支持及訂閱請按 Like

星期日, 12月 06, 2009

嘩!廿萬人睇東亞運開幕呀!

最新消息:警方估計 20 萬人觀看東亞運開幕
2009-12-06 HKT 01:35
警方估計,大約 20 萬人在維港兩岸觀看東亞運開幕禮。

嘩!廿萬人呀!萬人空巷呀!睇真 D?看看中國評論網站的睇煙花相片,大家就會有開心大發現!

有過年睇過煙花的朋友就知,灣仔呢個位睇煙花平時係針插不進,點解影出來的相咁空o既?

時代廣場張相,嘩!好多人呀!呢張簡直係十張相之中最好笑的笑點!

中國評論的記者真係辛苦啦,呢張相影到好多人,林忌當時都經過現場,好多人--但其實係排隊去左邊的聖誕節攤位影相,聖誕節擺設全場爆滿爆哂,爆到塞去東亞運果個空哂的舞台前面,再加埋前面等的士的乘客,原來咁就叫有「過百人聚集在空地前收看轉播」!

港台:東亞運動會開幕禮晚上維港舉行 2009-12-05HKT22:37

東亞運動會開幕禮,晚上八時在尖沙咀對開海面舉行,歷時個半小時,由國務委員劉延東宣佈運動會正式開始。行政長官曾蔭權致辭時表示,今次是本港首次舉辦大型綜合運動會,揭開重要一頁。尖沙咀及西九海傍一帶,有過千名市民及遊客觀賞開幕禮進行。

晚上十點三十八分的港台報導,尖沙咀加埋西九海傍都只係得「過千名市民」,灣仔海傍又係影出來得幾百幾千人,警方可以吹到維港兩岸有廿萬人,仲多過六四晚會喎,咦?好多成日話泛民作數果班學者呀,果班對統計數字有特別興趣的評論人呀,去哂邊?

再睇番中國評論早少少的報導,又有開心大發現!
# 東亞運開幕式一片璀燦 逾20萬人參與(圖) (2009-12-05 20:53:55)

全香港的媒體,在林忌星期六晚十一點幾寫上一篇文之時,都冇幾多人睇煙花的數據;連商台要凌晨十二點四十三分,香港電台要到凌晨一點三十五分,先報話警方講有廿萬人。

可是中國評論卻能未卜先知,仲早過警方,可以分析哂維港兩岸的市民有廿萬人,簡直係香港媒體之中最專業,令人回想起上年神舟七號升空時,可以提早一日預知太空人升空見到乜一樣!

更令人震驚的,就係警方的數字,以及各大媒體的數字,完全同中國評論吻合!個個都全部係廿萬,冇多冇少!超勁呀!以往遊行示威晚會,一個場咁細都可以有幾個數,而家全香港維港兩岸加埋,所有媒體都可以得出同一個結論廿萬,香港各大學的統計學系可以派人向佢地好好學野呢?

點解中國評論最快,而警方立即跟進呢?點解中國評論可以在晚上八點五十三分,就得出維港兩岸有「廿萬人」的結論,然後警方要到過十二點,先急急腳去補飛通知傳媒,各媒體再急急腳補飛,出來宣稱有廿萬人呢?

唯一的結論,就係顯示了中聯辦的威力--中聯辦可以控制香港警方講有幾多人,同時可以下令全港各大媒體統一報同一個數字!咩叫「人贓並獲」呢?未就係呢 d 囉!

伸延閱讀:
神丹七號未來報告
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    8 個月前

最近文章

再次伸延閱讀