就係林忌離港期間，原來錯過左一段超級重要的新聞：2010-01-03【明報專訊】立法會尚未通過廣深港高鐵撥款，港府已經着手研究將來經營高鐵時如何和內地分帳。政府消息人士透露，根據現有計劃，本港將和內地合組聯營公司，中方屬意按高鐵在中港境內的行車公里數來分配車資收入，因香港段遠比內地段短，預計由本港至廣州的180元車費收入中，本港只可分得45元。
大家睇完呢段新聞，好似覺得－－咦？用路線長度計錢，好似都幾合理呵？
真係第一次聽見，大家合組公司做生意，唔係計資本比率，唔係計大家投資額幾多，而係計－－你條路有幾長來分錢！
再認真研究一下投資額吧，香港段的高鐵投資額港幣 669 億，廣深段的高鐵投資額 230 億人民幣 (約 261 億港幣），總投資額係 930 億，任何生意，都係計大家出左幾多錢，就配幾多股權，用股份去決定將來的利潤（股息），點解我地偏偏完全聽唔到呢方面的消息呢？唔通中國一向都係咁起高鐵嗎？
對唔住，比較一下京滬高速鐵路，點解人地興建之前，就已經把股權計得清清楚楚呢？1100 億的投資額，鐵道部佔四份，沿途地方政府佔兩份，中國銀行、工商銀行、建設銀行、全國社會基金、某家海外的私募基金，每單位各佔一份，總共十一份！股權清清楚楚，將來的收入亦會根據股權來清楚分配，甚至未起好就出現股權轉售－－「京滬高鐵4.5%股權 60 億人民幣求售」
好啦，咁點解我地香港同廣州、深圳合資起高鐵，點解我地未合組聯營公司，政府就居然走去要我地撥款呢？將來股權點計？將來收入點計？嘩！原來乜都未傾o架！
當消息傳來「中方屬意按高鐵在中港境內的行車公里數來分配車資收入，因香港段遠比內地段短，預計由本港至廣州的180元車費收入中，本港只可分得45元。」－－我地的傳媒，咩財經人士，咩立法會議員，原來完全唔需要過問呢一點o架？叫市民支持起高鐵，口口聲聲話係駁通全國，講到好似全國的高鐵香港都有份分咁，咩話？原來「廣深港高鐵」同「京滬高鐵」當兩條鐵路計？即係除香港去廣州以外的所有收益，香港都冇份分o架？
唔單止香港去廣州以外的鐵路冇錢分，連香港去廣州呢條天價鐵路，930 總投資額之中，香港政府用 669 億，即係佔 71.9% 的投資額，廣深段用 261 億，佔 28.1% 的投資額，作為大股東，我地唔單止冇得收大份的收益，仲要收細份？
簡單點來說明，即係香港同大陸合組公司，假設總資本係 $100 香港出 $72，大陸出 $28，將來票價收入時，每 $100 的車費，香港只分到 $25，而大陸就分到 $75！
朋友你冇睇錯，再簡單重申一次：投資時香港出七成，大陸出三成；收錢時香港收兩成半，大陸收七成半！
麻煩各位轉載畀身邊支持高鐵的朋友，問佢知唔知原來香港高鐵的收入係咁計法；再問下佢覺得值唔值抵唔抵！如果佢仲支持高鐵，我奉勸你立即同佢合組公司，佢出七成你出三成，第時就你就蝕底 D，唔好好似大陸佬咁貪心，你收七成，送半成畀佢，等佢收三成啦，好唔好？
比較一下大陸起條北京去上海的高鐵，大家居然計數計得清清楚楚，用股權來計數，在一國一制下，都唔會話咩「一家人唔使計啦」－－北京人同上海人，大家都係中國人呀，點解人地要計得清清楚楚呢？
反過來點解「一國兩制」的香港，居然連股權都未同人傾，收入點計都唔知道，仲要明知對方獅子開大口，你出雞，佢出豉油，到頭來佢食雞脾雞翼，你食雞屁股，你都應承佢？
傻的嗎？
敢問番一句，一個咁樣的政府，係一個保護香港人權益的政府嗎？這樣方案都支持的人，除了講一句係「賣港賊」－－出賣香港人利益的賊仔之外，仲有咩更貼切的形容詞呢？
