支持及訂閱請按 Like

星期一, 3月 22, 2010

沙麈暴下的思覺失調

空氣污染指數直迫 500,一個最簡單的環境問題,落在我們那位高智能的環境局局長手上,又再次為全港製造笑話;曾特首,你連跳幾級升的邱騰華,是否平日的興趣就和你一樣,天天在擦鞋作消遣?
2010-03-22HKT13:10
環境局局長邱騰華表示,本港空氣污染指數創破紀錄新高,政府特別關注,已舉行跨部門會議,他呼籲市民停車熄匙,盡量使用公共交通工具、不要吸煙,政府亦已聯絡兩間電力公司,要求發電時盡量用清潔燃料。

被問到政府今日凌晨兩時才發稿預告空氣污染指數上升,是否太遲。邱騰華強調,政府過去十多個小時已作出及時行動,包括啟動機制通知相關部門,教育局已就上課安排作出公布。

環保署助理署長莫偉全說,昨晚八至九時已留意到本港的空氣粒子濃度上升趨勢,已即時聯絡天文台,並分析內地數據,因此在凌晨兩時預測空氣質素會惡化。

邱騰華局長,在閣下呼籲市民今日「盡量使用公共交通工具」之前,不知道邱騰華本身,今天會否使用公共交通工具呢?不知到那三司十幾局的局長,今天會否使用公共交通工具呢?不知道那些姓李呀的大地產商人等,今天會否盡量使用公共交通工具呢?

我可以好肯定說,你們今天都不會使用公共交通工具!為甚麼呢?當環境咁差的時候,要你們這些位高權重的人士,不理自身的健康,走去使用公共交通工具,萬一一個唔好彩,心臟病發果時,點算呢係唔係?單係坐私家車,已經感到好辛苦,叫你地行上行落吸死氣坐地鐵,唔係對健康更壞的影響嗎?有車唔用,偏偏選在空氣最差的時候唔用,對車主的健康會造成幾大的影響呢呵?

將心比己,如果你有得早些回家,唔使吸死氣,你都會選擇早些回家;那麼你期望那些可以早些回家的人,走去「作出犧牲」,一齊走去迫地鐵,令地鐵更加迫,令公共交通工具在繁忙時間更爆滿嗎?這是甚麼智商?這是甚麼人格?閣下收幾十萬一個月,原來就係作出這樣弱能的政策嗎?

邱騰華局長,你去到今日中午才出來發音,呼籲市民使用公共交通工具,第一,那些已經返工出了車,叫佢地把車留在哪裏?政府停車場今天是否免費,供全體公務員留在停車場呢?第二,平日放工時間,例如金鐘站,好多乘客都要等三四班車才上到車;就假設全體公務員人人坐地鐵好了,唔知道地鐵、巴士有冇配套安排呢?有冇加開班次疏導人潮呢?如果冇,你叫大家一齊坐地鐵,係唔係令本身已經塞到死,本身已經吸入大量死氣的市民,未見其利先見其害呢?

今日的空氣污染源頭,就係大陸;本身就算全港的私家車全面唔開,空氣指數會唔會由 500 下降到 450 呢?我好懷疑;偏偏就在數據都唔會減的時候,我地偉大的環境局局長,唔係走去叫公共交通工具增加班次疏導人潮,唔係呼籲公司提早放工,畀有呼吸道疾病的員工早些回家休息,唔係走去搵教署停課,等學生可以提早回家休息,唔係走去呼籲貨車押後送貨,或者和東西隧傾傾,令排廢氣的柴油車早些收工或改道,反而走去呼籲埋 d 完全唔相干的廢話--停車熄匙,舉行又遲又廢的跨部門會議,「聯絡兩間電力公司,要求發電時盡量用清潔燃料」的廢話,發電廠係唔係今日即刻有反應呢?如果唔係,乜你今日先知道原來發電廠好唔乾淨咩?

笑了,真係好想笑... 香港真係人材輩出,哈哈哈哈哈哈哈哈!邱騰華你唔係叫地鐵增加班次都唔識嘛?你唔係連呼籲大家彈性放工都唔識嘛?台灣屏東都識咁做,你呢?思覺失調呀?叫人停車熄匙,停左車之後又點呢?

出來講咁多廢話,唔該,搞好自己的網頁啦!今日最需要睇污染指數的時候,全日都慢到癡肺,load 極都 load 唔到!

http://www.epd-asg.gov.hk/cindex.php

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