支持及訂閱請按 Like

星期五, 12月 18, 2009

「政制向前走」之安心上路

澳門封關慶回歸 曾與陳巧文一齊請願亦禁入境
【本報訊】澳門特區政府迎接國家主席胡錦濤明日出席回歸十周年慶典之際,繼續全面封殺異見人士入境。繼民主黨區議員柴文瀚前日被拒入境後,去年在奧運馬術賽期間展示雪山獅子旗的港人陳浩華,昨亦被澳門以「會危害澳門安全」為由,拒絕他入境。

陳浩華返港後向記者表示,今年曾兩次到澳門都沒被阻撓,又指自己沒與任何政治組織聯繫,不是政黨黨員;行李中也沒反對澳門標語、單張或雪山獅子旗等物品,強調自己是以普通市民身份到澳門旅遊。

由莫須有禁止港人入境,港府卻當冇事發生,到以惡霸態度硬過高鐵,香港已經開始退化到和津巴布韋一樣,變成一個只講強權,沒有公理的社會。

我真係好唔想抽民主黨水,但係民主黨你地對呢 d 無辜市民不斷被拒入境,又做過 D 乜呢?點解柴文翰被拒入境,都冇一個民主黨的立法會議員,在立法會發起討論,要求邀請澳門的權貴上來香港的立法會解釋呢?點解甘乃威被人查,你地班友就為自保投棄權票,但係而家成班市民被拒入境,你地卻唔可以學到保皇黨的一成--抽下水,走去搞大件事,有咁大得咁大,公布畀全世界知道呢?

絕食?靜坐?五毛黨同你絕食靜坐,你又會唔會收回普選的要求呢癡線!識得講人唔識講自己,而家係直頭連自己的黨員被人欺負,卻乜野都做唔到,作為泛民的第一大黨,其實有冇少少羞恥之心?而家公民黨、社民連話忙於補選啦,其他問題民主黨可唔可以做下分工?可唔可以全力谷下做正經野?

中共呢個組織,就好似黑社會一樣,擺明欺負你--「一國兩制」?點解 1999 年之前,香港的正經人家從來唔使擔心去唔到澳門,而家反過來,黑社會仲易過正經人家去澳門?乜基本法唔係保障左香港人的示威自由、結社自由咩?乜香港唔係「一國」的嗎?點解同樣係「特區」,原來呢個時候就「澳獨」、「港獨」--哎呀,唔關中央事喎!
中聯辦密會保皇派【本報訊】公民黨前晚宣佈參加「五區總辭、變相公投」的同時,廿多名保皇派立法會議員被揭在民建聯監委會主席楊孫西的寓所,與中聯辦正、副主任彭清華和黎桂康等人密會逾兩小時。有與會者承認,他們就政改及五區公投交換意見,彭清華又指未來幾年將會是政制爭拗最多的時間,對保皇派議員能進行更多協調感到十分高興。

哈哈哈哈哈,就正如中央口口聲聲香港高度自治,先有劉廼強之流,係度話咩公投應該搵十三億人,畀練乙錚串到佢一棟都冇,再有中聯辦出面,去「協調」保皇黨--噢,以前中央干預香港的選舉,都仲掩飾一下,如今卻擺到明當眾話畀大家知,保皇黨只係一群中國共產黨控制的人形木偶!繼江交棒之後,又來一次彭協調,對進行更多協協呀,調調呀感到十分高興! WoW!哎呀,真高興呀!一班契弟擺到明見老闆,以後仲有咩人口口聲聲話自己保皇黨唔係中共的走狗者,記得要回帶到呢單新聞呀!
隔牆有耳:萬子埋堆撐政改
2009年12月18日
性格暴烈嘅藝人萬梓良(圖)好耐冇喺香港娛樂圈蒲頭,估唔到佢最近復出,唔係現身螢幕,反而涉足政壇。由左派吹雞搞「政制向前大走大聯盟」,一如所料成員都係熟口熟面嘅愛國愛港人士,最大驚喜應該係喺《流氓大亨》入面流住口水鼻涕對 Do姐大叫「 So what!!!」嘅萬子哥。萬子曾經身穿「血衣」抗議無綫高層管理不善,原來佢對政改都熱血沸騰。
「漫畫大帝」黃玉郎都係大聯盟發起人之一,大聯盟發起人鄭耀棠冇透露點解上述兩人加盟,其他成員乏善可陳,梁振英、譚耀宗同吳光正呢啲係膽,拖幾隻腳包括查史美倫、李國章及劉皇發,聯盟之中至少有三對兄弟檔,包括田北俊同田北辰,霍震霆同霍震寰,以及廖長城同廖長江。

香港保皇黨班契弟抄人唔使本一次又一次,重災區當然係「政治正確」的國民黨口號;近兩年中國國民黨全面親共,例如行政院長吳敦義偷偷來香港,居然係來見香港最不受歡迎人物之一的梁振英;於是無恥鬥柒頭之下,保皇黨班契弟再次打出馬英九競選口號「向前行」,改做「政制向前走」,唔使畀 credits,且膠到冇朋友。

一聽到呢句口號,林忌就忍唔住笑了;台灣選舉果排,連作為親馬英九的小弟,都覺得呢句口號實在唔掂,笑都笑左好耐,偏偏香港班廢人自有廢中手,抄口號都要抄句廢的,又來甚麼「向前走」,廣東話真係好順口呀!哈哈哈哈哈哈

順口順口,隨手就爆一句順口溜:「政制向前走,普選倒後嘔,呃神又騙鬼,汪汪精衛狗!

