支持及訂閱請按 Like

星期四, 7月 28, 2011

女廁不足大戰地產霸權

點解香港人鬥唔過地產霸權?原因就係人地古古惑惑,香港人就係直線思考,成日被人呃都唔知,睇下呢段新聞,你會得出咩結論?

港研立法增公眾場所女廁
(星島日報報道):「公眾場所女廁經常大排長龍,一直為人詬病,有關問題最近可望得到紓緩。針對本港女性人口比例增加,據悉,政府研究將用作推算商場、電影院及公眾娛樂場所的男女人數比例計算標準,由現時一比一點二五,大幅提升至一點五,公眾場所的廁所比例將根據新標準規劃,令女廁數量增加。當局更打算正式透過立法,強制發展商日後跟隨有關規定。」

好開心呀!終於有足夠的女廁啦!政府終於正視女廁不足的問啦!政府終於打算強制立法增加女廁啦!咪住,你係唔係眼大睇過龍?

睇清楚政府建議係乜野?「強制男女廁比例,由 1.25 增至 1.5」,理論上每一間男廁,將會有一點五間女廁,係女性的福音,你話係唔係?

如果你答係,恭喜你,你果然係地產霸權的最佳顧客,因為你懶得思考,畀自己大腦長期維持休息狀態,於是人講乜,你就信乜,係寶藥黨的最佳獵物。

點解?政府只係要求強制男女廁比例,卻從來冇規定女廁要增加;要改變比例又唔增加女廁的方法,最簡單就係拆左部份男廁,由於男廁減少左,女廁的比例就變相增加左囉。

畀你係地產霸權,寧願租少 D 地方出去賺租金,定係拆多 D 男廁令去符合比例要求呢?你地女性團體成日話,男廁少人用嘛,地產霸權最簡單就係拆左 D 男廁,令男人同女人齊齊在廁所門口大排長龍,咁你地心理滿足啦掛?大家一齊冇廁所用,你地心理平衡啦掛?

點解香港人咁好呃?一單咁簡單的新聞就可以睇得出點解,我林忌用半秒諗到的,見到以百萬計、千萬計、億萬計租金的地產霸權點會諗唔到?連露台果幾呎都要呃你啦,何況係幾百呎的廁所?你估地產佬開善堂?瞓醒未呀?

真心關注女性權益的團體,絕對唔會支持「更改比例」,而係要求立法強制廁所面積,去確保女性真係有更多廁所用;更改比例唔規管面積,只會令廁所面前的一條隊,變成兩條隊,唔單止幫唔到女性,仲係男性的公敵,幫地產霸權小罵大幫忙,令女性唔夠廁所的問題根本不能解決。

『不過,業內也有聲音關注增加女廁比例,或會減少可用的​樓面面積,希望可「補償」損失的樓面。』

好似環保露台、公共空間,連改女廁都可以作為生意,一手​問政府增加樓面比例,一手拆男廁卻說已經增加了女廁!地產商賺哂,你地男女都在廁所門口慢慢排啦!

唔夠廁所,未起廁所囉,點解要搞到有女廁就要減男廁,你​死我活?

這就是特區政府管治的硬道理--分而治之,唔夠路,佢地​唔起路,反而就賴私家車;唔夠女廁,地產霸權唔肯起女廁​,佢地就賴男廁太多,然後「改變男女廁比例」。

連廁所都要維權,今日香港係咩地方呀?
這個小工具發生錯誤

熱門文章

這個小工具發生錯誤

最新文章

  • 本土派的六條命題 - 經《本土研究社》的陳劍青推介,讀到今日維基百科關於「本土派」的條目,真係唔識就嚇一跳,識就得啖笑,成個條目連最基本的還原歷史事實都不會,似足中共版本的「抗戰史」,把國民黨一筆刪去般,把所有非「熱普城」的本土歷史全面刪去。 這種所謂的「本土派」,又和他們口中的「中國人」有咩分別呢?其人格是否可以更為低劣一些?「本...
    4 個月前

最近文章

再次伸延閱讀