李澤楷搞電盈，最少係真金白銀出來賭，可是大家話佢唔老實，呃左好多人錢係衰人。
咁香港特區政府，走去「欣然同意」今日的賣港條款，仲要唔畀香港人知，偷偷地把股權問題避而不談，講到咩接駁全國高鐵天花龍鳳，實際上你出雞佢出豉油，仲要只係留番雞屁股畀你，你都覺得「抵」？
點解會有雷曼迷債呢？點解會有強迫金管理費食哂打工仔的血汗錢呢，而家我地終於明啦，因為香港特區政府，就係全香港最大的寶藥黨，佢一再呃哂我地香港人的血汗錢，走去賄賂北京！
如果出左錢可以買回尊嚴，可以畀我地香港「高度自治」，可以畀我地民主，出多一倍我地都心甘情願。
但係反過來，佢地食完、拎完、仲要鬧番你轉頭，話係「如果沒有中央政府，香港早就 XYZ 啦」，佢屈完你錢，仲要話係佢養你，唔知你有咩感受呢？
供應食水，係天價屈你要，我地有得海水化淡，政府就故意唔做；昆你起鐵路，唔止叫你出天價的錢，出完錢仲要佢食大份你食細，香港仲有咁多傻佬話好喎！
唔怪得成街都係騙徒啦！因為香港乜都多，傻佬最多！咁樣合組公司都有人肯，吹咩？
最後一點：一盤生意有得做，好似北京上海條高鐵，個個都搶住去合股，例如中銀、工行、建行、連某家海外的私募基金，都搶住合股！
如果香港高鐵有得做，諗諗連西隧、東隧、大老山隧道呢 D 幾蚊雞的生意，都有榮太子搶住做，打死都唔肯賣番畀特區政府，點解廣深港高鐵，冇一個生意人想合資？
特區政府出左七成幾錢，未來收入卻要被人巧立名目整色整水呃到得番兩成半，諗諗呢六百六十九億，如果用在香港人身上，今屆的財政預算，會得 d 小恩小慰嗎？
用在香港人身上，佢地就話小政府大市場；用來送畀大陸，就一擲六六九億面不改容，告訴我，這不是賣港政權是甚麼？
發表文章
32 意見:
即時反應：
下？
呆左、O嘴
2012雙普選！
"投資時香港出七成，大陸出三成；收錢時香港收兩成半，大陸收七成半！"
毫無疑問, 特衰政府喪權辱港, 將香港人的血汗錢大量進貢給大陸. 將來, 香港人每次乘坐高鐵, 180元票價當中的{180 x (75%-30%) = } 81元是變相送給大陸的. 以人流9.9萬計算, 每天進貢給大陸的款額高達800萬元, 50年則為1460億元.
政府聲稱高鐵50年營運期可為香港帶來870億元經濟效益, 據此計算, 鄭汝樺局長曾表示高鐵延誤一天會損失500萬元. 觀乎高鐵的票價分賬安排, 大陸從高鐵得到的額外收益, 比特衰政府宣稱香港將會得到的還要多.
有騙人的“一國兩制”，必有揾笨的“合資分紅”。
總理今天下午3點和網友在線交流
看了不少網友的留言，好多都是熱點問題，不知道今天下午總理會有怎樣的答覆
關注的童鞋去看看吧
傳送門
http://news.qq.com/a/20100226/002283.htm
其實180蚊分45蚊(甚至係1千蚊分45蚊)依單野,未立法會表決之前已經有講!(已唔記得邊份報紙提及過
不過唔知點解垃圾會冇人理,政府唔肯講
簡簡單單既經濟收益收益都唔清唔楚,真係可笑!不過就係用香港人既錢去搞笑姐
最荒謬就係,反對既人有滿口的問題就被打壓,阻住香港發展
支持既人,就係為支持而支持,毫無說服力
其實……我地都係得個「申」字
正所謂官字兩個口
知道事實只係無奈無助
班高官就日日大魚大肉
自己又上左樓又呢樣又果樣
佢理得我地死...六百億逗阿爺歡喜
佢地何樂而不為？
我地而家成日都話一國兩際...