國軍的向前老前輩,林忌是非常敬仰的,可是在香港用「向前」作為口號,唔知警方會有咩感覺呢?其實佢地呢個組織,係唔係同新 X 安有關係?呢一刻林忌感到好不安,我地需唔需要報警,話畀警方知道,香港政界中人懷疑組成一個三合會組織呢?定係原來,警方最愛就係選擇性執法,賣 14K 金的潮 Tee 就犯法,呢班友打出「向前」的新系旗號,就合法?

政府隱瞞高鐵搞亂彌敦道塞爆油尖旺
【本報訊】立法會財務委員會今天討論廣深港高速鐵路撥款申請,有民間團體發現政府企圖瞞天過海,一直對議員及市民隱瞞高鐵西九站對油尖旺區的負面影響,包括彌敦道交通將有翻天覆地的改變,沿線有 3個主要路口需大規模改道,將大量車輛及巴士帶入橫街,至少有 6個路口料將出現塞車,居民的生活大受滋擾。

在外國有呢 d 事,個政府必定下台;相關議員下次選舉一定死梗,在香港?只有中共撐腰,無論做咩傷天害理殺人放火的事都唔怕,萬大事都有阿爺出手,黑可以說成白,白可以說成黑--我地班契弟議員佢地人人都好忙--哎呀,趕住走呀,要渡假呀,所以六小時的會議,阻佢地發達呀!

係囉,佢地六分鐘都抽唔到去聽市民意見,總之一句:高鐵好重要,夠o架啦,唔需要解釋,亦唔需要聽民意,佢地想點做就點做,吹咩?就好似黑社會一樣,佢惡哂,呢班無恥議員同黑社會有咩分別?有,黑社會都仲有好人,都仲有良知,呢班中共走狗的下三濫跳樑小丑,佢地有半分良知咩?六百六十九億的公帑就咁倒落海,幾廿萬樣香港等住佢地解決的事都唔做,事實證明,佢地連黑社會都不如。

俱往矣!今日的香港已經變成一個九流的城市,一個沒有正義,也沒有公理的地方,這就是為何成班年青人嘈生哂,話想走要有「居歐權」的真正原因;香港人要走有好多方法,但係根本走唔開--上一代老人家唔肯走,後生仔想走,咁易咩?你估真係好似 D 老鼠咁,為左蛋糕福利而走人?

同一班上世紀在英國讀書,唔知咩叫《歐洲人權公約》的人講人權,簡直係浪費光陰;講法理--香港島就和直布羅陀一樣,是戰爭的割地;直布羅陀於 1713年,為西班牙皇室割於英國皇室的《烏得勒支條約》所割讓,直至 1830 年,才「正式」成為英國的殖民地,只比香港早 12 年。

就和香港島於 1842 年的《南京條約》,由清皇室政府割予英國皇室一樣,兩者都是戰爭的和約,兩者都是「大蝦細」、「強勝弱」的和約,如果說《南京條約》是不平等條約,《烏得勒支條約》同樣是不平等條約,直到今天西班牙政府都不予承認,到今日都追緊英國歸還直布羅陀。

咁點解直布羅陀可以舉辦公投,去決定佢地係跟英國定係咩國,而香港島卻唔得呢?點解香港島的英國護照,卻沒有直內羅陀人所擁有的居英權利呢?這是甚麼原因?就是赤裸裸的種族歧視,乜中國人唔係話帝國主義欺凌嗎?咁點解爭取平權,又變成了五毛黨追殺十萬八千里的大忌?點解 BNO 平權,會變成英帝主義者,同中共聯手欺壓港人的政治追殺呢?

英帝無恥走數,怕你成班移民英國;中共就無恥走數,承諾普選永冇兌現,因此香港人,無論係持英國護照、BNO、或者特區護照,結果都無理失去投票權。港英論壇的主力多為已擁有外地居留權的人士,林忌當然唔敢代所有人講佢地的諗法,但係據我所知,很多人包括林忌,爭取「居歐權」的最重要目的只有一個--就是要爭取在香港選舉歐洲議會的櫂利,單是居英權的五萬個家庭,目前香港已經擁有幾十萬人,原則上擁有歐洲的選舉權;而爭取歐洲的選舉權,就係爭取香港民主最有效的間接路線,試問一聲如果香港有三百萬人可以選歐洲議會,卻冇權普選立法會同特首,結果會如何?中共就會醜過北韓,成為國際的最大笑柄。

不幸的今日的西方充斥著無能政客,冇幾多個敢好似列根咁為人類文明作出貢獻--就好似 1930 年代的張伯倫之流,不斷姑息納粹,不斷始息獨裁政權,最終會點?全人類一鑊熟囉!

係係係,班立法會大帝人人趕住去渡假,林忌冇咁快走人,但嘔了半年血,聖誕節也要去歐洲休息番半個月,以恢復身心健康;當然會每日抽番一個鐘來寫 blog,但被人投訴次次去到旅行都日日寫稿,又係有少少對唔住林忌背後偉大的支持者,但唔寫又對唔住讀者......兩難哉!

但無論如何,請下午一點半,包圍立法會反高鐵!669 億倒落海,你地係唔係諗住由呢班走狗為所欲為呢?
這個小工具發生錯誤

熱門文章

這個小工具發生錯誤

最新文章

  • 本土派的六條命題 - 經《本土研究社》的陳劍青推介,讀到今日維基百科關於「本土派」的條目,真係唔識就嚇一跳,識就得啖笑,成個條目連最基本的還原歷史事實都不會,似足中共版本的「抗戰史」,把國民黨一筆刪去般,把所有非「熱普城」的本土歷史全面刪去。 這種所謂的「本土派」,又和他們口中的「中國人」有咩分別呢?其人格是否可以更為低劣一些?「本...
    5 個月前

最近文章

再次伸延閱讀