支持及訂閱請按 Like

星期四, 2月 04, 2010

驗樓、驗尿、驗腦

林鄭月娥指出,舊樓問題複雜,主要涉及樓宇設計以及維修問題,目前有4000幢樓齡有50年樓齡以上的樓宇,以後每年亦會新增500幢50年樓齡以上的舊樓,她認為,業主對維修工作責無旁貸,如因樓宇失修而造成人命傷亡,業主亦需要負上沉重的賠償責任。

好一個「業主亦需要負上沉重的賠償責任」呀,林鄭月娥局長,你是在用法律來恐嚇市民嗎?「業主對維修工作責無旁貸」--對呀,這就是香港今日法律的態度,正如「政府高官對市政工作責無旁貸」一樣,為何我們的高官做得再差,都永遠唔需要負上任何責任呢?

最近有位德國的朋友輾轉問林忌:為何香港會出現這樣的塌樓事件呢?為何居然會被「裝修」打穿主力牆呢?難道他們不知道主力牆何在嗎?難道裝修工人沒有圖則來開工嗎?德國的朋友說,在德國每座建築的圖則都很仔細,正如德國人一向的傳統,連納粹當年如何殺人、殺了幾多人,都事事記錄得一清二楚一樣,中國人是怎樣做的呢?

很多年輕網友不知道的是,香港的建築物、大廈問題,簡直就係最離譜、最混帳的事情!早於六、七十年代,多層大廈興起之時,大量住宅樓宇的圖則,和實際建築物根本不符--例如明明圖則寫明屬「公眾地方」的甚麼「圖書室」、「康樂室」,去到最後居然可以被發展商當住宅單位賣出!例如一個商場的中央冷氣系統,居然可以成座都冇入圖則,成座都係「違例建築」!發展商、地產商可以胡亂起樓,起完就賣錢走人,但係買了的業主,就要負上一切的法律責任,這是甚麼道理呀?原來有人製作毒奶粉,賣完畀你間茶餐廳,毒死人之後要餐廳老闆負責?唔係嘛?有冇咁唔公平呀?政府當年驗咩樓o架?點解會批佢出來畀人賣o架?驗樓?邊個唔驗樓?定係驗左等如冇驗,咁驗來做乜?益驗樓的公司?

香港今日的法律,在針對大廈的問題就係咁唔公平;好似許文彪所講,香港的打工仔只係想要一間好普通好普通既樓咋!點解真金白銀供廿幾三十年,明明係貨不對辦,明明係有人偷工減料,明明係有人知法犯法,政府乜野都唔做,政府乜都唔去保障市民,反而話出事要市民負責維修,如果唔維修,就要負上法律責任呢?

就例如林忌見過無數例子,一些根本「非法賣出」的單位,本身沒有入到圖則,要畀錢,就話要佢地維修畀錢負責任;但係政府咩資助舊樓業主維修呢,呵呵呵,原來係冇份o架!特區政府的安排就係,單位冇入到則,政府一個仙都唔會資助!咁佢地又可唔可以話,既然都冇入到則,佢地又唔使夾錢呢?佢地個單位有野跌落街打死人,咁邊個賠呢?哦,原來就要小業主夾完錢維修執地產商的手尾之後,仲要小業主夾錢去打官司!好偉大的政府呀!地產商賺完最多的錢,負最少的責任,衰哂就搵小市民來祭旗,好公義呀!好合理的制度呀!

點解政府民望咁低?點解市民怨氣咁重?望下你地自己做過乜野啦!一層樓倒塌,政府查都未查,就一口咬定係「舊樓失修」--包括 04 年都明明驗過樓,仲有表面證據同裝修有關,佢地都立即要全港五千座舊樓的小業主,唔理三七廿一人人夾錢去驗樓!咦,好緊張市民的生命安全喎呵?

再比較一下,全港幾千架車死火,隨時撞死小市民,哎,政府有冇要求全港的油站間間驗油呢?哈哈哈哈哈,冇呀,唔可以公布呀,因為「太大影響」呀!你地小市民不如人人驗車啦!油站驗油?地產商驗樓?高官驗腦?發夢啦你地!千錯萬錯,一定唔係大公司、大企業的錯,一定唔係起樓的偷工減料,一定唔係起樓唔跟圖則,一定唔係非法建築的問題,而係你地小業主「保養不善」,包括近年果批「新豪宅」,入伙幾個月就已經又跌磚又漏水,全部都係你地班仆街小業主抵死!保養不善呀!你地唔負責任呀!你地唔畀錢去「驗樓」,唔畀錢去保養呀!

因此政府而家就要推出「醫療融資」,因為你班仆街小市民冇「驗身」,個道理一樣o架!你地班小市民一個二個老野唔保養,搞到隨時仆街死在路邊,因此要你地夾錢人人驗身,以免影響市容,以免影響中共高官來港掃貨的心情,明冇?就好似 d 樓舊左唔保養累死人,因此要大家夾錢保養一樣,你地 d 小市民老左唔保養,都會累死人o架!因此大家要夾錢,齊齊搞醫療「融資」,去「用者自付」呀!明唔明呀?高幹鐵路就畀 669 億,700 萬市民的健康就只畀 500 億,明冇?

就正如製造毒品、販賣毒品的黑社會,今日唔少同中國共產黨一家親,打擊毒販不力,哎,捉青少年去驗尿驗毒啦!連品學兼優的,一世唔吸毒的,都一樣要驗尿!點解?因為驗尿的就係冇反抗能力的小市民!你試下叫佢去驗下d 黑社會的戶口呀?你試下叫佢驗下幫中共太子黨洗黑錢果班商家呀?你話呢?

你呼吸就污染香港,你上網就製造電子零件污染地球,你買樓自住就日久失修累街坊,生活在香港,而唔係有錢佬或者達官貴人,就係一種「原罪」--鬼叫你窮呀?鬼叫你冇後台呀?你仆街啦!死果時記得要「用者自付」呀!應該徵收「收屍費」!又或者要立法強制通過,好似禁止議員辭職一樣,要恢復幾十年前禁止市民自殺的法律啦!哈哈哈哈哈!!!!!

伸延閱讀:
陳大文--從舊樓倒塌引發的「舊樓浩劫」
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    2 個月前

最近文章

再次伸延閱讀