什麼民主什麼普選
可能就係上頭話一日未食晒香港政府堆錢一日都唔放手俾我地搞
日日見住堆咁無奈ge事不斷發生
好無奈...╯﹏╰
我地呢一代人, 有一種共通的鬱悶, 實在可以理解. 睇完根本係無言.
我成日都諗一樣野,就係我在地上吹佢唔脹,拉佢唔長,但唔緊要,我又何必計算呢?將來神會審判世人~衪在天上把一切都看在眼內~
香港出錢多係因為地價同好多其他問題而引起,相反大陸少好多依D問題,所以先唔洗出咁多錢,香港出錢多係正常,而收錢方面,路段比人少,收少D錢當然合理,我覺得寫&認同依篇文章既人先係荒謬,膠既人係你(們),高鐵傾左咁多年,如果當年無果斑pk阻住晒反對起高鐵,香港就跟本唔需要拎600幾億出黎起高鐵,邊個膠?自己諗下啦.
哈哈哈哈哈
原來上海的地價，同河南呀河北的郊區地價係一樣o架！
所以人地合股就係因為地價一樣，香港的地價就唔同呀！
仲有原來係香港人極度急需用六百六十九億駁過去起o架！
香港冇鐵路可以接駁大陸的高鐵o架！唔知仲使唔使過關呢？
直通車？拆左佢啦，唔存在o架！
講多無謂，你立即同我地合股做生意啦，至多我地專買高鐵股票啦！
樓上果個匿名，癡膠花果個係你咋，起鐵路，當然係用出資多少來分賬，最起碼大陸既京津鐵路係咁，講到明點分(當中包括有出錢既國有銀行)，係香港先俾人搵笨既姐，你唔識野就咪發膠音啦。
討港賊檄 . . .
1. 奉承天道, 弔民伐罪, 謹以大義佈告天下：
2. 竊以朝有奸臣，甚於盜賊；署中酷吏，無異豺狼，利己殃民，剝閭閻以充囊橐，賣官鬻爵，進諂佞而抑賢才；以致上下交征，生民塗炭。富貴者稔惡不究，貧窮者含憤莫伸，言者痛心，聞者裂眥。
3. 即以高鐵撥款一事而論，近加數倍，十三年之稅，變相上繳中央，重財失信，挖肉敲脂，民財竭矣。漒盜四起，嗷鴻走鹿，置若罔聞，一地兩檢，割地賠錢26億，視為常事，民命窮矣。
4. 朝廷恒舞酣歌，諱亂世而作太平之宴，官吏殘良害善，掩毒燄而陳人壽之書，萑苻佈滿江湖，荊棘遍叢道路，民也何罪？遭此鞠凶！我等志士仁人，傷心惻目，用是勸人為善。. . .
樓上果個"香港出錢多係因為地價同好多其他問題而引起"匿名，我太想同你做生意了，香港地價咁貴，我賣磚嘅，啲磚我出哂，啲地呀人工呀你比喇，我唔貪心，我七你三，點話丫！白...........
其實衰野都唔止呢單架la! 政府為左攔截保護維港協會既司法覆核, 趕快將中環一段"臨時填海", 該工程冇按正常程序招標, 投唔到標既某廣東省窗口公司控告港府程序唔公平,呢單案仲鬧上國際法庭,結果港府敗訴,賠左幾多錢俾呢間公司真係冇人知!政府當然唔俾得人知la,大家屌爆政府之餘不妨屌埋廣東省班表叔,廣東省素來同香港唔妥,千祈唔好當呢班人係同胞,唔搵你笨,唔搞你算掩鼻笑!
"相反大陸少好多依D問題"
緊係! 大陸收地駛乜賠呀?! d工人開工連份保險都慳撚埋la! 大把人俾中共搵老襯都冇得出聲嘛,緊容易架!
