支持及訂閱請按 Like

星期日, 4月 24, 2011

八千萬共產黨員移居香港大計

土共成日講--香港人對國情了解不足,有一點林忌是同意的,一個很簡單的例子,就是中國究竟有幾多個共產黨員,問一問全港市民,相信一百個人當中,都未必有一個識答你。

全國有幾多個共產黨員,難道是國家機密嗎?不!最少目前唔係,因為中共自己的公開資訊當中,已經好自豪咁公開左個數字,根據 2010 年 6 月 29 號的人民日報顯示,截至2009年底全國共產黨員人數達7799.5萬名。以十三億人口計算,平均十六至十七個中國人當中,就有一個係中國共產黨員。俗 D 講句:「梗有一個係左近」。

陳雲早兩星期寫了來港新移民很多是共產黨員時,我們見到社運界、左翼朋友笑說這是不可能,他們常強調新移民領綜援的數據,可是為何他們隻字不提中國共產黨員的數據呢?全國八千萬黨員,這些數字是中共官方公佈的,隨時未計算一些秘密共產黨員,十六個人就有一個係共產黨員,這就是國情,這就是香港一些天真無邪可愛的朋友,長期不願面對的實情。

香港人成日以為入得共產黨一定係官員,再一次證明咁諗係弱能白癡,睇下人民日報點報啦:「從黨員的職業看,工人693.7萬名,農牧漁民2402萬名,黨政機關工作人員659.6萬名,企事業單位管理人員、專業技術人員1772.5萬名,學生226.9萬名,離退休人員1452.5萬名,其他職業人員 592.3萬名。」在黨政機關工作的中國共產黨員,只係得六百六十萬人,農民漁民都有二千四百幾萬,證明左乜野?就係表面上係基層市民,都可以係入左黨的黨員;全國有幾多學生呢?居然有 226.9 萬入左共產黨員的學生,等如香港三分一人口,請問來香港果堆大陸學生,有幾多唔係共產黨員呢?

我們再從另一個角度看看,在中國之中,共產黨員的待遇,和非共產黨待遇會否一樣呢?大家心知肚明,在舉國體制的大陸,有邊一件事係唔需要關係?有邊一種生意係唔需要打通關節?這三十年的開放改革,能夠富起來的是誰?能夠經商發達的人是誰?能夠借到銀行錢去從商的是誰?能夠拿到批文去做事的是誰?能夠打通關節的又有誰?究竟這些富起來的人,有幾多是共產黨員,有幾多是和共產黨有關的人,有幾多是和共產黨完全無關的人呢?你相信有幾多「非共產黨員」,能夠在今日「有中國特色的社會主義」下,先富起來呢?

再認真討論一下,能夠得到從十三億人民之中脫穎而出,能夠從每日一百五十個單程證之中突圍的,究竟這些人是甚麼人?你認為這十六分之一的共產黨員的機會,會否在必講關係的大陸多一些呢?那些先富起來的、經商的、成為中產的,你認為有幾多分之一和中國共產黨冇關係呢?難道你相信,那八千萬中國共產黨黨員,全部專心為國服務,人人都學雷鋒精神,讓其他十六分之十五去發達,去先富起來嗎?啊!中國真係禮讓的國度!黨真係好偉大!黨員為國家利益放棄個人利益!香港人真係天真可愛純真而無邪!

對,我相信有部份先富起來的唔係共產黨員,但佢地的親人呢?八千萬共產黨員,計埋佢地家庭成員會有幾多人呢?就保守估計每家三個人好了,最少二億人和中國共產黨有直接關係。

條數點計呢?平均六個家庭,就有一家之中,擁有有中國共產黨的黨員。請問純情、可愛、天真無邪的香港人,你地認為移民來香港的新家庭當中,係唔係全部都來「非共產黨」果六分之五呀?

