支持及訂閱請按 Like

星期四, 12月 10, 2009

陳茂波對年輕會計師的最後一擊

立法會議員對調查甘乃威事件意見紛紜
09.12.2009 16:03

立法會內會主席劉健儀在立法會上,提出譴責民主黨甘乃威,無理解僱女助理的動議。獨立議員謝偉俊就提出終止議案,要求停止調查。民主黨的甘乃威,重申無因為求愛不遂而解僱女助理王麗珠,並公開女助理被解僱前三個月,對她的工作監督紀錄撮要,包括提到對方,拒絕出席一些會議。甘乃威說會配合調查。 部分議員贊成調查事件,亦有人反對。其中會計界的陳茂波說,今個月初,王麗珠公開一份陳情書,內容跟甘乃威的說法,有很大出入,因此改變立場,支持調查事件,還各方一個清白,否則便是不公義。

當年輕的會計師人人擔心緊自己冇左份工,不停放所謂的「 no pay leave 」,實際上卻要在家用自己的電同設備在家做公司野的時候,我地有位垃圾到唔垃圾的陳茂波,走去浪費納稅人的公帑,去調查一件冇原告的桃色糾紛。

泛民主派對呢種冇天理的行為,一點都唔識玩;點解唔發動群眾要求立即調查李國寶的婚外情,再調查霍震霆的離婚案,再調查曾鈺成的新任妻子,和佢的工作有冇關係?一年前雷曼事件初初發生果時,大家記唔記得呢班契弟講 D 乜?成班保皇黨人人話咩立法會唔應該干預司法云云,一年後甘乃威和助理的私人糾紛,點解佢地又要干預?乜立法會又變左法庭咩又?

當陳茂波「好得閒」,走去理人家事的時候,佢充耳不聞而家年輕會計界的聲音--幾個公共專業聯盟執委委員、香港會計師公會會員,投書明報,踢爆會計界又搞假咨詢,偷偷摸摸打算簽賣港協議,令以後大陸來港上市的公司,唔再需要由香港的會計師做佢地新上市的申報或上市後之每年審計工作--嘩!香港點解係國際金融中心?就係因為我地有可信可靠的審計的制度,有高度的監管,有幾十年的可靠度,令國際投資者放心投資;為何大陸的股票要來香港上市?為的就係國際的信任--中國共產黨的監管,有幾多人信呢?連奶粉都可以管到咁,連地震後的重建都可以係豆腐渣,中共一日冇民主冇自由,上海在呢方面,永永遠遠都冇可能追得上香港。

偏偏我地香港就係有呢 d 賣港賊--要把香港金融中心的最後優勢雙手斷送,理由令人發笑:「陳茂波認為,世界上沒有一個國家能容納兩個金融中心,面對經濟環境變化和挑戰,香港必須放遠眼光,並制訂未來十至十五年的具體發展策略」--乜唔係話中國好很大,中國人口特多咩?點解歐盟都可以有幾個金融中心,但係成日話乜都例外,又可以唔行民主,又可以冇自由的中國,突然間又乜都唔得?

陳茂波:「如果落實港交所的建議,內地註冊公司即使在港上市時,只需採用內地會計準則的帳目以及只聘請內地會計師行核數。他認為,接納內地會計準則以及認可內地會計師行已是大勢所趨,如果香港抗拒有關建議,內地企業也可以選擇不來香港上市」哈哈哈哈哈!內地企業可以唔去美國做生意添!拉內需就得啦,內地企業可以登月,可以上火星,可以在冇自由、冇民主、冇任何監管,令到全世界相信!香港的優勢,原來係同大陸合併?香港優勢,原來係乜都用大陸人就可以解決問題?

對,內地會計師可以收香港人的人工來香港做野,香港會計師都可以收大陸人的人工,返大陸做野o架;我地呢 D 所謂代表業界,代表專業人士的代表,原來係咁樣去代表佢地的會計界的;哈哈哈,譚香文係膠--包括在王麗珠件事膠到冇朋友,但最起碼唔敢同意埋呢 d 無良地到飛起,把年輕會計師份工都推到冇埋的事情掛?

末日近了,香港年輕人的前途,各行各業都全部被中共吞噬了;點解新加玻可以唔使同大陸合併,卻做到金融中心?點解新加玻可以唔使同大陸合併,都可以保持到工業?中共與佢地的代理人,一直都係度講大話呃香港人--香港的未來,從來唔係靠咩「背靠祖國」,而家香港變成了當年的意大利城邦熱拿亞,又或者威尼斯,成功在於其和大國分離,消亡在於其被大國吞併;比較新加玻和香港,當可以得出一個結論--點解新加玻做得到,香港乜都做唔到呢?由九七回歸以來,中共係香港做 D 乜?

新加玻係一個專制的家長政府,但係李光耀卻係真心為新加玻人;香港都係一個專制的冇民主政府,但係由董建華到曾蔭權,卻全盤出賣香港人;功能組別的所謂議員--有如陳茂波,佢為業界爭取左乜?佢為年輕的會計師做左乜?原來係簽訂賣港協議,把香港最後幾個有得做的行業,都賣埋畀大陸人!

對,所以屋話冇錢起,學位話冇錢加,有病話冇錢醫,塞車話冇錢改善,環保話冇錢搞,所有的錢--大拿拿六百六十九億,就用來起條高幹鐵路!一百億就可以增加 9% 的大學學位,由 18% 增加到 27%,佢地話冇錢;五十億就可以起條新過海隧道改善塞車,佢地話冇錢;要收全港市民強醫金,政府都只係出五百億,其他要問市民收,香港係乜?就係中共的次殖民地。一班土共以及賣港賊,就霸佔垃圾會,為打壓政敵不遺餘力,明明冇原告,佢地都可以開先河,去浪費公帑審議甘乃威的私事!卻對香港人真正關心的事情,不屑一顧。
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    1 個月前

最近文章

再次伸延閱讀