"香港出錢多係因為地價同好多其他問題而引起"
高鐵收地開支僅為20億,
669億除去20億費用只餘649億,
平衡報導: 由於高鐵香港段根本上是特衰政府自己搞出來, 如果係內地鐵路部搞的話, 好可能會揀個做價無咁高的方案添,
(換第二個地方, 或者唔用全隧道建築)所以用投資額又唔係太合理...
特衰政府係想自己搞高鐵?
梗唔係啦，係收到中聯辦指令呀
問題係，你果班官代表香港人，定係代表中聯辦呢？
1911 辛亥革命 wiki
1911年 5月8日，清朝廷成立皇族內閣，顯示出清統治者毫無立憲誠意，令各地立憲派大失所望。
5 月9日，清政府實行鐵路國有政策，宣佈收回由民間出資建造的粵漢鐵路、川漢鐵路。 這一舉措, 引起湘、鄂、川、粵四省各階層的強烈不滿，掀起了四省保路運動，尤以四川最爲強烈。
保路運動釀成民變後，端方奉命率湖北新軍入四川鎮壓。此時，武漢新軍大部被調入川，武漢的防務非常空虛，革命黨人認爲這是發動起義的好機會。
10月9日 共進會人孫武在漢口俄租界寶善里14號 秘密製造炸彈時發生事故，孫武被炸傷。俄國巡捕前來搜查，受傷的孫武和其他人脫逃，但起義的文件，旗幟等被搜走。
湖廣總督瑞澂聞得此事後下令全城戒嚴，搜捕革命黨人。文學社負責人蔣翊武聞訊後，決定當夜發動起義，並派人給各營送信。當日晚彭楚藩、劉復基在起義總指揮部被捕、楊宏勝在運送彈藥的路上被捕，10月10日 晨三人被斬首。
1911年 10月10日，程定國(舊說是熊秉坤較為正確 ) 發出武昌起義的第一槍，起義士兵首先發難, 攻佔楚望台軍械庫，繼而深受文學, 社共進會等革命團體影響的大部分新軍共同響應。
吳兆麟、熊秉坤率起義部隊攻打湖廣總督府，在南湖炮隊的炮擊下，起義軍在次日黎明前，佔領總督衙門，湖廣總督瑞澂逃走。
re: 廣東省素來同香港唔妥
and their politics are often dominated by non-cantoneses
政府都on x 既，全部起隧道乜野都貴啦。
計我話一於全部起高架鐵路啦。
核突d 之嘛，最緊要平！
6百幾億我都有份wor，唔係咁貴都買呀嘛？
都通過左可以有灣轉咩 ? 事實擺在眼前香港人又無投票否決權 , 民建聯又出賣選民意願 , 其實重有咩可以做 ?
大明洪武十五年（1381)，朱皇帝命戶都榜諭兩浙江西人民曰：為吾民者當知其分。田賦力役出以供上者，乃其分也。能安其分，則保父母妻子，家昌身裕，為仁義忠孝之民，刑罰何由及哉！近來兩浙江西之民多好爭訟，不遵法度，有田而不輸租，有丁而不應役，累其身以及有司，其愚亦甚矣！曷不觀中原之民，奉法守分，不妄興詞訟，不代人陳訴，惟知應役輸租，無煩官府，是以上下相安，風俗淳美，共享太平之福，以此較彼，善惡昭然。今特諭爾等，宜速改過從善，為吾良民，苟或不悛，則不但國法不容，天道亦不容矣！
當時的兩浙江西，與中原内地相比，就是錢糧充裕，經濟繁榮。不過刁民太多，不似中原的順民那樣“上下相安”。正如皇上所講，“多好爭訟，不遵法度，有田而不輸租，有丁而不應役，累其身以及有司，其愚亦甚矣！”。皇帝老子眼裏，老百姓理應貢獻一切，喂飽主人。至於其他事，根本無權過問，否則就是大逆不道，為“國法”與“天道”所不容。
至於香港主其事的奴才們，連皇上的奴才的奴才都要巴結，算起來，不過是三等奴才而已。
林兄吾有一友發高論望你指教:
1.叫佢讀左營運學先啦
2.呢d情況係商業社會如果作為長線營運 係正常 好啦如果真係計45蚊比左大六 但佢米果段路明顯比香港長 咁點營運?
