支持及訂閱請按 Like

星期日, 7月 03, 2011

一個平凡示威者對前線警員的呼籲

致前線警員:

各位前線o既警察,你同我絕對唔係敵人;點解我地今日都要係度?就係因為你同我其實有一個共同敵人,就係果班收幾十萬,幾百萬、幾千萬卻乜都唔使做,甚至專做壞事o既人。

警察o既職責係做乜野?係為左捉賊,係為左打擊做壞事o既人;你望下果個一個月收三十萬人工o既林瑞麟,你問下自己個心,你服唔服?你一個月搵緊幾多錢?你要用幾多來供樓、養家、交稅、畀雜費?你辛辛苦苦每日努力工作,你覺得呢個社會有冇畀到你幸福?你覺得呢個社會對待你o既待遇合唔合理?你覺得自己o既報酬,對比起指使你果班高官,係唔係低得太離譜?

點解警察今日冇哂警察宿舍?點解有差人要搞到住公屋?點解果個警察宿舍長大o既曾蔭權,走去賣哂 D 警察宿舍畀大地產商?現‧崇山、半山壹號、港景峰原本全部都係警察宿舍,再畀佢地咁落去,豐盛街、順利豪庭終有一日佢地都會賣左佢!當你地依家正在準備受上頭命令採取行動o既時候, 有無想過這些命令可能牴觸香港法例? 回想一下廟佳桑拿案, 依家响獄中o既伙記, 當日給他們指令o既上頭, 有沒有給他們一聲慰問?退休金、長俸冇哂o既時候,你上頭會唔會賠畀你?點解你地今日辛辛苦苦唔係去捉賊,去打擊罪案,去捉黑社會,而係企係度同自己市民為敵?

換轉係第二個場合,你同我坐同一班地鐵,迫同一班巴士,排同一條長龍,大家可以係好鄰居、好朋友,但係就係為左背後果班呃飯食o既高官,為左果班一齊迫害大家冇樓住,返幾十個鐘頭工o既人生都唔知為乜o既政府,點解?點解大家唔可以團結一齊,去對付果班香港市民真正o既共同敵人?

一個平凡o既示威者
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    2 個月前

最近文章

再次伸延閱讀