支持及訂閱請按 Like

星期四, 12月 10, 2009

一百個劉遵義畀唐英年法學博士的理由

劉遵義這位「學者」,再一次證明香港人迷信「學者」係有幾咁傻,一次又一次,劉遵義利用佢作為校長的職權,私相授受把大學最尊貴的榮譽學位,用來作政治賄賂--不斷把學位頒畀高官的同時,佢自己就成為行政會議成員,事情擺在眼前的,香港除了官商勾結,政商勾結,仲有官學勾結,唐英年,憑佢的知識憑佢的經歷,佢憑乜野去拿一個榮譽「法學博士」?唐英年對香港的法律有乜野貢獻呢?

兩年前劉遵義頒法學博士畀董建華,己經令公眾嘩然,但衰衰地董建華都叫做做過特首,但係唐英年呢?佢做過乜野同法律有關的工作呢?佢做過乜野對法律的知識有貢獻呢?財政司同法律有咩關係呢?政務司又同法律有咩關係呢?佢在公眾場合示範講「吊吊揈」,講「三碌拎」、講「拍拍蘿柚」,面對議員問佢問題,就答人「我的答案好簡單...係!」的一副乞人憎到爆的輕佻態度,劉遵義憑乜野去頒榮譽法學博士畀佢?對此劉遵義答都答唔到,又係用唐英年一模一樣的睬你都哂氣的態度:「見仁見智啦」。

「中大校長劉遵義就回應,唐英年的工作,深受各界肯定,除中大頒授之外,唐英年已另外有三個博士學位。」

哦,你講緊佢維港巨星匯的工作,定係講緊佢一意孤行要收 GST 的工作呀?定又係講緊唐英年政改的工作呀?一個廢到咁的廢人,一個同法律完全冇關的唐英年,劉遵義都可以不顧廉恥,赤裸裸地作利益輸送,可是我地果班日日話咩誠信好重要,又話咩禮義廉恥道德好重要的傳媒,佢地去哂邊?中大幾十年的聲譽,就畀劉遵義呢種學術人渣,用作買官之用--對法律毫無貢獻的唐英年,佢憑乜野拿榮譽法學博士?
瑞典國王會親自走近高錕頒諾貝爾獎
2009-12-10 HKT 18:15

諾貝爾頒獎典禮今晚舉行,物理學獎得主高錕出席綵排活動,夫人黃美芸透露,因為高錕患病,大會作出特別安排,由瑞典國王親自走近頒獎。黃美芸又說,高錕精神好,好開心,對禮服感到滿意 。

tong同樣係中大校長,一個係九七前,一個係九七後,一個醉心發明光纖也不願收權利金,為人類文明作出貢獻,一個醉心權力年年頒榮譽法學博士畀高官,為共產黨下政權擦鞋上位作賊貢獻,事實證明乜野?中共、特區政府就係世界上最藏污納垢的政權,專門收買、容納呢種無恥之徒,在一遍罵聲下我行我素,吹咩?吹乎?吹咩?吹乎?吹咩?吹乎?吹咩?吹乎?吹咩?

作為有限智商的個人,我地真係諗唔明咩叫「見仁見智」,因此希望大家一齊諗諗,點解劉遵義要畀榮譽法學博士畀唐英年呢?

1. 唐英年係劉遵義玩斷背山?劉遵義:「我的答案好簡單......係!」
2. 劉遵義有意把「吊吊揈」作中大的新校訓
3. 劉遵義新娶的老婆,其實係唐英年介紹的
4. 比起黃宜弘,唐英年的行為更具博士風範
5. 唐英年著博士袍好型
6. 為左證明唐英年比起董建華更低能
7. 為左表揚弱能人士一樣可以得到榮譽博士學位
8. 為左表揚唐英年要把香港兩萬蚊收入的人口搬番大陸
9. 希望見到有人衝上台拍唐英年的蘿柚
10. 為左令大家忘記高錕
11. 為左表彰中大榮譽法學博士全部都係前言不對後語,講野唔算數的欠數人士

後記:
解振華被拒進氣候大會 姜瑜:盼技術問題有效解決
2009-12-10HKT16:14
參加丹麥哥本哈根聯合國氣候變化大會的中國代表團團長解振華,三日來多次被拒進入會場。在北京,外交部發言人姜瑜表示,中方理解出席會議的人較多,大會在人員組織及安全保障方面,承受較大壓力,但同時希望有關技術問題,能夠得到有效解決。

持有大會發出證件的解振華,本月7日在大會開幕當日入場時,安檢人員拒絕他入場。這種情況在其後兩日再次出現。中方已經向大會表達不滿,要求跟進。

評論:哎呀,乜被人拒絕入場好難受咩?你地拒絕丹麥的高志活,仲要佢原機回丹麥都兩次啦,解振華又唔係畀人拒絕入境,又唔係畀人無理對待,你地咁都覺得好難受咩?

伸延閱讀:
天才特首熱門候選人,吹咩?
唐英年一億人毀滅香港計劃
1994 年的唐英年講過乜?
唐英年的和諧迷魂黑廂車

Facebook 群組: 一百個你會答:「我的答案好簡單.....係!」的問題


熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