3.佢自己打嫁 分開大六一段同香港一段 姐係香港自己照顧自己啦 咁大六果段路明顯比香港果段長 營運一定比香港順 分45蚊 點生存?
貴*
4.我講緊大六自己營運大於香港
數學only
請手下留請唔好X得太勁......
其實．．．係咪應該計埋有關地產項目收益？呢D係邊個袋o既呢？
係大陸,圈地唔駛賠,工人意外唔駛賠,保險都慳埋,咁真係做乜野都可以好有效率喎?! 咁點解大陸唔係Productivity世界第一呢??? 佢地既生產力,唔係靠科技創新,而係靠壓榨,大家認為咁既強國,work咩?!?!?!
博主完全理解错了高铁的投资。香港和内地不是合组公司，而是分别建设各自境内的高铁部分，各自承担各自投资的盈亏。高铁营运的时候收入的分配自然要依以往的惯例来，不能因为某一方的成本高和投资多就要求多分收入。如果一方亏损那么就应该不建。
如果香港一定执行新闻中所讲的按客源分成的脑残方案的话，那结果就是内地的高铁火车只到深圳，不走香港这一段。没有一家公司会因为走35公里的路而付给75的收入的。
内地不是冤大头，没理由为香港的高铁建设埋单，而香港更不应该有内地应该事事照顾香港的思想。
其实香港真正应该反思的是为什么35公里的高铁建设成本如此高。而内地的高铁网络没有香港这30多公里基本上是没有任何影响的。
「博主完全理解错了高铁的投资。香港和内地不是合组公司，而是分别建设各自境内的高铁部分，各自承担各自投资的盈亏。」
強迫香港人建高鐵的是中共，強迫香港人出錢建高鐵的又是中共，香港根本沒有高鐵的需要，支持的都是中共的傀儡舉手機器。
對呀，上海高鐵也不應建到北京，建到天津就好了，沒有人為了天津和北京之間的距離，來再建高鐵的！（如果用閣下沒有需要建到香港的理由）
我十分支持，香港根本不需要高鐵，因為只要落馬州接駁西鐵就可以了，西鐵大量容量多餘！
不能生存的生意，建來作甚？
日本的人工島工程嗎？
《完》
Re: ab
香港人反思為何成本那麼貴,因為我們還是一個法治的社會!收了地還是要合理賠償受影響的居民,而不像鄰近地區般圈地收地無法無天
你回去告訴你的同胞吧:香港根本不需要高鐵,我們沒有興趣融入大陸,河水不犯井水,最好少來往吧,你們不來香港消費,不來香港買房子,最好吧!那我們可以專心於經濟轉型,無須再吸地產這類經濟鴉片,地價平了租金下調有利各行各業再生,社會財富不再由幾個地產商壟斷,我們的下一代可以合理的價錢買樓,無需再做無殼蝸牛,香港的市容衞生亦會好得多!
拜託!就像六七年代香港經濟起飛,都沒有中國提攜,沒有你們,我們的日子過得愉快多了!
秦始皇推行「車同軌、書同文」以便中央集權。今天的秦始皇們，點會理會香港是否真有高鐵的需要？如果要高鐵停在深圳河畔，如何體現統一的形勢？哪怕是表面上的「統一」，亦不惜代價，何況有冤大頭出錢？
因此香港特區官員只能政治掛帥，完成上邊交戴的「政治任務」！
最近網上反社民連的鍾肇峰Brian Indiana Chung 原來係賊頭, 以愛國之名在香港謀權為實, 他表面親中但背後專打擊其他真正愛中國的新界原居民驚他們上位, 驚影響那些大陸新移民在香港的愛國專利 ,最近我被反社民連的精神病患者鍾肇峰那班同謀人身攻擊,我好驚怎麼辦 ?
我simon ho中學時曽被黑學生打,在facebook上叫人捐錢比我去進修.可能之前話過鍾肇峰反社民連的行為偏激,他send message話我係白痴仔,話會揾人恐嚇我simon .我覺得鍾肇峰報復心好重,怎麼辦 ?應打電話話比葉劉淑儀知嗎 ?
張貼意見