支持及訂閱請按 Like

星期一, 1月 04, 2010

雙曾鬥膠

互聯網影響年輕人的生活無孔不入,民政事務局局長曾德成批評,年輕人過份倚賴互聯網尋求資訊,會「欠缺親身體驗,沒有感性認識,難以提升到真正覺悟的層次」,他鼓勵年輕人必須增加各種生活體驗,到真實的世界中學習,再跟校園學到的前人的學問相對照。

香港就係冇乜野多,膠官特多,有位智商一向弱能的曾德成局長,又出來發膠音--年輕人「缺乏生活體驗」?你冇病嘛?定係曾德成你唔知咩叫互聯網,所以又出來亂發音?

年輕人經常用互聯網做乜,曾德成你係唔係唔知呢?舉例說,年輕人經常睇 Open Rice 的餐廳指南,全香港的食肆都去試試,唔知曾德成局長做過幾多次呢?又舉例說,年輕人常常睇外國的旅遊網站,好似林忌咁從互聯網找來外國的地圖,從互聯網下載的軟件,以 GPS 衛星導航,從互聯網在全歐洲直接租酒店、直接租車、直接買機票,唔知曾德成局長又有冇體驗過呢?

林忌前幾天剛在蘇格蘭的高地雪上飛車,在英國本島最北點上網,唔知曾德成局長又有冇試過呢?係係係,有一個地方係冇得從互聯網上體驗的,第一個就係唔知幾時禁止你入境的澳門,第二個係持中國國民(海外)的所謂香港特區護照都無法返去到的大陸--或者持回鄉證返到去唔知幾時被人拉的大陸,的確係冇得從上網體驗囉。

星島:近期「八十後」年輕一代的狀況備受關注,財政司司長曾俊華 亦論及這問題。他不認同年輕一代欠缺向上流動的機會,只是他們的期望比上一輩高:上幾代港人只要生活安穩可以上樓上車就滿足,新一代關注的卻可能是物業會所有甚麼設施、泳池有多大、私隱度是否足夠等等。

曾俊華,你係唔係食曾藥呀?新一代關注有冇會所?你覺得特首仲膠唔夠呀?曾俊華唔止係講緊「第四代香港人」--仲係直接講緊「八十後」,有邊個八十後買得起樓,仲敢大大聲造要買泳池同會所呀?曾俊華,你地 D 高官的仔女呀?

今日「八十後」,連日久失修的唐樓都買唔起呀!作為財政局局長都唔識計數呀?八十後有幾多收入?儲到幾多首期?買得起幾錢的樓?搬去深圳都買唔起樓呀曾俊華!你未病好,就返去睇醫生,唔好同曾德成鬥膠啦癡線!

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    11 個月前

最近文章

再次伸延閱讀