支持及訂閱請按 Like

星期二, 1月 19, 2010

又一抹黑示威者之記者現形記

據稱一位商台記者在「創作」完一篇題目名為「支持高鐵人士為免衝突提早離開」的「新聞」之後,寫下了一段 facebook note,精華節錄如下:

「一見差人就嗌差佬打人, 見人就撞, 警察企係度又叫人食屎狗, 又叫記者攔開. 訪問你地, 想報導你地有咩訴求, 又鬧記者,又話唔接受記者訪問, 咁你地想點? 對唔住, 我真係唔知你地做緊乜. 」

點解要鬧記者?望下你自己寫的文章未知囉;為何記者和警察都「變成了食屎狗」?因為香港新聞業有大量害群之馬,就和政府一樣,不斷雙重標準--人地就要「中立客觀」,自己就不斷違反新聞中立作野。

「對, 政府好遲提交資料, 但. 你們零五、零六年, 沒有好好監察, 你們是有責任. 當初你們是有份舉手, 提出專用路軌, 提出西九總站方案的. 今日,你們反甚麼?? 」

哈哈哈哈哈,近日有網友說過一句「笑話」:「港女係天生支持高鐵o架!點解?因為港女買野係唔睇價錢o架!!!」

唔睇錢,有 LV 袋畀我冇問題呀,不過見到價錢牌,我就一定唔會買之嘛;一個如此簡單的問題,在這位記者眼中居然可以成為「泛民」的「罪名」,點解呢?原因就係咁簡單--因為佢買野係唔睇價錢o架!!!

唔好話本身已經有幾貴,單係一件工程由三百幾億升到六百幾億,升幅近一倍,一個正常人--會唔會再諗過度過呢?嘩!原來幾年前見到個價負擔得起,幾年後見到負擔唔起,係「罪名」,係「責任」呀!

我建議立即減呢位小姐一半人工,因為對佢來講,價錢唔重要的!無論幾多錢,佢都一樣會照簽合約的!如果唔係,就係「不負責任」啦!!

支持高鐵有幾多人唔報,有幾多衝突係來自邊一方唔報,連「聲稱避免衝突」的「聲稱」都可以冇寫,變成當係事實咁去報導「支持高鐵人士為免衝突提早離開」!嘩,好中立呀!好客觀呀!咁反對高鐵人士,係唔係應該有篇報導說:「反對高鐵人士為免衝突延遲離開」呢? 

為何激動的示威者如此憎恨傳媒?望下自己的報導啦,呢 D 叫做「專業」、「中肯」?哈哈哈哈哈!

伸延閱讀:
轉載黃世澤:陳淑薇,請你找Public Editor監督新聞部
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    5 個月前

最近文章

再次伸延閱讀