支持及訂閱請按 Like

星期四, 3月 10, 2011

新移民問題的宏觀視野

林忌今天終於明白一個道理,就是人性真的是很懶惰的,我指的是懶於思考,因此一些覺得是常理的問題,卻只有極少人會去思考,誠實的人最好騙,陰險的人永遠都可以成功,原因就在此。

記得 2005 年的「政改方案」,明明係退步,只要打著一個「進步」的旗號,就可以成功洗腦,令大多數香港市民以為係一個進步方案,由反對變成支持;因此近年政府的施政愈來愈陰險,招招都係糖衣毒藥,用表面係美好的包裝,包藏最惡毒的禍心,偏偏大多數人就係這麼懶,懶到連思考都不做,於是人地點講,佢就點信。

記得九十年代香港經濟的最後榮景期間,由於勞工短缺港英同意商人輸入外勞,當時工會領導多番示威抗議,說影響本地工作就業,不妨重溫一下九十年代的歷史:

『本地工會普遍對引進「外勞」的措施充滿敵意,認為是官商勾結的表現,會拉低本地工人工資、阻撓爭取福利、搶走本地工人「飯碗」、並且阻礙工人轉業﹝例如由製衣業轉去建築業或服務業﹞。事實上,以製造業為例,在八十年代末及九十年代初僱主匯報最高的職位空缺率時,行業已出現了較高的失業率。當本港失業率由1994年的1.9%上升至1995年的3.2%,而1995年後半年更發生多宗新機場工潮事件,更加深了公眾對輸入勞工計劃的不滿。經過多年的抗議後,當時教育統籌科1995年底首次承認「在本地工人過剩的職業類別中,工作性質與許多由『一般輸入勞工計劃』外勞所擔任的工作類似」,保留新機場的特別輸入勞工計劃,但提出取消二萬五千名一般輸入「外勞」,而改為五千名補充勞工,後再將名額減為二千,僱主必須經過一段招聘時間未能聘請本地工人才可申請輸入「外勞」,由勞工顧問委員會監察計劃的運作』

當年香港經濟繁榮增長,但連當時的工會都說,只不過兩萬幾個外勞,已經可以明顯拉高失業率,以及拉低人工,請問 1. 當年工會係唔係講大話 2. 你支唔支持輸入外勞? 3.這些奉行保護政策的工會,例如職工盟,究竟係左派定係右派?

對呀,因為外地來的勞工人生路不熟,而且慣左被大陸的無良制度欺負,根本唔會保護自己的權益;另外因為係「新人」、「外人」,所以願意以低於市價的價錢接工做,會唔會影響本地工人的就業機會呢?你話呢?唔通當年李卓仁講大話?

因為本地工人反對輸入外勞,令呢個計劃最終慢慢消亡,而好多人口中的「奸商」、「官商勾結」的當權者呢,當然知道呢個計劃的缺點啦,所以佢地在九七回歸之時,透過中英談判慢慢增加單程證配額,在 1993 年由每日 75 個加到 105 個,在 1995 更由 105 個加到 150 個,今次佢地唔再叫「外勞」,而係叫做「新移民」,同樣係低技術、低學歷,同樣可以起到壓低人工以及平價勞工,以搶本地工人飯碗的作用,但係打正旗號係香港人,你地冇得反對啦掛?

真係冇,不過佢地連諗都諗唔到,好多原本反對外勞的人唔單止唔反對,仲倒轉槍頭力撐新移民,為甚麼呢?因為一個弱智到無倫的理由,就係附送外勞居留權,令外勞可以永久搬來香港住,永久成為香港人!就同最近先暫停的買樓送居留權般,係一模一樣的邏輯。

同樣的道理,以不同的包裝藉口,加以傳媒不斷報導新移民一些悲慘的個案,成功用人性的弱點--惻隱之心,把這些全力保衛勞工權益的社運界、工會領袖洗腦,以前總數兩萬幾的外勞佢地反對到底,今日每年送四萬幾人來拉低人工,佢地卻感情用事,因為同情這些可憐人,而完全冇去思考過點解呢班人會來到香港。