根據中新網於 2010 年的數據顯示,全大陸於 2010 年六十七萬個家庭擁有一百萬美元的資產,請閣各位天真、可愛、無邪的香港人,呢六十幾萬個富戶家庭,你認為有幾多分之幾係來自中國共產黨的家庭?有幾多 % 係來自「非中國共產黨」的家庭呢?單以人口計都有六分一係來自共產黨家庭,發左達呢班,你認為呢?你相信中共係雷鋒精神嗎?

一百萬美元係幾多呢?即係七百七十幾萬港紙,全大陸都只係得六十七萬咋喎,就當佢地人人都規避一孩政策,乘四比到盡都係三百萬人口,呢三百萬你估係來自果八千萬共產黨員,來自果兩億共產黨人的家庭,定係果十一億非共產黨人的家庭呢?請問在香港炒起 d 幾千萬港紙豪宅的大陸人,一掃幾十個單位的大陸人,佢地係咩人呢?一百萬美金,今日買得咩樓?港島舊樓咋!佢地當中有幾多個係共產黨員呢?有幾多個家庭係來自「非共產黨」呢?天真、可愛、無邪的香港人,請問你認為呢班大陸富戶中的富戶,暴發戶中的暴發戶,有幾多 % 係非共產黨員?

由唐英年的一億人口「一小時生活圈」,去到「宜居被規劃」,以至佔香港新生嬰兒一半人口的大陸孕婦問題,其實個問題都係好簡單,就係中國共產黨員要把香港「黨有化」。

還記得 2009 年尾,何秀蘭在立法會問唐英年,是否要強化貧富懸殊嘛?可記得當時唐英年是怎樣回覆的,他說:「主席,我的答案好簡單,係!」

大家以為唐英年係低智,大家以為唐英年係亂答,你地錯了!唐英年是在講真話,他是故意說出來的,佢的態度係點樣?就係吹咩?你吹我脹呀的態度!點解?因為佢就係增加貧富懸殊!

點解唐英年要增加貧富懸殊呀?原因好簡單,就係靠增加貧富懸殊,你地窮人先會搬去大陸住嘛!點解要炒貴地產,點解要加強地產霸權?點解要八成強拍?點解要奴役你地 80 後 90 後再叫你地返大陸做野?如果唔係咁,你地又點會走呢?如果唔係咁,你地又點會搬番大陸呢?你地唔走,咁大陸的共產黨員點搬落來住呀?唔壓迫你地,又點可以樓換樓,人換人,昆你地返去飲坑渠油,飲三鹿奶粉呀?

八千萬共產黨員,十分一來港產子,都已經有八百萬人,足夠換哂全香港人有餘;當然,這個計劃不能一次過推行,而要溫水煮蛙;這個計劃當然不能一次過推行,因為你地會反抗,中共點解要一再推遲民主進程呢?就係換人計劃失算嘛,佢地以為 2007 / 08 就可以完全控制香港,而家唔得,所以要推遲;因為失算,佢地唔知幾時得,所以唔敢應承你住囉,等佢可以完全控制的時候,就會畀你普選o架啦!

點解佢地咁有信心?點解佢地可以應承畀普選畀你?因為新移民有幾多「非共產黨員」呢?你話佢地計數叻,定係你地計數叻呢?中共有八千萬黨員,話埋畀你知,你都唔去計,又怪邊個蠢呢?

香港人以為好精,識得家人移民外國持外國護照,同時在「太空人」在香港搵錢;大陸的共產黨員又豈是傻的?高官在大陸搞關係,親友就全部送來香港與外國,先持特區護照進可攻退可守,再轉外國一勞永逸,冇事就千年政權,有事就拍拍屁股全家走佬,第時中國點樣香港點樣, Who fucking cares?

醒未呀香港人?



伸延閱讀:
消滅港人重點行動計劃
唐英年一億人毀滅香港計劃
2014 半山區沉沒
反對香港新移民政策的三點宣言
新移民和派膠以外
新移民問題的宏觀視野
六千蚊與民主
來港產子一條龍救護車服務?
林輝﹕香港居民身分不是贈品

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