
成份報告最對得住香港人的,係終於聽取民意,以及接受客觀現實,在將軍澳預留用地,進行為期三年的海化淡研究;
將軍澳建海水化淡廠 可行性研究需時約 3 年
...
「不過,消息人士承認,海水化淡的水價成本,仍較東江水為高。目前東江水輸港,加上本港配套,平均每立方米為7元,海水化淡則要12元。不過,他說,隨著外國海水化淡科技進步,成本已有逐步下調趨勢,香港宜開始試驗,否則當技術更進步時才起步,便會失卻先機。 」
特區政府最重要亂用消息人士,但對呢段消息我就非常質疑--點解新加坡海水化淡幾年前已經做緊五毫子美金一立方米--即係唔使 $4 港紙,香港 2011 年做卻要 $12 ?
2007 年舊聞:水務署估計,海水化淡成本只需要 $8 每立方米,而且大量做仲可以更平
將軍澳擬建海水化淡廠;特區政府成日賴人地司法覆核乜乜物物,點解曾蔭權要研究成五年,到任期屆滿先走去再「研究」多三年呢?
東江水由 2007 年起年年加價,加成幾成到今日每年單係水價都三十幾億,而且係強迫香港人買每年都遠超實際用水量!事實就係香港人被人當係傻仔,買水成本都貴過新加坡海水化淡,而且仲未運水的成本,特膠政府至今終於承認,東江水價計埋處理成本,係最少 $7 每立方米,即係接近新加坡海水化淡的一倍!
明顯到咁,都仲要作故仔話我地做要 $12 一立方米?方向正確就唔做,科研創造就業可以幫到幾多本地人口就業唔做,偏要益大陸的商人,獨立自主的新加坡政府再次證明,香港特區政府為左顧全大陸做左幾多衰野。
仲要研究三年?立即開波建廠啦!網民一早同你地講:「香港人唔需要高鐵,需要的係海水化淡廠!」