支持及訂閱請按 Like

星期五, 12月 11, 2009

香港全靠知恥近乎勇

香港舉辦東亞運動會以來,唯一一樣叫人印象深刻的,就是香港的一班年輕足球員,一星期內連敗南北韓,完成 Mission Impossible,進軍決賽。

香港的球迷,你們等待這一天,等了幾多年?

冇錯,今次東亞運擊敗的南韓隊,只係一枝拉雜成軍的 K2 球隊;當初賽香港以 4:1 大勝南韓的時候,令大家都嚇呆,內地媒體更紛紛報導--連香港都可以大勝 4:1,只證明了南韓隊太渣;結果呢?中國國奧隊面對南韓時,以零比三落敗。

參加此次比賽的南韓隊,集中了南韓K2聯賽的青年隊員,K2聯賽不屬於職業隊,基本由學生組成。首場比賽,他們上來就是大比分輸中國香港隊,當時中國國奧隊主教練劉春明曾經感到吃驚。三天后,更吃驚的事情發生在他身上。在下半場比賽中,南韓隊連進3球擊敗中國國奧隊。

南韓隊“山寨”,中國隊是標準的國奧隊,當然因為傷病球隊缺少了張遠等幾名主力。不過即使這樣,中國隊此次也與日本隊一起被看成奪冠熱門。或許正是因為感覺實力差距太大,昨天只有1000多名觀眾趕到小西灣體育場觀看比賽,這些球迷有了眼福,他們看到了中國歷史上最差國奧隊的表演。這支國奧隊已經集訓了一個月,期間去越南參加了熱身賽,並且一直在廣州訓練,應該找不出太多客觀原因。」

那些天天說背靠祖國,乜都話中國有十三億人就大哂的人,可唔可以出來解釋下,為甚麼中共傾全國之力,就係搞唔好一隊足球?點解十三億人口,唔通連搵廿二個踢得波好過人的球員都搵唔到咩?呢件事證明左乜野?

鐵一般的事實證明了的,就是以量,不一定可以取勝;足球就是一個最好的例子,需要高度的戰略、戰術運用,需要高度的體力與技術,而最後一點,就係高度的鬥志、心理質素、以及團隊精神,而後三者,一向就係中國人最差的。

由柏楊寫《醜陋的中國人》講窩裏反,到現實國足的種種醜聞,我們看得到,即使人再多,錢再多,沒有一套良好的制度,沒有一套不腐化的管理,沒有一種高於物質追求的精神,在最高層次的決鬥之中,必定敗下陣來。

當年創立亞洲四小龍的香港,就係咁殺出一條血路!當年香港的繁榮,就係建基於呢種創新、合作、以及接受西方文明洗禮,脫去醜陋中國文化結的果;香港人靠乜野呢?靠的就係自己,靠的就係創新,靠的就係反傳統、反建制、做人地做唔到的,諗人地諗唔到的,這才是真真正正的香港精神。

點解今日香港搞成咁?你望望我地政府果班係咩人?你望望而家果班「名成利就」的商家,全部係咩人?佢地仲有創過新咩?佢地仲有鬥志咩?佢地今日除了互相吹捧,搞小圈子,擦內地官員鞋之外,做過乜野?就係日日同你地講,要咩「背靠祖國」,要咩「靠十三億人」。

結果會係點?就係十三億人做得起,都唔到你;就係內地發達,你仆直;香港的優勢係國際化,可是呢班人卻不停要搞大陸化,去兩制,搞一國,死路一條。

香港足球其實就係香港的一面鏡子;八十年代係威係勢,去到九十年代,就同流行樂壇一齊搞「原創」一樣,走去禁外援;外援禁絕了,然後球壇、樂壇、報章、電影全部都變成小圈子,由一班自己友你吹捧我,我吹捧你,玩跟風、玩政治,全面腐化;就好似亞視一樣,次次都大大聲話要改革,最尾永遠雷聲大、雨點小,點解改來改去都唔得?因為中國人先天果套醜陋文化,好快就好似國足一樣,腐蝕入骨;上樑不正下樑歪,由上至下一齊腐爛,結果就係死直。

點解今次東亞運,港足會有好成績?望望南韓藉的教練講過乜野,大家應有啟示:

2009 年 11 月 20 日--教練金判坤向球員表示,對「大港腳」前晚0:4不敵日本後還能有講有笑感到極度失望:「如果我踢比賽輸了4球,我實在沒面子去乘地鐵。昨(前)天,我很難鼓起勇氣踏進地鐵回家去,我感到羞恥。你們知道昨(前)天的情況嗎,沒有球員感到羞恥,作客輸0:6後也是這樣,我真的很傷心,但我仍要選他們進香港隊,因為他們還比你們(東亞運隊)優秀,我希望你們再進步,將來挑戰老大哥。

金判坤稱前晚輸波後曾想過放棄執教港足,他向東亞運隊球員說:「也許我是一個垃圾教練,教不到你們足球技術,但一定可以教你們做人的態度。我由8月起不斷跟港足球員說專業態度,但到現在也沒有太多改變,如果你們沒有進步,將來很難為香港足球帶來改變。」

點解南華可以踢入亞洲足協盃四強?點解港足可以一星期連續擊敗南北韓?答案仲需要問嗎?事實證明,答案就係咁簡單--知恥近乎勇;每個民族都有好多優點同缺點,而中國人最差的一點,就係人人都係差不多先生,做事馬虎得過且過,永遠追求走精面不負責任;金判坤多謝你,因為咁多年來,香港就係欠缺左你呢種人材,去教育香港隊咩叫做「羞恥」,去證明畀全世界睇,香港隊唔係垃圾,而且在唔需要「背靠祖國」的情況下,都可以做到自己的最好!

鍾民杰﹕高鐵不賺錢?
看看有如上文一樣,香港這麼多年來,就是被這些似是而非的概念欺騙多年;高鐵唔一定蝕錢,但係香港的高鐵就必定蝕錢!點解?因為日本的建造成本,係香港的幾多分之一?而家香港要畀六百六十九億去起廿六公里的鐵路,平均幾多錢一公里?呢位「香港理工大學中國商業中心助理研究員」鍾民杰,就有如呢十幾廿年來,天天呃香港人的方法--不斷偷換概念,玩弄修辭去呃香港人!高鐵的利潤,係唔係以建造成本來分呢?係唔係出得愈多錢,就分到愈多股份同利潤呢?當呢班友日日講話咩高鐵將來可以有幾多利潤的時候,關香港人事咩?關香港事咩?

事實擺在眼前,高鐵只要起到落馬洲,要來香港的人一樣會轉車入來,因為要過關、要消費、要報海關,連鄭汝樺都承認冇法做到一地兩檢;得廿六公里的路,用天價去起就絕對唔合理!

呢班人就同之前講大陸足球的一樣,乜都話大陸有幾多人口,乜都話大陸有幾強大的市場,永遠以為數量就可以有優勢;對,數量有優勢,或者都可以帶來優勢,可是這些機會是你的嗎?香港人,大陸人的數量優勢,是你的嗎?香港人,你仲要畀班人渣呃到幾時?可唔可以醒醒,學學金判坤與香港隊,學識咩叫「知恥近乎勇」,而唔使次次輸波賴地硬?學識唔好再幻想要「背靠祖國」,而終於決定走自己的路?
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    7 個月前

最近文章

再次伸延閱讀