支持及訂閱請按 Like

星期四, 11月 18, 2010

誤人子弟荒謬邏輯大觀

林忌筆鋒下向來少殺無名之輩,可是有兩位自稱「今日明師」的 X 品教育,卻走去都市日報寫甚麼《回購隧道粒弊多於利》,網友叫林忌必定要嚴詞駁斥之。

這兩位「名師」自稱對經濟有很深切的認識,可是一評時事就令人發笑了,各位讀通識的同學,找到這兩位補習「名師」的錯處嗎?


『...有現有情況下,此舉(回購隧道)有利益輸送之嫌,亦未必能解決塞車問題。
議員一向反對官商勾結,利益輸送的不義之舉,而回購隧道卻擺明是「塞錢入財團袋」。』

林忌曰:「塞錢入你袋」?原來政府「買野」就係「官商勾結」?原來買野唔需要睇價錢?地產商強拍你層樓,佢都係塞錢入你袋,原來佢同你勾結?乜唔係高於市值先會有乜乜勾結之嫌咩?唔講價錢就變成勾結?有冇腦呀?

『但透過行政權力,強行利用巨額公帑向財團購買其資產,在兩條私營隧道尚有數年經營權的情況下,政府議價能力有限,財團必定獅子開大口,這不是把納稅人的利益轉移到隧道公司嗎?』

林忌曰:為何小業主面對發展商收購其資產,其議價能力又不是有限呢?為甚麼市建局「塞錢入你袋」買小業主單位,其議價能力又不是有限呢?原因無他,政府除了行政權力之外,還有立法權力,政府有心做,明明私有產權的一層樓,都可以被強制拍賣;明明是私有產權的大廈,都可以被市建局強買回來重建,如果政府有心回收隧道,為何不可以立一條「強制收購隧道法」呢?香港的法律就係由香港特區政府訂立,為何政府對付市民就用法律,對付大商家就只餘下「無能」的「行政權力」了?難道這兩位「名師」選擇性弱智嗎?

不要說強制收購唔合理,正如市建局收地,或者政府收地建高鐵,都可以有一個公開公平的合理機制,去計算收入;隧道收入每年的變化不會大起大落,政府有心做的話,甚至可以引入一些國際級的仲裁機構,去評定一個合理的賠償金額,為何這兩位「名師」在沒有任何證據,也沒有提供任何數據之下,可以口輕輕說出「政府議價能力不高」呢?

不要說持有隧道股權的上市公司「中信泰富」在 08 年金融危機期間,其總市值只跌到 150 億港紙,買起佢地全間公司都只係百幾二百億,點解買隧道會做唔到呢?這兩位名師可否答下我?

還有一點,正如深圳市政府對付香港超級首富李嘉誠,都可以建免費的梧桐山二隧,去迫收費貴的梧桐山隧道減價,為何香港政府卻連深圳都不如,不能建第四條海隧,去迫西隧平價賣盤呢?

至於有關公帑運用方面,這兩位「名師」的邏輯論據就簡直笑大人個口了,大家必然要好好欣賞佢地的弱智邏輯:


「另一方面,以公帑調低收費從而減低香港人過海的負擔聽來理實氣壯,但必須其於所有香港人(特別是低收入人士)都會使用過海隧道(或使用率一樣)這個假設。若不,此舉變相等同由沒2有使用隧道的納稅人(或使用率比其他人少)補貼經常使用隧道的人(特別是運輸業),只是收入再分配,社會整體利益不見得會增加」

林忌曰:睇到呢度真係 O 哂嘴,咩話?佢地教經濟?

1. 特別是低收入人士?請問香港每一件貨係用咩運的?係用鐵路運去港島?定係用飛機直接空投港島?定係貨櫃碼頭直泊港島?請問低收入人士需唔需要食野?去廁所需唔需要買廁紙?BB 仔需唔需要飲奶粉?定係呢位 Fred 同 Jeromy,佢地買貨全部都係用隨意門,唔需要車運的?

2. 原來運輸業係善堂,佢地畀多了的隧道費,係全部自己出o架!佢地唔會轉嫁畀消費者o架!Fred 同 Jeromy,你地有冇坐過的士過隧道?你知唔知道的士過隧道,乘客要畀隧道費(甚至雙倍隧道費)的?

3. 但必須其於所有香港人(特別是低收入人士)都會使用過海隧道(或使用率一樣)這個假設--真係威力無窮,第一個要反對的高鐵的 669 億,因為返大陸的人更少;第二個要反對的就係亞運,因為運動場所的使用率,係運動員最高,關我地市民咩事?第三個要反對的所有新界區呀,偏遠地區的所有基建,因為根據呢兩位天才的原則,連港島都係唔公平的補貼,咁更少人住,更少人去的郊區,所有建設都唔應該做啦

4. 很有趣的,呢兩位天才提出了「納稅人」這個名詞,用呢兩位天才的邏輯,港島住了最高比率的納稅人,特別係半山區呀、山頂呀納的稅,比起天水圍多好多,因此根據呢種邏輯,政府開支應該把絕大數用在港島、九龍豪宅區的人身上,而偏遠地區、窮區就應該唔理了。


「如隧道減低收費,使用過海隧道的機會成本下降,根據需求定律,這會導致部份市民從公共交通網絡如鐵路及巴士轉為使用隧道過海,總車量增加,不環保之餘,亦未必能解決問題...塞去中環」

林忌曰:最後最荒謬的一點,就是這兩位天才說隧道減費,就會用引致「需求量增加」;唔係嘛?乜經濟學唔會教咩 elasticity o架咩?經濟科當年最鍾意引用的教材,不是以隧道為 inelastic demand 的典型範例嗎?養一架車要幾多錢?比起泊車費、牌費、油費,隧道費對於大多數私家車擁有者都是九牛一毛,隧道費根本影響唔到市民買唔買車,至於中環的泊車費之高,月租四千,時租廿幾三十蚊,隧道根本影響唔到市民泊唔泊車入中環,需求量增加都影響唔到大局。

更好笑的係,呢兩位經濟學天才竟然忘記了,香港的商人係好醒o架,佢地除左識對政府獅子開大口之外,更會對市民獅子開大口,因此如多了市民泊車入中環,第一個有反應的當然唔係政府,而係車位擁有者,立即加泊車費啦!幾時先輪到政府去有反應呢,係唔係?

死識書叻唔係罪,教人考試都唔係罪,不過唔識野卻亂發音,上報紙誤人子弟呢,呢 D 就係天條死罪啦;唔識扮識,這是最冇品的教育,收皮啦唔該!
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    4 個月前

最近文章

再次伸延閱讀