支持及訂閱請按 Like

星期三, 8月 04, 2010

香港法律阿 Q 正傳

阿 Q:勝利啦!勝利啦!香港司法的勝利!人民力量萬歲!
己心者:咩事?以後法律面前,人人平等呀?
阿 Q:唔係呀,係律政司在群情洶湧面前退讓,決定重審案件,釘死個有錢人呀!
狂人:嘩!值得慶祝啦,網民力量萬歲!呢個女人好乞人憎,釘死佢就最好啦!洗定個八月十五坐監啦!
孔乙己:之乎者也,當今天子聆聽民意,實為蒼生之福!
狂人:好野!好野!
己心者:人說香港好多人鍾意睇人仆街,乜佢仆街你真係好開心咩?
阿 Q:當然啦,一個咁仆街的人仆街,梗開心啦!乜你唔覺得佢好仆街咩?佢當街兜巴星警察喎!
狂人:係囉,抵佢仆街簡直係一種享受!食花生!開香檳慶祝!
公安 T:重判佢你好唔妥咩?唔通你偏幫佢?唔通你想偏幫大法官?唔通你有秘密著數?唔通你想出賣我地?出賣阿 Q 定狂人,出賣阿豬定阿狗呀?
己心者:不!問題在於法律面前,窮人不平等;不是因為富人判得太輕了,而是平常窮人判得太重了!不是有錢人「誠實可信」,而是為何窮人冇錢樣衰因此「不可信」;不是有錢人求情不應被接納,而是點解窮人求情往往不被接納!
狂人:超!你而家講呢 D 廢話做乜?而家係群情洶湧,針對係呢件案判得太輕太離譜呀!你聽我講,最緊要重判佢!釘死佢就好啦!
阿 Q:對!只要我地的力量,可以令政府改變決定,這就是人民的勝利!這就是香港人的勝利!
老共爺:嘿,香港法官不依北京的本子辦事,常和中央對著幹,書記早就不滿!那個甚麼大法官,不但常判甚麼人權份子無罪,還在判詞批評特區政府,這種事我們老早就看不順眼!這麼作是違憲的!是違反基本法的!是挑戰一國兩制的!
X 公公:對呀對呀,那個甚麼小法官的,經常放掉我們千辛萬苦,用盡一切罪名捉來的犯人,特別是某些老爺說要捉的,他都放啦,真的冇大冇細,最好一次過把大小法官開除!
禮義廉:最好換上愛國愛港的法官,就一天都光哂啦!我們黨也有很多忠貞的法律人士呀,例如加拿大人,北極企鵝等等,都很愛國而有能的嗎,他們都「嘗這能,能太能」,愛國人士當然有能力做法官啦。
詩詩:不能太急,先把我醒目的手下,統統換入去吧?保證人人風度翩翩,胡天胡帝都變神仙!
孔乙己:非也非也,當今天朝之下,官官相衛...不,是官官相愛,兄友弟恭....咦,我包紳士牌茴香豆呢?
仁慈先生:判官鐵面無私,即使賣雪糕都照樣六親不認,只要繼續這個標準就可以了,別亂了大事!
狂人:我最鍾意睇人仆街!鐵面無私好呀!人人都要釘(坐監)!雪糕仔最好要釘,貼咸相最好要釘,上討論區講強姦要釘,上載希希相片去塞浦路斯的 server 都要釘!要炸迪迪尼浪費警力就更加要釘!
禮義廉:大人饒命呀!要炸美國領使館單野我地無辜的!
公安 B:大人饒命呀!為巧文妹揉 BB Cream 單野,都係無辜的!
老共爺:相信中央的安排吧!那班甚麼社運份子,不過小貓三四隻的草民,再被重判,都不會帶來關注!第一步,我們先瘋狂攻擊大小法官,鼓動民意鬥臭司法界;第二步,我們再重審這個醉婦,把她重判必能贏得各界支持;第三步,借勢迫走所有和中央對著幹,我們早就看不順眼的法官,把人全部換成見人就釘的重判天王,以後無論打公安,還是被公安打,都全部判作打公安,人人要坐牢!
狂人:對呀!我早就看那些玩弄民意的政棍不順眼,我早就忍夠那批叛亂份子,甚麼太平賊的,全部拉去坐監,眼不見為乾淨呀!
阿 Q:勝利啦!勝利啦!正義的公安得到彰顯呀!人民力量勝利呀!
公安:正義的公安士氣大大提昇呀!以後天朝應該讓公安公費看球賽,人人特訓學插水呀!
己心者:那麼人人平等的理念呢?選擇性執法的問題呢?法律面前窮人含忍的苦況呢?
眾人:...........
阿 Q:超!我支持法律面前人人平等呀,我反對選擇性執法呀!我愛窮人,窮人愛我呀!
己心者:咁你打算做 D 乜呢?
阿 Q:要求政府重判囉!
己心者:乜重判係等如改革法律咩?
阿 Q:一單還一單,唔可以兩樣一齊做咩?
己心者:咁你另一單做左 D 乜先?
阿 Q:我發左音o架啦
己心者:你發完音,如果對方冇反應咁點
阿 Q:我會再發音囉
己心者:再發完音都冇反應呢?
阿 Q:超!我好忙,亦好善忘,算把啦你!
老共爺:你今天終於明白,為何每次勝利者都是我了吧?

本故事純屬虛構 如有雷同實屬巧合

伸延閱讀:
有錢人輕判、選擇性檢控與差人夾口供老屈
包致金姪女襲警案的疑問
高官兒子打人合法
24 歲高登用戶「以言入罪」
前高級督察恐嚇陳巧文分分鐘有 BB
香港警察變袁木鐵證
重案組捉拿陳巧文搞笑過程
有強權冇公理的香港
前高級督察恐嚇陳巧文分分鐘有 BB
民建聯成功爭取進攻美國領使館

什麼叫做「浪費警力罪」?
膠力多:有關炸迪迪尼的法例

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