支持及訂閱請按 Like

星期二, 1月 26, 2010

納粹化?銀行禁止巴籍港人開戶口

有線電視報導,香港金管局最新的秘密規定,尼泊爾同巴基斯坦的人士,即使係持有香港三粒星的身份證,在全香港的銀行都開唔到戶口,既有人連出糧戶口都開唔到,更有學生連交學費的戶口都開唔到。

唔知咩人成日係度吹,話香港冇種族歧視問題呢?原來話佢地係「恐怖主義國家」,就唔畀佢地開戶口!WOW!生活在香港,持有三粒星都唔畀佢地開銀行戶口,簡直可以同當年希特拉打壓猶太人的措施相比呀!

所以說香港已經變成了中共的殖民地,因為香港人的身份原來係冇用的--香港的香港人,原來只要沒有中國籍,就要接受這種不之所謂的歧視!簡直就係荒謬到冇人敢相信!

哦,財政司話搞伊斯蘭金融?哈哈哈,連戶口都唔畀人開,搞咩伊斯蘭金融呢?

又突發更新:金管局稱從無監管指引要求本港銀行不可為個別國籍人士開戶

睇完再爆笑!電視影住銀行拒絕客戶,講明係金管局指引,事後金管局可以話冇。

咁證明左乜野呢?

可能性一:金管局講大話
可能性二:銀行講大話

如果係前者,唔需要多講,大家都知我想講乜;如果係後者?咁我地都要再追問下,金管局究竟有冇監管過銀行呢?

點解雷曼會搞成咁?幾個月前有好幾個人留言話金管局監管得好好果 D,大家未睇下囉!實在監管得太好啦!你睇下只係投訴到幾十宗,電視台上門錄影都見得到,金管局都可以唔知,都可以唔管喎。

不如話開戶口涉及風險,又或者生存涉及風險,市民要考慮過先在香港生活呀笨!
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    5 個月前

最近文章

再次伸延閱讀