支持及訂閱請按 Like

星期二, 2月 23, 2010

樂施會做錯甚麼

多年積極在大陸扶貧的樂施會,抱著「樂善好施」的精神,去為中共政府棄之不顧的窮苦大眾、弱勢社群服務,可是十幾年來工作的結果,居然換來的是內地大學網站,流傳出緊急通知,勒令大學生不得參與香港樂施會的志願者活動,更指樂施會負責人被指為反對派骨幹,向內地攪滲透!

嘩向內地攪滲透!好大的一個罪名呀,隨時原來返大陸扶貧,都會變成「反革命宣傳煽動罪」o架今日!點解?你睇下維權律師譚作人,佢只不過係扶下 d 豆腐渣工程小學的受害者,認真研究下豆腐渣工程,佢就已經被判五年監!

港台新聞--「樂施會:成員有不同政治背景但不影響扶貧工作 2010-02-23HKT16:25
對於有內地大學網站流傳教育部發出緊急通知,勒令大學生不得參與香港樂施會的志願者活動,樂施會中國部總監廖洪濤召開記者會表示,至今未收到內地教育部門的解釋,但會暫停在內地的志願者培訓計劃。

廖洪濤表示,過去一直參與內地扶貧工作,包括學校興建、教師培訓,及課程改革等。當中每年都會聘請10至15名內地社工系大學生,接受志願者培訓。他強調,過去從未受到內地政府批評,或收到指控的訊息。

對於樂施會負責人被指為反對派骨幹,向內地攪滲透,廖洪濤說,成員有不同政治背景,但不相信影響樂施會的扶貧工作,亦不認為樂施會有反對派。他又說,有關網站的相關通知已被刪除。」

你地香港的慈善機構,例如苗圃行動呀,樂施會呀呢 d 組織做左 d 乜野呢?就係間接證明左大陸的小學係豆腐渣工程!因為你地認真監督小學的興建,因為你地的捐款唔係交由中央人民政府下面的貪官污吏去分左佢,所以你地唔單止阻人發達,而家仲間接證明佢地的罪狀!以前阻人發達已經抵死有餘,今日仲要證明大陸有貪官?仲要證明大陸有豆腐渣,你班非政府組織仲唔係反革命?仲唔係意圖推翻中央人民政府?

鐵一般的事實證明的就係--當一個政權已經去到納粹的級數,你走去支持佢扶貧,你走去支持佢地的「基層百姓」,佢都仲要當你係敵人!就算你已經自我閹割,就算你已經自我退讓,只要你對中國共產黨的政權有任何威脅,只要你有影響力,只要你唔係阿爺的親生仔,只要有你一絲「一國兩制」或者「高度自治」的意圖,中共就會當你係達賴喇嘛,就會當你的「自治」要求係「 X 獨」,係對國家政權有所危害!

退一步海闊天空的講法,只對正常人,對有叫價力的人才適用;對爛仔,對黑社會,對納粹政權,退一步,即無死所--連死,都唔知要死o係邊一度!

方潤兄在《邱騰華與地產商污染地球》一文問了林忌一個問題--『就是凡是否如果任何人迫唔到政府去做你認為應該做的那些事(那些事我全無異議),就唔可以支持收稅,否則就係「冇良心、不負責任、不是真正為環保著想」﹖』

林忌在回應中即時舉了個例--正如特區政府的所謂「政改方案」,一樣有「增加民主」成份呀,點解你唔去支持?點解你要反對?

原因好簡單,就係因為你支持左假政改,就會失去真政改;正如你支持假環保,就會失去真環保一樣,先例?看看強迫金吧!那些當年支持退休保障的「真心膠」,今日的強迫金達到你們所要求的目的嗎?今日的強迫金推行了咁多年,你們所真正要求的全民退休保障是不是更不可能實現嗎?有了假強迫金,真的更沒有人再追求了,作假的有藉口--別斤斤計較真與假吧,政府已經有,你還搞甚麼呢?

因此搞假環保的邱騰華,就正如搞假政改的林瑞麟,以及搞假救災的四川省政府一樣,他們只會接受他們自己的假方案,所有一切真心為環保,真心為政改,真心為救災的,其實都被當係敵人--因為你們的存在,就係威脅佢地的地位,就係威脅踢爆、揭穿佢地真面目的敵人!

你以為退一步,可以換來真貨?你以為姑且退讓,最終可以帶你去到目的地?

政治上的小朋友,你中計了,因為你的所作所為,正正就係幫對方繼續去欺騙全世界,繼續成為邪惡政權下「小罵大幫忙」的「補藥」,一旦「補過龍」,一旦由假變真,對唔住,閣下也會和我們這些「反對派」一樣,成為那些出賣良心者的敵人!

良心,是不容退讓的;大是大非的原則,是不容退讓的;就算你肯退讓,對方肯嗎?你打算有甚麼去交換良心?你打算用甚麼來交換大是大非的原則?

要真正幫忙,要真正做到野,就必須做認真的,而不是差不多先生,只求虛名,不切實際。

對一個完全冇信用,呃左你千次萬次的賭鬼或者毒癮病患者,你唔幫佢戒毒,你唔由最基本的問題去解決對方的錯誤,捐錢?你捐得幾多次?幫忙,你幫到咩忙呢?

搞假慈善,搞假環保,搞假道德,搞假民主,結果只會一樣--就係幫助貪官污吏「合法化」、「合理化」,結果就係左右不是人!
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    5 個月前

最近文章

再次伸延閱讀