支持及訂閱請按 Like

星期三, 9月 22, 2010

香港亞運一定得個吉

香港一定得?狗官 What The Fxxk!特區政府要花四百幾億,去申辦 2023年亞運會,好豪呀!好抵呀!四百幾億呀!足夠支付菲律賓全國警察五年的開支,足夠建十條海底隧道永久解決香港過海會塞車的問題;足夠做五十年的小班教學(以政府報大數的每年增加九億經費計算);足夠搞百幾二百次公投(以政府報大數的一億五千萬計算),呢幾百億足夠政府做一個醫療福利基金,去救活好多絕症等幾千幾萬條人命。

咁點解政府要一意孤行呢?曾德成說,四百幾億當中只有百幾億是亞運會的開支,而三百幾億係「基礎設施」的開支;聽完呢一句林忌真係好想笑!點解要「亞運會」先突然豪花三百幾億來「投資」體育項目呢?如果政府真係咁想投資體育,最簡單的做法就係放棄申亞,三百幾億照用來改建、改善香港的康樂文娛設施,而果百幾億的亞運經費就用來建隧道改善塞車,用來搞五至十年小班教學,用來增撥研究絕症等,又何必洗呢百幾二百億的「面子工程」?香港好多錢咩?

點解年年財政預算,特區政府都出來話冇錢?點解次次預算政府都話要「慬慎理財」,咩民生問題都話冇錢解決,但反轉頭卻豪花幾百幾千億,去做一些大家都唔需要的事?669 億的高鐵,加上四百幾億的亞運經費,再加上百幾億的四川強制地震稅,成千幾億港紙,特區政府發左達呀?又話冇錢?又話要留錢來應付將來突然改變的經濟環境?點解市民認為冇必要的事,香港特區政府卻必要洗左去?點解市民認為急需解決的問題,佢地卻死口話冇錢?

搞環保,政府話冇錢要收費;搞教育,政府話冇錢要減人手;加大學學位,政府寧願畀位大陸人,都冇錢加畀香港人;起隧道以及回購隧道解決塞車和廢氣問題,政府話「小政府」冇錢買隧道,不如你講哂好唔好?特區政府點解民望咁低?特區官員點解好似過街老鼠?你問下自己點樣對市民?同時你地又在一些冇必要的開支上面點樣亂洗法?

我想問問特區政府點解要申辦亞運呢?近日一班中共走狗出來成日講,咩次主權會搞出港獨--既然香港冇主權,只係中國的一個城市,連區區廣州都早過香港成功申亞,乜香港要成為第二個廣州咩?申辦亞運對香港有咩幫助?幫香港成為中國第二個廣州?既然如此點解我地仲要搞?外交唔係香港特區政府的工作,香港人亦唔需要透過亞運會來搞外交,如果中國要搞外交,叫中國外交部畀錢好了,點解要香港人畀錢?香港人需要的次主權,係為了好似菲律賓事件中用來救香港人性命,唔係用來幫中國搞面子工程!香港作為中國的一個城市,搞咩亞洲運動會呢?作為同一個國家,有需要咁短時間內搞兩次嗎?

特區政府無恥地成日借運動員過橋,又成日吹到體育係好重要、好偉大的事;我真係好想問,一個國家就話為了「國體」要威,所以要搶奪獎牌;香港又唔係國家,而我地的「祖國」已經威到盡,在舉國體制下超了英趕了美,那麼我們香港這個小小的地位點解要成為「體育強特別行政區」呢?貪個名夠長夠特別呀?

既然香港的定位唔係國家,那麼香港的體育發展目標應該是甚麼呢?是為了幾百萬人「強身健體」,還是為了「衝擊獎牌」呢?衝擊獎牌為了甚麼?對不起,香港不是國家,為國家爭光的事,應該留畀中國去做;「中國香港」只係一個小小的城市,威乜呢?好似一些時事評論員說,連菲律賓總統都應該唔接你電話嘛,那麼我們參加比賽甘於陪跑就好了,有天才贏得比賽,只是錦上添花,發展甚麼精英體育呢?

對呀,當大部份香港人都運動不足,而基礎體育設施也嚴重不足的時候,政府平日常說沒有錢,有錢不是應該讓市民優先嗎?特區政府寧可令多幾十萬人過得更健康,還是寧可要出幾個體育明星呢?一個負責任的政府,應該先令多幾十萬市民過得健康,還是要學大陸搞「舉國體制」,大把大把的銀紙撒落維多利亞港去?

如果香港仲係九七前果個英屬殖民地,香港人為了自我認同,又或者錢多到洗唔哂,當然洗少少都冇所謂;但今日的香港仲係英治時期的香港嗎?不是說,沒有中央政府照顧,香港早就完蛋了嗎?為何由家長學生,到各界市民想踢波,想游水,想打籃球,想打各類球類,都極難 book 場?為何連維多利亞公園的「硬地足球場」,凡天氣涼少少,都不依原本用途變成展覽場地?為何足球場會變成「工展會」?體育重要,還是散貨場重要?工展、年宵、花展、乜展物展加埋,香港的年青人在考試季節之外,有幾多日子可以隨意去運動?

另一方面,有幾多人放工之後,可以搶到絕無僅有的場地,去強身健體?政府要幫市民,增加資源延長設施的開放時間--例如開到凌晨兩點,去配合香港的偏夜的生活節奏,是否比起令青少年去索 K,令青少年去飲酒好?青少年冇處可去,無波可踢,無水可游,於是佢地去劈酒,去索 K,去被推落火坑賣淫或買春,政府冇錢嗎?政府冇資源嗎?政府冇場地嗎?為何突然為了面子工程的亞運,就四百幾億都有?平時想要一百分之一的四億,或者一千分之一的四千萬,都慘過求契爺?

對於這種專搞官商勾結,私相授受,只為大陸服務的賣港政權,我們一定要說不,一定要總動員去反對亞運!對於那位專搞面子工程的曾德成及公子哥兒,香港不如「蝕底些」,送佢返廣州搞亞運好了,再唔係全國各省市邊個想搞面子工程,甚至非國國家或者北韓想搞,特區政府索性送單程機票請佢過去服務,以後都唔使返來好了!特區搞體育,目標只應為了市民的強身健體,呢四百億用來改善運動設施以及醫療,好過用來招待其他國家的運動員吧?

香港一定得?狗官 What The Fuck!

Facebook Group:強烈反對香港申辦亞運(我們要集合所有民間力量,用盡一切方法,全力反對特區政府申亞!)

注:("It's the economy, stupid" 係 1992 年克林頓選美國總統時一句非常出名的口號,用來反擊當時成日以國家光榮--沙漠風暴的老布殊之口號;今日香港民生一鑊泡,特區政府有錢冇定洗咩而家?)
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    4 週前

最近文章

再次伸延閱讀