結果呢?點解香港的人工一直唔上升?點解經濟即使好轉的時候,人工都唔加?佢地從來都唔相信經濟學,當打工仔的供應多過需求,就梗係唔需要加人工啦,佢地寧可相信係全香港所有僱主都係無良,寧可相信逢商必奸,寧可相信全部商人都係十惡不赦,都唔願意相信一個簡單到不得了的事實,就係來港的新移民,不斷狀大了最低層的打工仔數目;九十年代的香港仲有工業,仲有好多低技術工種,如果當年總數兩萬幾個外勞,都可以拉低人工,咁 2011 年的香港,愈來愈向「知識型經濟」發展,愈來愈少低技術工種時,每年加多四萬幾人,會唔會嚴重衝擊香港低下階層的就業機會呢?會唔會一直拉低香港打工仔的人工呢?

有無良的商人出低價,都要有人肯做先得,咩人肯做呢?首推當然係在大陸人工低幾倍的新移民啦;點解人工一直唔升呢?原因就係有源源不絕供應的新移民囉!

對,以前都有新移民,不過當年香港仲係發展中的地區,有五成係工業,癡膠花都可以儲錢買樓;今日的香港呢?低技術工種每年有幾多個新增職位?能唔能夠抵消自 95 年以後倍增的新移民來港的數目呢?

如果香港擁有對新移民的審批權,清清楚楚誰人是真家屬,誰人是和香港完全冇關係都走後門,清楚知道有人照應,而唔係來呃福利,社會對新移民的歧視都仲可以減到最低;可是到今日為止,所有單程證都係大陸的地方政府單方面簽發,如何計分,如何選擇咩人來到香港,根本全部都係黑箱作業,更多人出來指證的,係明明係最慘要來港的家屬,被拒諸於門外,反而只要用錢賄賂,就可以優先取得單程證,這些人來港之後,會不會用相似的手法,走後門取代本地勞工呢?不用想都可以知道答案。

呢個世界就係咁荒謬,打正外勞旗號,反對佢地來港就係左派;打新移民旗號,只係外勞附送居留權,反對佢地來港,就會被社運界認為係「極右派」,人的腦筋真係好奇怪,我到今日都唔明白,點解絕大多數人的思考方式,居然會認為外勞附送居留權,送埋種種福利,會好過冇居留權的外勞...

為了解決人工低的問題,佢地大大聲話要學西方國家,引入最低工資制度,但係點解同樣係西方國家的移民政策,目的係保護本地工人,佢地卻反對到底呢?引入強迫金,三百幾萬就業人口當中,有近成百萬唔供 MPF,點解?因為好多都係僱主唔供的假自僱,如果連 MPF 都可以搞成咁,你話最低工資引入之後,會有幾多問題?就係新移民進一步以低價、為了生存而違法接工作,結果令本地守法的工人進一步集體失業。

立法係要配套的,有最低工資卻沒有限制移民的政策,結果就係自殺;偏偏我地偉大的中國式思維永遠都唔信邪,只係盲目的感情用事--好慘呀,新移民好慘呀,卻睇唔到新移民根本係佢地口中的官商勾結度出來的「改良版外勞」。

外國政府解決人口老化,就係大量鼓勵年輕人生育;官商勾結的香港呢?就係大量鼓勵大陸新移民「種族清洗」香港人;只要新移民繼續大量湧入,呢個政府永永遠遠都唔需要處理 80 後的問題,亦永永遠遠唔需要改善你地的生活質素,因為有更窮、更差環境長大的移民,願意表受更差的條件,願意接受更低的人工,去取代你地。

更不要講到,呢班新移民係來自慣於被壓迫的制度,佢地會覺得香港已經好過大陸好多,因此係你地班人唔感恩,你地班人日嘈夜嘈,你地班人身在福中不知福,你地班人搞搞震,你地班人搞亂香港,走去挑戰政權?亂左佢地點算呀?有投票權之後?中共就可以千秋萬載統治香港,畀民主你又有咩所謂呢到時,都係選佢之嘛!

連政府同奸商都諗唔到的,係 80 後會蠢到會幫政府與奸商手,去維護呢個令你地一世都抬唔起頭做人的無恥制度,一手一腳去為自己掘墳,連葬你的手續都慳番...

難怪最近一班老友睇到 Facebook,都紛紛討論要移民啦;香港?冇救啦
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    6 個月前

最近文章

再次伸延閱讀