...
3. 八萬五

第一點,梁振英唔敢否認
第二、三點,梁振英否認

唐英年講野可唔可信?如果唐英年老作,梁振英快尐各唐英年誹謗啦!

葉劉評論話唐英年唔應該爆當年行政會議討論廿三條的內幕,點解講行政會議呢?唐英年都冇講明係行政會議,葉劉憑乜野相信係行政會議呢?原因當年葉劉就係保安局局長,都係行政會議成員之一,葉劉的批評,間接確認左梁振英的確係講過上述內容!

由胡亂誇張八萬五建屋目標,到強推廿三條打算出動防暴隊、摧淚彈,到打壓言論自由,要縮減商台牌照年期,再計埋入引入自由行,只炒作短視完全唔理長遠對香港的影響..

請問,這樣的一個陰謀家領導香港的話,香港仲住得人嗎?

一場垃圾到唔垃圾的特首選舉,唯一的得著,就係揭穿香港呢班「特首競逐者」,係幾咁令人失望

唐英年從政以來表現最好,係今晚;證明左乜野?由始至終佢都只係以一個二世祖的心態,不負責任,直到衰到貼地,衰到無可再衰的谷底,先演番場好戲出來...但係唔係遲了少少?爆料,就爆多些呢!

何俊仁根本跟唔到劇本走,你出來選的目標係搞局,就唔該 corner 多些領先的梁振英,既然你都冇諗過自己會贏,亦冇諗過自己要做,你臨尾失控走去追殺唐英年,大腳幫梁振英解圍,簡直就係有史以來最差的表現,你身為律師,見過咁多的法庭場面,你有乜理由會犯呢種低級錯誤?大半節良好表現,卻衰收尾,門前失機,罪大惡極...

至於梁振英,今次係露哂底;先企圖打壓唐英年講野,商台單野問佢,唔敢否認;只係識得帶人遊花園;問親乜野除了遊花園就只有遊花園,係董建華、林公公、以及掃把頭果時的葉劉的混合體!平時在背後搞陰謀就叻,去到畀人問未又係口窒窒,唔夠人講就諗住令人地收聲,狼相盡現...

今次之後,更加令我們堅信了一點--就係 ANYBODY BUT CY,我地絕對不能接受梁振英做特首

like = 冤有頭,債有主,追殺梁振英!

請各位債主 like + SHARE

有關葉劉果段:

最過癮係,近日自爆不排除做梁振英政務司司長的葉劉淑儀,在有線的節目現場評論時,無神神話當時佢在場,三個都在場,唐英年手法低劣,唔應該搵行政會議的內容爆出來,但被問到梁振英有冇咁講過,就話自己唔記得有聽過..

唐英年都冇提過係行政會議,又冇提過你在場,葉劉你做乜自爆?唔記得,你又知係行政會議傾?唔記得,你又知自己在場?唔記得,你又要話唐英年手法低劣?

佛洛伊德--說溜嘴也 (Freudian slip)!
這個小工具發生錯誤

熱門文章

這個小工具發生錯誤

最新文章

  • 本土派的六條命題 - 經《本土研究社》的陳劍青推介,讀到今日維基百科關於「本土派」的條目,真係唔識就嚇一跳,識就得啖笑,成個條目連最基本的還原歷史事實都不會,似足中共版本的「抗戰史」,把國民黨一筆刪去般,把所有非「熱普城」的本土歷史全面刪去。 這種所謂的「本土派」,又和他們口中的「中國人」有咩分別呢?其人格是否可以更為低劣一些?「本...
    4 個月前

最近文章

再次伸延閱讀